خطاب الحكومة للمتعاقدين ( ردد ردد )

[مستر طه أبوسمرة]

والله برافو عليكوا يا جماعة
أنا بتابعكم ساعة بساعة
هى الدنيا كده خداعة
لازم نعايشها ببراعة
**********
أنا زيكم " كائن " متعاقد
وطبعا باحلم بالتعيين
وللراحة أنا دايما فاقد
وهى الراحة هتيجي منين
**********
طول ما "الجمل" ويانا
لازم نعبر الصحراء
بس يا"جمل" لا تنسانا
وتقول دول شلة " شعراء "
والله تعبنا ما كفايانا
حيرة وذل , ألم وشقاء
**********
تربوي وأدينا تربينا
و"مساعد" قلنا : ....ماعلينا
ومشاوييييييير رحنا... وجينا
وهتعملوا ايه تانى فينا ؟؟؟؟
**********
إنت معلم ... بس مساعد ؟
ولازم تقرير الصلاحية
ومؤهلك لا يؤهلك
حتى اسأل الأكاديمية...
ولازم كمان فى الكمبيوتر
تحصل على رخصة دولية
وبعد كده يبقى تعالى
نشوفلك ورقة منسية
بتضحك ليه .... يا متعاقد ؟
أكيد .... من "شر البلية"
**********
وعجبي ,,,,,,,,