مشكلة عدم احترام التخصص بالتعليم الابتدائي ارجوا المشاركة

[توفيق رفعت عجيز]

المشاركة الأصلية كتبت بواسطة redagoh

فين الاستخفاف فى كلامى ياأستاذ توفيق - يعنى راضى عن كلام الزميل اللى بيقول مدرسته فيها 500تلميذ كل اللى بيقرأ ويكتب 60طالب بس ليه بيعلموهم اللغة العربية ولا الأسبانية -- وحضرتك زعلان من كلامى وتيجى رامينا بحجر صلب وتقول مدرسة بها 70مدرس لا يحملون جدول --- ليه هى المدرسة عدد هيئتها كام وعد طلابها كام -- أنت عرضت موضوع قيم - فيجب من الجميع وحضرتك كقدوه لنا أن نراعى ربنا فى الأرقام التى نعرضها -- لأن هذه الأرقام كفيلة بأن تنزع الثقة من حوالى مليون ونصف مليون مدرس معظمهم يحملون الرسالة بأمانة --- وبكل بساطة يمر عليك كلام هذا الزميل (60من 500) والزميل يؤكد كمان وحضرتك تقول 70مدرس بدون جدول فى مدرسة واحدة وكان من البديهى أبلغ عن هذه المخالفات هى دى الإيجابية ----- إستاذى الفاضل انا بقى لى ربع قرن فى المهنه يعنى نابنى من الزمن الجميل للتعليم وأكيد إنت كمان أيام ماكان المدرس له احترامه وهيبته وكان بيدخل الفصل ويغلقه عليه -- وكانت الفسحة إسمها حصة التقوية للضعاف وكنا بنحجز حصص الأنشطة فى فصولنا علشان نعوض الضعيف فى المواد الأساسية--- وكانوا الأوائل فى جميع الشهادات من القرى --- قبل ماتتقلب المعادلة ويبقى الحكم الدروس الخصوصية- - وغيرنا كل شىء - وبعد كدا نرمى الحمل على التخصص -- نعم للتخصص ولكن قبل ذلك الإخلاص -وهقولها وهتقوللى تانى استخفاف - وكأننى بكلمك من سوق الجمعة وليس من داخل مدارس مصرية فى قرى ومدن مصرية
وبعدين أنا عايز أسأل سؤال لكل من يهمه الأمر على هذا الموقع المميز-- ليه كل اللى يختلف معانافى أى موضوع يكون الرد محاولة إبعاد هذا المعارض بأى طريقه أو تحويله إلى إنسان غير متحمل للمسئولية فيسقط فى نظر الناس فيرحل من نفسه
والله الموفق وشكرا للجميع

استاذنا الفاضل لا تغضب مني فانا طبعا غير راضي علي ما قاله الزميل وعلي الارقام انا لا اتهم احد بالتقصير وانا عملت بالابتدائي ست سنوات قبل ان ارحل مرغما الي مدرسة اعدادي وطبعا حضرتك اكبر مني سنا ومقاما فيجب علي الكبار ان يستحملوا اخواتهم الصغار .
وبمناسبة ال سبعين مدرس بدون جدول فهذه حقيقة وكان اكتشفها وكيل وزارة وحول المدير للتحقيق بس للاسف المدرسة علي راسها ريشة لانها تعتبر رقم واحد في الادارة التابعة لها ولن اذكر اسماء المدرسة ولا الادارة . وطبعا المدرسة التي كنت اعمل بها في قرية ريفية كانت تعاني من عجز في مدرسين علوم يعني 6 فصول بدون مدرس علوم فتسند المادة لغير متخصص .
طبعا لو ان حضرتك مدرس لغة عربية ودين اكيد ستكون متقن لمادتك لكن هل اذا اسند اليك رياضيات او علوم او انجليزي ستكون درجة اتقانك بنفس درجة اتقان مادتك.
وبمناسبة سلوك الطلاب والتلاميذ فنقدر نقول انها نتيجة لتغيرات حدثت للاجيال علي المستوي العام سواء في المدارس او حتي تعامل الابن مع الاب في الحياة العادية
عموما هي قضية للمناقشة وليست لنختلف فيما بيننا ولو حضرتك شايف في كلامي ما يغضبك فانا اعتذر لحضرتك
وتقبل تحياتي.