برنامج بنات على الهوا "فريق هنتغير بجد "

[د/بسمة الاسلام]

المشاركة الأصلية كتبت بواسطة بنوتة حدوتة

شكرا على الموضوع الجميل دة انا عندي زمايل مش صحاب بيكلمو صبيان وساعات بيكون ولاد واخدين رقم تليفونها وهي متعرفش ان الولد دة واخد تليفونها بس بقولها تغير الخط تقولي لا
بس المشكلة دلوئتي انها هي الي بقت تتصل بيهم وهي على وش خطوبة اعملها ايه؟؟؟؟؟؟؟؟
المشكلة الاكبر انها لسة صغيرة دي عندها اربعتاشر سنة ونص

لا حول ولا قوة الا بالله
عموما
اختى متقلقيش
كمل مشكلة ولها حلال ان شاء الله
واضح من طريقة كلامك الوسط الاجتماعى الى عايشة فيه زميلتك
بصي
اول حاجة :- هل صحبتك دي عندها اخ ؟؟ هل والدها عايش؟؟
قبل ما اقول اى كلام
لازم تبقي هي مقتنعة من جواها ان الى بتعمله ده غلط كبيييييييييير وحرام
وتكون بجد عيزة تتغير
لما واحد من زميلاها يعاكسها على الموبايل وهي مبتردش عليه او قفلت الموبيل و كل ما تفتحه يتصل
تقدري تعطى الموبايل لاخوها او والدها ليتصرف مع الولد واكيد ساعتها هيقول انه متصل غلط وهيحرم يتصل هنا تانى

تانى حاجة ايه ظروف مامة البنت دي المصيبة الاكبر لتكون عرفة ومنفضة وعادي لو مش كده ممكن لو مجتش معاكى بالنصيحة والكلمة الطيبة تهدديها باخبار والدتها مع الحفاظ على الود

ثالث حاجة حاولوا بقدر المستطاع تقنعيها انه ملوش لزمة الكلام مع فلان ولا ليه لزمة الكلام مع علان الورقة دي والمزكرة دي والكتاب ده كلهم تقدر تاخدهم من بنات صحابها وتحافظ على سمعتها ومنظرها السمعة بتتطلع من السن ده
رابع حاجة حاولى تضميها ليكي ولصحبتك الصالحة وتخلصوها من اصدقاء السوء لانها اكيد ماشية مع شوية ناس اضلاء
خامسا ياريت تدعيلها بنية صادقة ان ربنا يبتوب عليها وتقدر تتخلص

ربنا يعينك
وتنقديها
ومن احياها فكانما احيا الناس جميعا