"ملتقى طلاب 3 ثانوي"

[BaNZeR]

المشاركة الأصلية كتبت بواسطة سري جداا

السلام عليكم

اولا انا حاسه ان حياتى اتغيرت خالص بقيت إنسانه تانيه خاااااالص

يعني انا فى الأول كنت ناجحه وبطلع م الأوائل وكده

وكمان طريقة معاملتى مع اهلى كانت كويسه جدا

بس لقيت نفسي فجأه أتغيرت

بقيت أفكر فى حاجات عمرى ما فكرت فيها

وعلطول حاسه انى حزينه جدا

ومكتئبه بس مش عارفه أيه السبب

حياتى كلها بقت كئيبه وحزينه

كل ما بحاول افرح الاقى اى حاجه تحصلي تخليني حزينه

ارجوكم مستنيه ردكم

يضطر الانسان أحياناً إلى تغيير مسار حياته جزئياً او كاملاً
اقدر اقول مش احياناً كمان بل غالباً
فهذه إحدى صفات فترة المراهقة

التغير في كل شيء
خاصة المعاملة مع الاهل
وذلك لاحساس الابن أنه صح دائماً ويجب ان يكون له رأيه الخاص في كل شيء

هذا من حقك ولكن عليك ايضاً تنفيذ اوامر والديك حتى ولو ظننت أنه خاطئاً
فهم في النهاية يخافون عليك ويخشون ما لا تعرفه


زمان كان الواحد دايماً فرحان
وده شيء طبيعي لأنه كان الواحد خالي من الهم
كل قرايبك بيحبوك بيدلعوك بيجيبولك اللى عايزه

مش محتاج تعمل حاجة لنفسك مش محتاج تذاكر مش محتاج تزعل غير لما تجوع


لكن مع الوقت كل واحد اهتماماته وواجباته بتزيد
يبقى لازم الواحد حياته تتغير عن زمان
مش حيفضل طول حياته يضحك ويفرح وخلاص

بس مش كل الدنيا احزان عشان نعممها حوالينا كلها

لازم نبص بنظرة متزنة للأمور

وبما إنه كلامك كان عام وموضحتيش ايه نوع المشاكل اللى بتقابلك والاحزان
فانا حاولت برده اتكلمت بشكل عام لعل يكون فيه ما يفيد


لو قعدنا نقارن بين زمان ودلوقتي حنتعب كتير
لكن ممكن نقارن بين دلوقتي واللى نقدر نبقى عليه في المستقبل

والحياة ماهي برهة صغيرة حقيرة لا تستحق منا البكاء ولا الشهيق ولا النحيب
ولكن علينا ايضاً الا نتخذها كلها هزواً ولهواً

فلنعمل ونعد لحياتنا الخاصة التي نريدها نحن لا التي تريدنا الدنيا عليها