جربتها ..... وعشقتها ....... من ذاقها عرف السعادة ما تكون .

[صوت الامة]

المشاركة الأصلية كتبت بواسطة عبدالقادر محمد

ايوة والله
منورنا يا جميل وحشتنى والله عاوز اكلمك وحشنى كلامى معاك
وانت اكتر والله يا عبدة يا حبيبى وحشتنى جداااااااااااا
اتفضل يا يا حبيبى كام سؤال كدة على الماشى
ابااااااااااااااا طب لية كدة مكنا حبايب من شوية هنبدا نغلط اهوة
هههههههههههههههههه
اتفضل

1- ما هي رؤيتك للحياه؟
عادى خالص هى الحياة اية غير ايام بنعشها وخلاص
(شوتو الجملة دى )
لا بجد الحياة بالنسبالى غير كما شبهها الرسول صلى الله علية وسلم

(سوق قام ثم انفض )
يا رب بس نخرج منها لا لينا ولا علينا
انما اننا نعشها بالطول والعرض زى ما فى بعض الناس بتقول انا مش مع الكلام دة اطلاقا

2- ما هي التجربه التي تتمنى تكرارها؟
اروح الاقصر واسوان تانى
بجد كانت رحلة ممتعة جداااااااااا وجميلة اوى
يا رب اطلعها السنادى كمان

3- اية هو اكتر موقف ابكاك في حياتك؟
ياة السؤال دة صعب اوى والله يا عبدة
انا فى موقف مر عليا والله عمرى ما اقدر انساة وفعلا بكيت جامد
كان فية واحد صاحب والدى واستاذى فى المعهد
الاستاذ دة بجد كنت بحبة جدااااااا وبحترمة جدا جدا
وهو كمان كان بيحبنى وكان لمنا يدخل الفصل هو كان وكيل المعهد كان لما يخل الفصل يقعد يقول للمدرسين مستواة اية واضربوة وخدو بالكم منة فى الحصة ودائما قومو اسئلوة وكدة يعنى وكنا دائما نفضر مع بعض ووالدى كان معانا ايضا لان والدى كان كبير باحثين فى المعهد وعلى درجة مدير عام
حتى ايام الامتحانات كنا دائما نروح نفطر بين اللجنتين مع بعض
فى المطعم الى قريب من المعهد
المهم ان الاستاذ دة كان مسافر مرة الى الاسكدنرية هو كان كثير السفر فى كل حتة علشان كان عندة شغل تانى غير المدرسة وكدة
فا فى يوم واحد صاحبة مات فى اسكدنرية وراح علشان ياتى واجب العزاء المهم حضر الجنازة والناس مسكو فية علشان يقعد هو رفض وقال انو هيروح يجيب غداء للبيت يعنى من المدينة عندنا للاسكندرية مشوار بتاع ساعة ونصف ولا حاجة
المهم انو اسر على الرحيل وبعدين راح جاب غدة واتغدة وراجع تانى علشان الناس الى مستنينو هناك فى العزاء
اثناء وهو راجع العربية عملت حادث والحقيقة انو كانت عربيتين
14 راكب دخلو فى بعض 14 راكب كلهم ماتو بما فيهم الاستاذ محمد كان حادث يا خبر ابيض مدينة المحمودية لن تنساة حتى الان
اليوم دة 14 الى توفو دول كانو من المحمودية كلهم
كان يوم صعب اوى والله والنظر كان مفجع بطريقة كبيرة جدا
انا لن انسى اهالى الشباب وهما فى المستشفى ومنظر الجنائز وهى طالعة
حقيقى منتظر خطير جدا جدا والله انا عيط عياط
المهم ان انا وانا فى المعهد كنت كل يوم افتكر الاستاذ محمد وهو يدخل عليا ويضحك ويوصى عليا المدرسن اعيط جامد بطرقة فظيعة والله
حتى فى الامتحانات لما رحت المطعم افتكرت كل حركة كان بيعملها كل نظرة لية كان دائما بليضحك ويحب الضحك والهزار
وكان بيجيب الصور بتاعت اولادة ويقولى شوف دة كذا ودى كذا
ويعرفنى على اولادة وكان التليفون الى معاة كان لسة شا رية جديد وفرحان بية اوى ويقولى انا كان نفسى فى التليفون دة من زمان
افتكر كل دة بجد كانت ايام صعبة جدا وكان موقف انا حتى الان مش قادر انسى الاستاذ محمد ابدا والله فى بالى كل يوم هو متوفى بقالة 4 سنين ولا حاجة ولكن مش قادر انسى ابتسامتة ولا كلامة والله كل كلمة هو كان بيقولها بتحضر فى ذهنى وابكى علية
ربنا يرحمك يا استاذ محمد انت وجميع المسلمين يا رب
اسف انى طولت عليكم معلش

4- طبع سيء فيك تتمنى ان تغيره؟
مش عارف بجد بس انا فيا عيوب يامة جدااااا نفسى اغيرها

5- طبع حلو فيك والكل يمدحه؟
مش عارف بردة اعتقد ان مفيش
6- لو رحت فرح لقيت فية اغانى فاحشة يعنى هل هتمشى من الفرح ولا حتقعد تتفرج وتسمح زى بقية الناس
هسمع طبعا
ههههههههههههههه
والله على حسب
بس انا الى هو شخصى الحقير مش بحب بجد الاغانى الشعبيةكلها بلا استثناء
بس على حسب لضرورة احكام يعنى فرح واحد صاحبى فرح قرايبى مثلا مش اعرف امشى غير لما اقضى الواجب الى عليا وبعين امشى يعنى هسمع هسمع غصب عنى مش بايدى ودا مش مبرر على فكرة
بس اعمل اية ؟

7- انت قولت امنياتك كتيرة وصعب تتحق وقلت ان فى حاجة اتحققت منها اية هى ؟
منتدى للشيخ مصطفى اسماعيل
انا من عشاق الراجل دة رحمة الله رحمة واسعة
ونفسى اعملة حاجة تجمع تراثة واعمالة القرانية والاسلامية كلها
الحمد لله بدانا اول حاجة فية ولسة بنحاول نكمل العمل دة والفضل كلة يرجع ايضا لواحد صحبنا هو الى عملهولى لانى مش اعرف زى ما هو عارف ( انا مش عاوز اقول على اسمة لانة مش بيحب كدة هو عامل العمل دة ومش عاوز حد سعرف)
ربنا يبارك لنا فية وجعلة فى ميزان حسناتة يا رب العالمين ويوفقة فى دراستة وشغلة
امين يا رب

(بصرااااااحة)
جاوب على الاسئلة دى انت وجهتهالى يلا جاوب على ما اجهزلك

ابا ااااااا صحيح من اعمالكم سلط عليكم انا كان اية خلانى اسئلك اصلا الاسئلة دى
هو الى اعملة فى غيرى يتعمل فيا ولا اية؟؟؟
هههههههههههههههه
بارك الله فيك يا عبدة يا حبيبى
عمو عمو عمو والنبى ما تسال تانى