هانى هلال خلع النقاب شرط لدخول الجامعه

[أسيل رزق]

أنا عايزة بس اوضح كام حاجة كده

أولأً : اللى بتدخل الجامعة بتورى الكارنيه لبتوع الأمن يعنى كده كده بيشوفوا وشها و يمكن القرار ده زايد عن حده شويه
ثانياً : أنا مابقتش بشوف منتقبات كتير ملتزميين بالنقاب .. يعنى إيه واحدة مغطية وشها و كاشفة إيديها ؟!! ولا راسمة عنيها ولا لابسة عباية ملونة أو بتلمع !!
الملتزمين بالنقاب فى الجامعة بقوا قليلين جداً
ثالثاً : الحكومة ماصدقت تصطاد فى الميه المش عارفة إيه .. يعنى اللى مش عاجبها القرار ماتتعلمش و تقعد فى بيتها
رابعاً : نزل قرار بخلع النقاب فى لجان الامتحانات .. يعنى الحكاية متقفلة على الآخر
خامساً : مافتكرش كل الهيصة دى هتفيد بحاجة .. كلها قرارات مع وقف التنفيذ أو هتقعد فترة و تختفى أو بمعنى تانى عايزين يقللوا من المنتقبات
و ده بقى ممكن يكون أصعب إختبار هتقابله كل بنت منتقبة فى إختيارها للنقاب أو للتعليم .. و بصراحة اللى هيختاروا التعليم يبقى النقاب إرتاح منهم