وزير التعليم يبحث عن خبراء ينفذون أفكاره‏!‏

[السيد صابر]

أنا أنا أنا أنا
عمو أنا أهو

أنفع؟؟؟؟؟؟؟

رد عليا وقال
طبعا لأ
متنفعش

ليه بقى ؟

علشان انت مواطن عادي , لازم تبقى سوبر
وكمان طلعت مدرس , ودي في حد ذاتها جريمة تمنعك من تولي أي مهمة في وزارة التربية والتعليم, وخصوصا حكاية الخبير دي.

وحذرني عمو من مجرد إني أحلم إن مدرس ممكن أنه يبقى في يوم من الأيام وزير للتربية والتعليم.
علشان ده مش صحي خالص للحكومة.

أصل المدرس هو اكتر واحد فاهم مشكلات التربية والتعليم, يبقى هيجي ويقرفنا ويعمل لنا كتب ومناهج وخطط تفيد التربية والتعليم.

وقال احنا عايزين خبراء بجد!!!!!!

وياترى إيه شروط الخبراء دول بقى ؟

قال عمو:

أولا: لابد أن يكون بعيد كل العبد عن العملية التعليمية, يعني ملوش في التربية والتعليم أساسا يعني.

ثانيا: لازم يجيب شهادة تثبت إنه عمره ما مسك طباشيره, ولا كتب على سبورة, ولا اتعامل مع طالب, ولا يعرف أساسا شكل المدارس اللى عندنا إيه.

ثالثا: لما يجيب الشهادة يمضي عليها اتنين موظفين, بس بشرط , وهو إن الموظف الأول يكون من المريخ والتاني من زحل علشان يبقى كده خبير بجد .

رابعا: لابد أن يكون هذا الخبير حاصل على درجة ماجستير في التصريحات الوردية, ودكتوراه في الضحك على ذقون المعلمين والطلبة وأولياء الأمورة بالمرة.

خامسا وأخيرا: لازم لهذا الخبير ألا يقل سنه عن 120 سنة علشان يبقى خبير مستوي, وناااااااضج.

ساعتها أنا قلت:

آآآآآآآه يا خسااااااااااااااااااااره.

لو يستنى الراجل ده سنة كمان كنت أنفع.

وابقوا قابلوني لو جابلنا واحد يعرف مشاكل التعليم والطلاب والمعلمين.
,
ويبقى سؤال..

لماذا لا يتولى معلم مسئولية وزارة التربية والتعليم, رغم انه أكثر الناس دراية بهذه المهنة؟

لماذا دائما يأتينا وزراء للتربية والتعليم لا يعلمون شيء عن المعلم والطالب والمدرسة؟