المستقبل ضاع مننا اترحموا عليه

[أمير بلا إمارة]

انا بجد مش عارف الوزير دا داخل حامي اوي كدا ليه ؟؟
انا عارف ومعاه في كل قرار اتخذه وفعلا دا الصح عشان التعليم يتطور
لاننا الدولة الوحيده اللي الطلاب بيعدوا 100% في امتحانات الثانوية العامة
ودي بجد حاجة غريبة
ودا برده من الحاجات اللي بيستعجب منها الدكتور احمد زويل في التعليم في مصر

لكن هو ماله مستعجل اوي كدا ليه
المفروض والصح ان اصغر قرار يقرره يخص الثانوية العامة (( مستقبل شباب مصر كلهم )) المفروض يدرسوه علي الاقل 3 سنين لكن هو داخل يقرر ويطبق
وجاي يقرر في اخر السنة
طب احنا (( الطلاب )) شغالين علي خطة الثانوية عامة بقالها 20 سنة مش احنا بس لا والمدرسين كمان شغالين علي اساس كدا من اول السنة
عاوز يطبق اي قرار جديد من حقه وهو حر بس يعرفونا علي الاقل من اول السنة هيعملوا ايه ولا احنا هنمتحن ازاي اساساً
لكن مش يقول كدا في اخر السنة
وبعدين القرارات اللي بيتخذها دي ويطبقها من غير حتي ميناقش اي حد فيها
دا بيدل انه كدا بيقول انا ميهمنيش الرأي العام
دا المفهوم من الكلام
يعني انا هعمل اللي في دماغي واللي مش عجبه .................

عموما انا مش معترض علي اي قرار لكن انا معترض علي الاستهتار اللي بيحصل في المنظومة التعليمية وبالذات في نظام الثانوية العامة منذ تولي هذا الشخص الوزارة
و دا من وجهة نظري ,,,


نسأل الله ان يوفق المسئولين الي مافيه خير البلاد وخير العباد وأن يعينهم في اصلاح هذا الجيل الذي هو مسئولية الجميع


كيف اذا سألك الله عز وجل سيادة الوزير عن هذه المسئولية وهذه الامانه كيف تكون اجابتك ؟؟ (( وما غرضك من كل هذا ))

وليتق الله كل مسئول ولنعمل دائماً علي الاصلاح واذا وجد من يريد الاصلاح نقف الي جواره فلا ينبغي أبداً ان كون دائما اعداء لكل اصلاح يجب ان يتم في هذه البلد فليتق الله كل مسئول