|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
07-03-2010, 04:19 PM
|
|||
|
|||
اقتباس:
من قال ان الاخوان تساند او حتى مع حد ضد حد موقف الاخوان لحد الان لا احد يحكم عليه وخير دليل كلام الدكتور سعد الكتاتنى حين لقائه مع الدكتور البرادعى و اعلنها ان الاخوان بهذا الاجتماع لا تعد مع ترشيح او ضد ترشيح الدكتور البرادعى نحن مع اولا تعديل الدستور ليتيح الفرصه لكل المصريين وليس فقط لاحزاب تبث منها رائحة الفساد و نتيح الفرصه للمستقليين و اى فرد من افراد الشعب اما بالنسبة للقاعده الى حطرتك حطتيها وهى إذا زرعت الشوك لا تنتظر إلا الجراح فهى قاعده غير صحيحه لان لكل زرع نتائج عدة وليس نتيجة واحده حتمية وايضا هذا حكم مسبق عن اوانه ملحوظة انا اتفق مع اخى و استاذى ابو اسراء فى كل ما قيل ولكننى ضد الاحكام المسبقه فى سبيل ان الراجل يادوب اعلن ولم يتقدم حتى للترشيح
__________________
الذكريات مش مجرد كلام بتبقى حاجه محفوره فى القلب |
|
#3
08-03-2010, 08:18 AM
|
||||
|
||||
|
اقتباس:
هناك قسم حى على الفلاح مخصص لذلك اما العضو الموقوف فالرد عليه مضيعه للوقت لانه يحاول اخراج الموضوع عن اطاره ولافائده فى الجدال معاه
__________________
مستر/ عصام الجاويش معلم خبير لغه انجليزيه بمدرسه التل الكبير الثانويه بنات بمحافظه الاسماعيليه آخر تعديل بواسطة مستر/ عصام الجاويش ، 08-03-2010 الساعة 08:20 AM |
|
#4
08-03-2010, 05:16 PM
|
|||
|
|||
الموضوع شكله كبر اوى وناس قالت كلام وناس اتوقفت
 خير يا جماعة ايه اللى حصل بس؟؟؟ بس الحقيقة ماشاء الله شايفة حوار ديناميكى جميل  مشكورين جميعاً لمروركم الكريم
__________________
وأفوض أمري إلى الله إن الله بصيٌر بالعباد |
|
#5
08-03-2010, 06:27 PM
|
||||
|
||||
|
الأخت العزيزة أبلة هدى
لا أجد لك الا قول المتنبي أنام ملء جفوني عن شواردها .... ويسهر الخلق جرّاها ويختصم |
|
#6
08-03-2010, 07:51 PM
|
|||
|
|||
|
اقتباس:
الله ينور الصراحة استاذى علاء ده الكلام اللى ف وقته فعلاً وده ملخص للموضوع  ايه المقصود بقى ؟؟؟؟؟
__________________
وأفوض أمري إلى الله إن الله بصيٌر بالعباد |
|
#8
09-03-2010, 07:43 AM
|
|||
|
|||
|
اقتباس:
الأخ الأستاذ علاء سيف
ما شاء الله مدرس أول كمياء و شعر و فكر سياسى و الناحية الدينية وجدنا الكثير والثقافية أيضا الحق موسوعة بارك الله فيكم وثبتنا وإياكم على الحق
__________________
|
|
#9
13-03-2010, 03:25 PM
|
||||
|
||||
|
الاخت الغالية ابله هدى
البيت للمتنبي يصف اشعاره وكان معتز بنفسه وبشعره 000مش معتز الدمرداش بكرشه وكان يقول في هذا البيت انه يكتب البيت وينام بعمق ويسهر الخلق ليفهموه ويفسره وكل منهم يدعي انه الذي فهمه على الوجه الأصوب يعني حضرتك فتحت الموضوع والاخوة الاعزاء اختصموا فيه طبعا خصومة حميدة0000000 مين حميدة دي؟؟؟؟؟؟ وكنا ننتظر منك مشاركة اكبر في هذا الاختصام دمت بخير  الغالي أبو إسراء أشكر لك مجاملتك الرقيقة   |
|
#10
13-03-2010, 08:51 PM
|
|||
|
|||
|
اقتباس:
بارك الله فيك اخى الكريم ... شكراً للتوضيح وعامة الموضوع كبر اوى فعلاً وبما ان الصورة غير واضحة والبرنامج الانتخابى لمبارك او البرادعى لم يطرح علناً فإنى التزم الحياد حتى الان ... تقبل تحياتى
__________________
وأفوض أمري إلى الله إن الله بصيٌر بالعباد |
|
#11
14-03-2010, 03:00 PM
|
||||
|
||||
|
يا خراشى يا بشمهندس ... أمن دوله؟!!!
ممكن حضرتك توقفنى احسن والله احنا شفنا انواع الذل فى اسرتى من أمن الدوله حضرتك تعرف ان سيادة الريس شرد اسرتى 13 سنه اعتقال انا فخوره وانا بقول كده لان والدى راجل شريف لكن عمرى ما هاسامحه على دقيقه من الحرمان والضياع اللى شفناه مش انا بس ولا اسرتى بس لا دى مئات الأسر بس ان شاء الله موعدنا على القنطره يوم القيامه وطبعا متفقه مع حضرتك تماما فى موضوع البرادعى ده وزى ما قلت ده لعبة أمريكا الجديده يعنى ان شاء الله امريكا هاتبقى فى مصر علنا لانها كده كده هى اللى بتحكمنا بس من مكانها والله صعبان عليا الناس دى اوى المواطن المصرى حاله يبكى مش عايزه افقد الأمل ولا اقول مش هانتقدم ولا حال البلد هاينصلح لان الرسول عليه الصلاة والسلام بشرنا بكده ولكن نسأل الله بتعجيل النصر لانى اخشى ان الناس بدأت بالفعل تيأس وتفقد الأمل |
|
#12
14-03-2010, 03:41 PM
|
||||
|
||||
|
الاخت الفاضلة زهرة الياسمين
تقولي مش عايزه افقد الأمل ولا اقول مش هانتقدم ولا حال البلد 000 مع ان كلامك لا يوحي الا برغبة في الانتحار ويقفز في ذهني سؤال لما الشباب حاسس كده امال عايش ليه ؟؟؟؟ وعن اي ذل واي جوع تتحدثي وحضرتك تكتبي في منتدى يعني عندك كمبيوتر وانترنت واكيد ثلاجة وطبعا غسالة و0000 ربنا يزيدكم من نعمه ولكن فين الحمد لله؟؟؟؟؟؟؟؟؟؟؟؟؟؟؟؟؟؟؟؟ لماذا صار الجميع يشكو ولا أحد يذكر قول أمنا عائشة رضي الله عنها: كان يمر الهلال ثم الهلال ثم الهلال ثلاثة أهلة في شهرين لايوقد في ابيات رسول الله نار فقال لها فعلام كنتم تعيشون يا خاله قالت الأسودين الماء والتمر لو كان امثالنا في مكه وقتها لما عبر الاسلام مكة ولكن هممهم كانت ثريا وهممنا في الثري ولأني المح فيك خير كثير وحرص على الدين الحق ارجو ان تراجعي منهج اهل السنة في معاملة الحكام وان ظلموا ولا تتبعي عواطفك فالامر دين وبارك اله لك في اسرتك ونفع بك |
|
#13
14-03-2010, 03:57 PM
|
||||
|
||||
|
جزاك الله خيرا أ/علاء على اللفته الطيبه
بس ممكن تعقيب من فضلك طبعا الحمد لله على نعمه وأفضاله التى لا تحصى ولكن مش شرط انى اكون بتكلم عن نفسى لازم احس بالناس اللى حواليا ما هما مسلمين ومن لم يهتم بأمر المسلمين فليس منهم ايوه عندى غساله وتلاجه وتلفزيون ونت كمان بس والله والله كله ده ما اتوجد فى بيتنا الا بعد خروج ابى حضرتك متصور حال بيت يغيب عنه رب الأسره 13 سنه والأم لا تملك سوى وظيفه لا تكفى مصاريف دراسه وفواتير واكل ولبس وده غير الزيارات للأب الغائب المكلفه جداااااا لما ابى يتاخد منى وانا لسه ما كملتش سنه ويرجعلى وانا فى الإعداديه ايه يعنى صح؟؟ لم افهم ما تقصد ؟؟ حضرتك تقصد اننا مش حقنا نطالب بمعيشه كريمه يا أ/علاء سيدنا عمر بن الخطاب لما كان خليفه مر على إمرأة يبكى صغارها من شدة الجوع ولما علم سيدنا عمر ذلك ذهب بنفسه وأحضر الطعام للصغار وحضره لهم بنفسه نعم الزهد مطلوب واننا لا نسرف ولكن مش معنى كده إن الناس تجوع الكلام اللى بتقوله ده لو الناس معاها المال وبتسرف لكن الناس مش لاقيه اصلا تجيب الفوووول الفول يا أستاذ علاء مش اللحمه اللى وصلت 50 جنيه ده حق الناس حقنا نعيش حياه كريمه مش البهدله فى طوابير العيش مثلا عشان 5 ارغفه انا اسفه والله بس احنا فعلا اتبهدلنا واتشردنا ودلوقتى بعد ما ربنا كرمنا بوجود ابى انا حاسه بالناس لانى مريت باللى بيمروا بيه وأقسم بالله أنا بشوف ناس بعينى مش لاقيه تجيب الفول زى ما قلت جزاك الله خيرا واسفه مره تانيه |
|
#14
14-03-2010, 07:54 PM
|
||||
|
||||
|
يا جماعة لازم تبصو أكتر لسياسية مبارك
يعني بصوا لضربته الجوية اللي بتدرس الآن في كل الدول وكل الجيوش بتتدرب عليها .... بصوا لراجل حرر طابا من غير نقطة دم من جنودنا وإفتكروا الروؤساء اللي قبله حاربو أد إيه وأهدروا أرواح أد إيه عالفاضي (بدون ذكر أسماء) لعلمكم مبارك أول ما تولى الحكم كانت الناس طايرة بيه وكان اللي معترضين عليه يتعدوا على أصابع اليد ده لو لقيتهم لأنهم هيعوزوا إيه فرئيس أكتر من كده .. بس ساعتها إسألو تعداد مصر السكاني كان كام وبمرور السنين والداخل هو هو والناس بتزيد والحرامية كمان بتزيد ... طيب مهو أي رئيس ده إنسان مش رجل آلي هيشم على ضهر إيده ... يعني هيقعد فقصره اللي فالقاهره هيعرف منين ان في موظف مختلس في أسوان -مثلاً-ومهما حط قوانين اللي عايز يعمل حاجة بيعملها لأن التكنلوجيا والبيئة الأخلاقية العامة بتقدم للناس الفساد من غير حتى ما يقوموا من مكانهم ... فكروا هتلاقوا إن في ناس تستحق تتعدم علنيا هتلاقوهم حواليكو وأكيد طبعا في منهم في الحكومة وخصوصا البرلمان وبعدين تعالو هاتولي دولة عربية بتمجد حاكمها مش هتلاقوا ولا حتى أجنبية لأن الإنسان ميعرفش الواقع اللي بلده فيه وفاكر إن بشوية أفكار وحيل ممكن يرتقي بيها لا محتاجين فلوس ومحتاجين جيش ومحاجين .. قول زي منتا عايز الواحد لازم يعرف قدرة بلده ويشوف لما جمال عبد الناصر بالغ في ذلك حصل ايه .. مصر صعب يظهر فيها سياسي بفكر وعقلية مبارك ولولا ربنا اولا ثم مبارك ثانيا لكانت البلد فلست تاني من أول سنة مسك فيها الحكم وعشان تعرفوا كمان بنية مصر التحتية من مستشفيات وقواعد عسكرية وجيش ومدارس وووو بنيت في عهد مبارك ... أنا من وجهة نظري مصر هتخسر كتير برحيل مبارك عن الحكم |
|
#15
14-03-2010, 08:11 PM
|
||||
|
||||
|
يأخى بقولك شرد مئات الأسر بدون سبب او جنايه
لمجرد انهم بيحبوا ربهم ودينهم تقولى ضربه جويه انا بجد ماسكه نفسى باعافيه لان كلامك مستفز جداااااااااا وحضرتك برضه معذور لانك مجربتش اللى شفناه بس خليه ينفعك لما تتخرج ويبقى مصيرك زى اللى قبلك هايعملك ايه هايجيبلك وظيفه عشان الكلمتين دول ربنا يسامحك انت بجد مش حاسس بالنار اللى فى قلوبنا لمجرد انى قلت اخد ابويا منى وانا عندى سنه وسابه بعد 13 سنه انا كنت حاسه من اول ما شفت الموضوع انه هايكون سبب فى وقفى |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:31 AM.
