خلينى آخر الحاجات للشاعر الغائب محمد على

[أحمـدنجـم]

المشاركة الأصلية كتبت بواسطة مش محمد على

خَلينى وِسط حاجات كِتير عايشه ف حياتِك
خَلينى بسمه ف ذكرياتِك
خَلينى آخر الحاجات
خَلينى فارس فِ السُكات
وسيبينى أضيع
زى ما كنت انا قبلك باضيع
خلينى بعد الناس بحالها
خلينى ذكرى أو حكايه تحكى عنها
وافضل أطير فوق عيون الناس بشوق
واتعب واحط
بعد ما عشقت السِكك
اللى آخرها نور عيونك
واللى وخدانى إليكى
مشتاق لكى
والشوق جناين
مشتاق لكى
والشوق مداين
واخدانى معاها لفوق
وارجع ألاقينى وحيد بين القصايد والكلام
حَبة ورق
مَلانين بعطرك
حبة وعود من غير وفا
واختفى منها الأمل
ابقى ف عيون كل البشر مجهول
مَحروم من طَله منك
من سؤال لو تسأليه عنى كإنى عايش ف جنه
ساكن أمانك
عايش ثوانى العمر باحلم باللقى والقرب منك
بحرف منك
لو تبعتيه ، كل الأغانى تنتحر قدام كلامك
محتاج لبسمة من شفايفك
لو تبتسم ألاقى الكون منوَّر
وافضل أدوَّر
على القلب اللى تايه من زمان مش لاقى مَرسى فوق بحورك
تايه ف ضلمة دنيتى
محتاج لنورك
وافضل أحب عذابى لما بالتقى إهمال عيونك
خلينى وسط حاجات كتير عايشه ف حياتك

دايماً بحس في آخر كل قصيدة من قصايدك أنها مش دي النهاية
وانا عارف السبب
لأن كل قصيدة من قصايدك ألم
والألم مالوش نهاية الألم مفتوح النهاية
توسلات الشاعر لمحبوبته الغافلة
استجداؤه كلمة نظرة
طلبه البسيط
حلمه الهش
أن يصبح شيئاً من أشيائها
الله يا محمد بجد فنان
حقيقة فنان

[الشاعر/محمد علي]

المشاركة الأصلية كتبت بواسطة **أحمد نجم**

دايماً بحس في آخر كل قصيدة من قصايدك أنها مش دي النهاية

وانا عارف السبب
لأن كل قصيدة من قصايدك ألم
والألم مالوش نهاية الألم مفتوح النهاية
توسلات الشاعر لمحبوبته الغافلة
استجداؤه كلمة نظرة
طلبه البسيط
حلمه الهش
أن يصبح شيئاً من أشيائها
الله يا محمد بجد فنان

حقيقة فنان

أخى الشاعر الكبير نجم
ياااااااااااه لا تتصور كم أنا سعيد بزيارتك لى ولقصيدتى
دمت مبدعاً شاعراً كبيراً
وهكذا على رأى ناقد كبير قرأ قصيدتى قال: هكذا المحب العربى يرضى بأقل القليل