...*رابطة طلاب هندسة اسكندرية*.....

[ENG_EMY99]

المشاركة الأصلية كتبت بواسطة eng_mohammed

ايه يا إيمان أخبار الامتحان
سبع ولا ضبع
لا سبع ولا ضبع
فرخة بالكتكوت بتاعها كمان
مستنى أسمع أخبار حلوة

لا اسمع من حد تانى مش منى
بص يا سيدى كل سيكشن هيتقسم جروبيبن
كل جروب هيمتحنه دكتور انا السيكشن
بتاعى امتحنوه دكتور احمد عمارة
ودكتور عمرو محروس:abdoog8:
الجروب بتاع احمد عمارة اداهم ورقة
كدة فيها حوالى سؤالين ولا 3
وحلوا فيها وخلاص
على كدة
انما بقى حبيب الملايين دكتور عمرو:abdoog8:
عصرنى عصرنى عصرنى:abdoog8:
نفخنى نفخنى نفخنى:abdoog8:

قعدت تقولى دكتور عمرو
ويا بختك وبتاع
ربنا يبعده عنك فى الامتحان
دخل ستة ستة وبعدين قعدنا على ترابيزة وهو فى النص
وفتح مناقشة بقى وياريتها ما اتفتحت
سال ولد فى الالتواء عبارة عن مسالة
وانا قاعدة مأنتخة بقى مستنية الدور عليا
لقيته بيقولى فاكرة صيغة المسالة
قلتله يعى راح مليهالى
وقالى جاوبوها انتو الاتنين
وبعدين بقى قعد يسال فى الحرارة كتير
اووووووووووووووى اوووووووووووووى
اكتر من الجزء بتاعه كمان
ساله فى الحمل والاشعاع
كتير اووووووى
وكل حاجة فى التعريف ليه؟ اشمعنا؟ ليه متكنش كدة ؟
طب ينفع تكون كدة
الحاجات اللى تفقع المرارة دى
وتجيبلك الضغط والسكر والقاولون
العصبى وشلل الرعاش
طب وانا مالى ما التعريف متزفت كدة
وبعدين قعد يسال بقى فى الحركة
الدورانية فى اول محاضرة خالص
فى السنة ويطلع بقى الفسافيس
بتاعة المحاضرة
ليه واشمعنا ونفس الموال
لدرجة انه يشككك فى اجابتك
ومثلا لو عندك كرة منتظمة وغير منتظمة
وبيدوروا حولين مركزالدوران
يبقى نصف قطر الدوران يكون منين لفين
وايييييييييه تانى يا بت يا ايمان
اه وسال فى الطاقة المختزلة وتعريفات الحرارة
بالتفصيل
والله كنت حاسة انى فى تحقيق جريمة قتل
اه وقالى
بقى حتة سؤال
تحفففففففففففففففففففة
قالى احسبيلى سرعة وعجلة عقرب الساعة الكبير
هههههههههههههههههههههههه
انا تنحت اصلا
وبعدين قعدت اهبل كدة
الا بالحق هو قصدة بقى على عقرب الثوانى
ولا الدقايق ولا ايه بالظبط
وادانى مسالة على الحركة الدورانية
بس كدة اتهيالى
بس اصلا كل واحد قعد يساله
حوالى 3 اسئلة بالكتير اوى كمان
مش عارفة ليه اشمعنى انا
نفخنى اتسالت حوالى 9اسئلة
وروحنى اخر واحدة
وكل شوية يسالنى يسالنى
والباقى روح خلاص واللى مجاوبش
غير سؤال واحد بس ومعرفش كمان
روحه اشمعنا انا
اللى خللنى جنبه بالاسئلة
كان بيحينى اوووووى الصراحة امبارح
والله معملتله حاجة لكل ده