مستر محمود فتحى بعنوان حل مجلس الإدارة
اقتباس:
|
انا اسف يا جماعة يمكن العنوان صادم شوية لكن
فعلا انا بأطالب بحل مجلس الادارة
وليا اسبابي اللي ياريت تقروها الاول
1- كلمة مجلس يعني مجموعة وانا مش شايف اى مجموعة من يوم ماتشكل المجلس كل واحد بيدخل بموضوع فردي واراء فردية
2- كلمة مجلس يعني خطة عمل وانا مش شايف اي خطة عمل تم تنفيذها او طرحها حتى الان للنقاش او التنفيذ
3- كلمة مجلس يعني اجتماعات دورية والحمد لله فشلنا حتى الان فى تحديد اجتماع واحد نتناقش فيه فى اي شيء او حتى نسلم على بعض
4- المجلس يا جماعة يعني عمل من اول لحظة تشكيله وبرضوا مافيش اي حاجة من دي
كل دة عادي وممكن علاجه
لكن اللى مش ممكن علاجه اللى بيحصل دلوقتى الكل خايف يتكلم والكل شايف اللى بيحصل حقائق بتعرض امامنا واحنا مش بنعلق حتى . موضوع مستر احمد فاضل الاخير ماحدش رد عليه رغم انه وضع الحقائق ادام الكل ورغم كدة مش لقينا غير الصمت الرهيب . موضوع الادمين الاخير ماحدش رد عليه رغم انه موثق كلامه بصور ومستندات موجودة .
هل صوت الحق على خطأ واخل باتفاقه مع الاستاذ محمود سرحان ؟؟؟ ام هل الاستاذ محمود سرحان يتصيد الاخطاء لصوت الحق ؟؟؟؟ ما اراه الان ان هناك اتهامات من الاستاذ محمود سرحان لصوت الحق رئيس المجلس موثقة بمستندات ولا اجد اي ردود !!! طيب هاننتظر كدة لعند امتى ؟؟؟ وياترى الصمت والترقب دة هايستمر ؟؟ وكل دة على حساب ايه ومين ؟؟؟ وليه بيحدث كل دة .
انا مش كاتب الموضوع ده علشان حد يرد لانى متوقع انه ودن من طين وودن من عجين زى مابيقولوا لكن كاتبه علشان لو ظل الموقف دة كدة يبقى بلاش من المجلس اصلا وياريت يصدر قرار بحله لان قلته انفع .
|
15-11-2009, 01:18 PM
العرض الشجري
