حملة أوروبية لمقاطعة المنتجات المصرية ووقف الرحلات السياحية إلى مصر

[سمر2000]

مقدروش على اسرائيل بيشطرو على مصرالا هى مصر بتصدرلهم منتجات ايه غير الطرشه

[محمد.فوكس]

انا اعتقد ان فعلا المخابرات المصرية حست بوجود خطرعلى مصر.
و الا مكانتش بدأت في انشأء الجدار في هذا الوقت الحساس و هو ذكرى حرب غزة.
معنى ذالك انه حاجة ملحة.

[شيماء شريف]

مش عارفة اقول ايه


بس انا مع بناء الجدار لو انكم لو عاشرتم الشعب الفسلطينى هتعرفوا ليه

[السيد صابر]

يادي الخيبة ويادي النيبة

دا احنا طلعنا ملطشة و الكل عمال يلطش فينا بقى

يبقى كده ليه؟

لإننا فينا حاجات غلط

ووحده منها حكاية الحيطة اللى بتتبني بين مصر وغزة

والمصيبة الأكبر إن اللى وقف واعترض مش دولة عربيةولا إسلامية

دول ناس من أوربا

يعني العر ب جميعا ميهمهمش غزة ولا فلسطين وللا إيه؟

شكل الحكاية كده كما قال أحد أساتذتي, غفر الله له...

العرب جرب إينما ذهبت هرشت

يبقى من حق أي حد يقيس قفانا ويمضي بصوابعه العشرة عليه

وعلى فكرع برده

الغلط في الحكومة وده ظاهر من يوم الاختراق الفلسطسني للحدود المصرية المرة اللى فاتت, لإن اختراقهم كان على شان الأكل والشرب , والحاجات الضرورية للحياة, مش علشان يستعمروا سينا أو يهربوا من بلادهم, والدليل على كده إنهم رجعوا تاني لبلدهم.

يبقى الحكومة المصرية كانت مضيقة عليهم هي كمان

وربنا يهدي الحكومة......

اللهم ربي إن أحببتي فلا تجعلني من أهل الحكومة

وإن غضبت علي فلا تجعلني من أهل الحكومة

[ya reat ya gama3a besro3a]

no comment hhhhhhhhhhhhhhhh

[حـHoSaMـسام]

المشاركة الأصلية كتبت بواسطة المجاهد فى سبيل الله

حضرتك بتسمع افلام كارتون كتير على فكرة
حيتم تفجير سيناء ازاى ان شاء الله
دا على اساس ان حماس التى تحكم عزة متعرفش الواجب و الاصول ولا على اساس انهم ارهاب يا اخ حسام
لا يا اخى احب اقولك
ان الفكرة دى نشرتها الحكومة بتعتنا علشان منتعاطفش مع اخونا فى غزة واقل كلمة تتقال انهم يستاهلوا كل الى يجرالهم
دا الى عايزينه و الظاهر نجحوا فيه
لا يا اخى حماس تعرف الاصول كويس و الاحداث الى بتتقال انها حصلت دى محصلتش وكل دى افتراءات
ابتدعوها كلاب امريكا و اسرائيل لتشديد الحصار على اخونا الفلسطينيين
ولا تاخذنا بهم رافه ولا رحمة

من إسمك أحب أقول لك ان حماس ضاحكة عليك وعلى اللي زيك ومختبأة لكم في زي الإسلام والشفقة إلى أن يأتي اليوم الذي ستعطونهم أرضكم على طبق من فضة أنا مبقولكش إن الفلسطينيين وحشين ولا حاجة لا أنا بقول لك إن حركة حماس دي حركة إرهابية ومعاها أموال طائلة تهد مصر وتبنيها تاني وممكن كمان لو عايزة تبني فلسطين تاني تبنيها بس بدل ما تبنيها إحتلتها وبتحاول ترمي بلاويها على الدول الآمنة المجاورة لها .
تقول إيه لما بلد مش لاقية تاكل ومفيهاش رغيف ويجي واحد ويحفر نفق بين غزة ومصر بسبعين ألف دولار لا وكمان ياخد تصريح من حماس عشان يبني وحماس توصل للنفق كهربا كمان . لو قلنا ده كله عادي فتعالى للمصيبة الكبرى إنهم بيسرقو أكل التموين بتاع الغلابة اللي في مصر ويروحو يبيعوه لعلية القوم في غزة وبالدولار برضه وغير كده جميع التفجيرات اللي حصلت في مصر من قبل تنظيم القاعده مرت أسلحتها من انفاق رفح وقتلت مايزيد عن 300 مصري
والسؤال هو كيف تترك حدود دولة مفتوحة مع دولة اخرى بدون رقيب إحنا لازم نحمد ربنا إنه ستر المدة اللي فاتت دي كلها على البلد لأن ماكان يحدث كان كارثة وعيب واحد مصري يقول اللي إنته بتقوله ده . أنا مع الإخوة والإنسانية وكل حاجة بس مضيعش بلدي عشان مجموعة لصوص بتسترزق من حدود بلدي بطرق غير مشروعة وكمان مسلحين.
وليه متقلش إن بعد بناء الجدار هنقدر نفتح المعبر بأمان ونعطي المساعده لمن يستحق دون أن نعطيها للصوص حماس ليه دايما بنفتي وإحنا مش فاهمين مع إننا ممكن نضيع دولة بحالها بكلامنا ده.
لو بتتفرج على قناة الجزيرة كان في تقرير جه إمبارح مصور الفلسطينيين وهما بيبنو المستوطنات في بلدهم مع إسرائيل وبيشتغلو معاهم باليومية في بناء المستوطنات
ولو رجعت لورا شوية هتلاقي برضه تقرير بيوضح إن بعض الفلسطينيين كتبو تنازلات عن أرضهم لإسرائيليين في سبيل بعض المال أو النساء (لو مش مصدقني دور في النت)
أنا مش متحيز لحكومتنا ولا حاجة بس هيا من حقها تحمي كيانها وبلادها من أي إخراق زي ده وخد بالك إرتفاع الأسعار وإنهيار الإقتصاد سببه اللصوص دول اللي سرقو التموين وسرقو البنزين وبرضانا إحنا وتحت ستار الاسلام والاخوة .. بكره يقتلو جنودنا عالحدود ويهدو معبر رفح بالجرافات علنيا قدام عنيكو ويدخلو يسرقو من المحلات عيني عينك وسلملي عالأخوة
الخلاصة::الحلال مفيش أحسن منه يعني الجدار ده غير إنه هيحمينا احنا هيحمي الغلابة اللي في غزة اللي بيشربو مية الصرف ولما توصل مساعدات حقيقية الحكومة هتعرف توصلها للغلابة إزاي بدل ما تعدي على لصوص الأنفاق يعني سيتم إلغاء سلطة حماس من المعبر والتعامل المباشر مع الحكومة والمواطن.
بالنسبة للأصول اللي انت بتقول لي ان حماس تعرفها فهي لو تعرفها مكانتش تدي تصاريح ببناء أنفاق محظورة تخترق بلدك وتعرض اللي بيحفرها كمان للخطر

[حـHoSaMـسام]

وأحب أقول لك ان غزة مش محاصرة زي منتا فاهم
فلسطين دي دولة زي ما مصر دولة ومتقسمة برضه محافظات منهم غزة دي اللي هيا يفصل بينها وبين إسرائيل معبر صغير والقصة أن إسرائيل تريد هدم المعبر وضم غزة لأرضها فحاصرت غزة تحديدا عشان أهلها يهجو ويسيبوها هما دلوقي لما بيحبو يشترو حاجة لازم يطلعو بره غزة لمسافة كبيره جدا (القدس أو رام الله او دير البلح) وطبعا ده شيء صعب ومكلف كمان . واللي بيروح بيجيب معاه إحتياجات شهر كامل يعني الناس عايشة عيشة صعبة وبرضه صامده ومبتسبش بلدها فلا خالد مشعل الذي كان يختبأ في بيوت الفلسطينيين ومستشفياتهم حتى لا يقصف ولا مليون زيه يقدرو يفكو الحصار بطرقهم الهمجية دي الموضوع يحتاج وقفة سياسية عربية من قبل الرؤساء العرب

[thechampion]

لا لهذا الجدار
لا لهذا الجدار
الاوربيون لهم كل الحق فى مقاطعتنا لاننا الان نخون اخواننا فى فلسطين لا والف لا لهذا الجدار الذى سيقضى على المناضلين لمتى سيظل من يجكمنا يخضع لليهود فى كل شئ ويقول طظ فى فلسطين لا والف لا وقولوا على فلسطين السلام

[thechampion]

المشاركة الأصلية كتبت بواسطة حـhosamـسام

وأحب أقول لك ان غزة مش محاصرة زي منتا فاهم
يا راجل يعنى كلنا مضحوك علينا وانت لا


فلسطين دي دولة زي ما مصر دولة ومتقسمة برضه محافظات منهم غزة دي اللي هيا يفصل بينها وبين إسرائيل معبر صغير والقصة أن إسرائيل تريد هدم المعبر وضم غزة لأرضها فحاصرت غزة تحديدا عشان أهلها يهجو ويسيبوها هما دلوقي لما بيحبو يشترو حاجة لازم يطلعو بره غزة لمسافة كبيره جدا
واضح انك عايش معاهم هناك
(القدس أو رام الله او دير البلح) وطبعا ده شيء صعب ومكلف كمان . واللي بيروح بيجيب معاه إحتياجات شهر كامل يعني الناس عايشة عيشة صعبة وبرضه صامده ومبتسبش بلدها فلا خالد مشعل الذي كان يختبأ في بيوت الفلسطينيين ومستشفياتهم حتى لا يقصف ولا مليون زيه يقدرو يفكو الحصار بطرقهم الهمجية دي الموضوع يحتاج وقفة
اتقصد ان حماس المناضلة وزعيم من زعمائها يتصرفون بطرق همجية
هههههههه
طب خد بالك عشان كده غلط وعيب لما تقول على ابطال انهم
همج
سياسية عربية من قبل الرؤساء العرب
انت عايز تفهمنى ان احنا كعرب عندنا رؤساء طب قولى واحد كده بياخد موقف وعنده دم

ازاى يا كابتن تقول على المناضلين همج ازاى

[حـHoSaMـسام]

المشاركة الأصلية كتبت بواسطة thechampion

لا لهذا الجدار
لا لهذا الجدار
الاوربيون لهم كل الحق فى مقاطعتنا لاننا الان نخون اخواننا فى فلسطين لا والف لا لهذا الجدار الذى سيقضى على المناضلين لمتى سيظل من يجكمنا يخضع لليهود فى كل شئ ويقول طظ فى فلسطين لا والف لا وقولوا على فلسطين السلام

والله إنت ما عاشرت فلسطيني عشان كده أنا عاذرك

[thechampion]

المشاركة الأصلية كتبت بواسطة حـhosamـسام

من إسمك أحب أقول لك ان حماس ضاحكة عليك وعلى اللي زيك
ياراجل وانت بقى اللى مش مضحوك عليك
ومختبأة لكم في زي الإسلام والشفقة إلى أن يأتي اليوم الذي ستعطونهم أرضكم على طبق من فضة أنا مبقولكش إن الفلسطينيين وحشين ولا حاجة لا أنا بقول لك إن حركة حماس دي حركة إرهابية ومعاها أموال طائلة
ياعم عيب بقى اللى بتقوله ده دول هما اللى بيمثلوا المقاومة فى العالم العربى كله تقول عليهم ارهابيين
تهد مصر وتبنيها تاني وممكن كمان لو عايزة تبني فلسطين تاني تبنيها بس بدل ما تبنيها إحتلتها وبتحاول ترمي بلاويها على الدول الآمنة المجاورة لها .
تقول إيه لما بلد مش لاقية تاكل ومفيهاش رغيف ويجي واحد ويحفر نفق بين غزة ومصر بسبعين ألف دولار لا وكمان ياخد تصريح من حماس عشان يبني وحماس توصل للنفق كهربا كمان . لو قلنا ده كله عادي فتعالى للمصيبة الكبرى إنهم بيسرقو أكل التموين بتاع الغلابة اللي في مصر ويروحو يبيعوه
كمان طلعتهم حرامية طب خف شوية عشان مغلطش فيك علشان دول مجاهدين ودول اسياد العرب دول اللى بيجاهدوا مش زينا قاعدين بنتفرج وكبيرنا نتعاطف
لعلية القوم في غزة وبالدولار برضه وغير كده جميع التفجيرات اللي حصلت في مصر من قبل تنظيم القاعده مرت أسلحتها من انفاق رفح وقتلت مايزيد عن 300 مصري
بلاش تتكلم كلام غير مثبت
والسؤال هو كيف تترك حدود دولة مفتوحة مع دولة اخرى بدون رقيب إحنا لازم نحمد ربنا إنه ستر المدة اللي فاتت دي كلها على البلد لأن ماكان يحدث كان كارثة وعيب واحد مصري يقول اللي إنته بتقوله ده . أنا مع الإخوة والإنسانية وكل حاجة بس مضيعش بلدي عشان مجموعة لصوص بتسترزق من حدود بلدي بطرق غير مشروعة وكمان مسلحين.
وليه متقلش إن بعد بناء الجدار هنقدر نفتح المعبر بأمان ونعطي المساعده لمن يستحق دون أن نعطيها للصوص حماس ليه دايما
برضه بترمى الناس بالباطل
بنفتي وإحنا مش فاهمين مع إننا ممكن نضيع دولة بحالها بكلامنا ده.
لا انت اللى فاهم قوى
لو بتتفرج على قناة الجزيرة كان في تقرير جه إمبارح مصور الفلسطينيين وهما بيبنو المستوطنات في بلدهم مع إسرائيل وبيشتغلو معاهم باليومية في بناء المستوطنات
ولو رجعت لورا شوية هتلاقي برضه تقرير بيوضح إن بعض الفلسطينيين كتبو تنازلات عن أرضهم لإسرائيليين في سبيل بعض المال أو النساء (لو مش مصدقني دور في النت)
أنا مش متحيز لحكومتنا ولا حاجة بس هيا من حقها تحمي كيانها وبلادها من أي إخراق زي ده وخد بالك إرتفاع الأسعار وإنهيار الإقتصاد سببه اللصوص دول اللي سرقو التموين وسرقو البنزين وبرضانا إحنا وتحت ستار الاسلام والاخوة .. بكره يقتلو جنودنا عالحدود ويهدو معبر رفح بالجرافات علنيا قدام عنيكو ويدخلو يسرقو من المحلات عيني عينك وسلملي عالأخوة
الخلاصة::الحلال مفيش أحسن منه يعني الجدار ده غير إنه هيحمينا احنا هيحمي الغلابة اللي في غزة اللي بيشربو مية الصرف ولما توصل مساعدات حقيقية الحكومة هتعرف توصلها للغلابة إزاي بدل ما تعدي على لصوص الأنفاق يعني سيتم إلغاء سلطة حماس من المعبر والتعامل المباشر مع الحكومة والمواطن.
بالنسبة للأصول اللي انت بتقول لي ان حماس تعرفها فهي لو تعرفها مكانتش تدي تصاريح ببناء أنفاق محظورة تخترق بلدك وتعرض اللي بيحفرها كمان للخطر

بدون الانفاق لا ولن توجد حياة فى رمز العزة غزة

[حـHoSaMـسام]

المشاركة الأصلية كتبت بواسطة thechampion

بدون الانفاق لا ولن توجد حياة فى رمز العزة غزة

وبالأنفاق لن توجد حياة في بلدك اللي إنت عايش فيها مصر إن كنت ستختار غزة فلتذهب لتحارب ولا داعي للمهاترات هنا أقسم لك أنك منذ أن دخلت هذا الموضوع لم تقل حرفا سليما يا أخي

[thechampion]

المشاركة الأصلية كتبت بواسطة حـhosamـسام

والله إنت ما عاشرت فلسطيني عشان كده أنا عاذرك

يعنى انت قصدك عالفلسطينيين عامة مش حماس بس
اديك بنت على حقيقتك

[thechampion]

المشاركة الأصلية كتبت بواسطة حـhosamـسام

وبالأنفاق لن توجد حياة في بلدك اللي إنت عايش فيها مصر إن كنت ستختار غزة فلتذهب لتحارب ولا داعي للمهاترات هنا أقسم لك أنك منذ أن دخلت هذا الموضوع لم تقل حرفا سليما يا أخي

بل انت الذى ترمى الناس بالباطل وتتهرب من اسئلتى احضر الادلة على كلامك ولا تتهرب
والحمد لله انا واثق من كل كلماتى

[محمد.فوكس]

اعتقد ان في خيارين .. الاستمرار في نظام الانفاق و دخول الاغذية و الادوية و البضائع و السلاح.
او فتح المعبر بصورة اكبر من الصورة الحالية لكن في الحالة دي مش ممكن دخول سلاح لان ده هيبقى عالمكشوف.
انا و الله متعاطف جدا و ساعة الحرب على غزة كنت عايز اروح اطلع عين ام الاسرائليين.
بس المشلكة هي التحامل على مصر..يعني لو (آسف يعني) هتصدعونا بفتح المعبر يبقى عايز الانفاق ليه؟؟
انتو صدعتونا بفتح المعبر خلاص بقى الانفاق تتقفل و بلاش سلاح.
و بعدين احنا عارفين ان الشعب الفلطسيني مش ممكن يسيب ارضه و يقعد في سيناء...بس بصراحة اقتحام معبر رفح كان شكله بايخ اوي و استفزنا.
لكن افرض بقى اسرائيل ضرب غزة و قفلت المعبر من الجانب الغزاوي؟..كده يبقى احنا اتدبيسنا في 200 الف فلسطيني في سيناء..العمل هيبقى ايه ساعتها؟
و الدولة المصرية كانت مطنشة على الانفاق و سايبة كل حاجة ماشية تمام...بس حماس برضه مصصمة عالمعابر.
طيب مهو الانفاق شغالة و المعابر بتتفتح اسبوعيا و كمان بيتعاج المرضى في مصر...المفروض حماس و هي حركة مجاهدة و مناضلة و انا بحترمها جدا و ساعة الحرب على غزة كنت اتمنى لو اطول انضملها..بس المفروض يحاولو يساعدونا عشان نعرف نساعدهم.
يعني احنا سايبين الانفاق .. متقعدوش تزنو في موضوع المعبر و بعدين هو مش مقفول خالص يعني.و مينفعش يبقى سداح مداح..مش ممكن اسرائيليين يدخلو مصر..مش ده خطر على مصر؟؟ و مش ممكن ناس يدخلو يكونو عايزين ينفذو عمليات جوه مصر؟؟..زي اللي ظبطوهم بعد اقتحام المعبر في محافظات مصرية بعييييدة و معاهم سلاح؟
و مش معنى كلامي ده اني مع تصرفات الادارة المصرية على طول الخط لا بالعكس انا ضدهم في حاجات كتير جدا بس حسيت ان في هجوم على مصر لمجرد الهجوم.