إداريو "التعليم" يعاودون وفقاتهم الاحتجاجية

[توفيق رفعت عجيز]

المشاركة الأصلية كتبت بواسطة ا/توفيق عزت

محكمة القضاء الادارى لم تذكر كلمة كادر نهائيا
الحكم هو : احقية العاملين بالتربية و التعليم من عمال و اداريين و مشرفين نشاط فى الـ 50% حوافز محليات
و اسست المحكمة حكمها على اساس ان ال 200 يوم مكافأة امتحانات هى اجر نظير عمل و ليست حوافز
و بالتالى فان لنفس السبب يصرف المدرسون هذه الـ 50% حوافز محليات مع الاداريين لان نفس السبب يندرج عليهم و هو ال 200 يوم اجر نظير عمل و ليس حوافز .. فمن حقهم ايضا ال 50 % حوافز محليات
المشكلة ان الحكم نص على ( صرفها بأثر رجعى منذ 1/5/2008
و هذا معناه ان يوسف بطرس غالى لابد ان يصرف حوالى : -
2500 جنيه اثر رجعى للشخص الواحد فى 1.5 ( واحد و نصف مليون شخص ) = 3.5 ( ثلاثة و نصف مليار جنيه )
يوسف غالى يحاول ( زق ) هذه المبالغ لميزانية 1/7/2010 الى 30/6/2011 او ما بعدها
نحن الشعب الصابر ذو القفا الكبير الواسع
الصبر حلو
نعمل ايه؟؟؟ فى الحكومة المفترية ؟؟؟؟
اهدمها عليهم يارب
و ازنقهم فى المعيشة و اكتب عليهم الفقر حتى يحسوا اذا كان عندهم احساس
حسبنا الله و نعم الوكيل
و افوض امرى الى الله

الدكتور الغالي وافق علي زيادة حافز مهندسي الري الي 400"% طبعا علشان هيمنعوا المياه عن الاراضي القديمة ويحولها للاراضي الجديدة وطبعا يا استاذنا انت تعرف متقسمة علي مين ع الغلابة وعامة الشعب طبعا؟

[ا/توفيق عزت]

المشاركة الأصلية كتبت بواسطة توفيق رفعت عجيز

الدكتور الغالي وافق علي زيادة حافز مهندسي الري الي 400"% طبعا علشان هيمنعوا المياه عن الاراضي القديمة ويحولها للاراضي الجديدة وطبعا يا استاذنا انت تعرف متقسمة علي مين ع الغلابة وعامة الشعب طبعا؟

ــــــــــــــــــــــــــــــــــــــــــــــــــ ـــــــــــــــــــــــــــــــــ
يبقى كلام الاستاذ/عادل امام فى مسرحية الزعيم صح!!!
: اللهم افقرنا و اغنى الحكومة
اللهم شحططنا و نور الحكومة
اللهم جوعنا و شبع الحكومة

الدولة فقيرة
و الحكومة مش لاقية فلوس تصرف على التعيين و على التعليم و على الصحة و التأمين الصحى بتاع الموظفين الغلابة
حرام عليكو
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
ايراد قناة السويس فى السنة 4.8 مليار دولار يعنى
حوالى 5 مليار دولار او 25 مليار جنيه
يصرفوا على التعليم كله مرتبات و مصاريف طباعة كتب و مستشارين فقراء الواحد بمليون جنيه فى الشهر
و كادر و حوافز و تعيينات جديدة 50 الف مدرس كل سنة يتعينوا تعييييييييييييين مش تعاقد و هباب ازرق
و يتبقى بعد ده كله
ييجى مليارين تلاتة
الخبر فى جريدة المساء اليوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
334 مليون دولار إيرادات القناة في فبراير
حققت قناة السويس خلال شهر فبراير الماضي ايرادات بلغت 334 مليونا و100 ألف دولار من عبور 1256 سفينة متنوعة بحمولات بلغت 58 مليونا و800 ألف طن.
ذكرت وكالة أنباء الشرق الأوسط.. أن الاحصاءات تشير إلي أن القناة حققت خلال شهري يناير وفبراير الماضيين ايرادات بلغت جملتها 717 مليونا و700 ألف دولار.
وتشير هذه الاحصاءات إلي تحقيق ايراد قياسي بنهاية العام المالي الحالي 2009/2010 في نهاية شهر يونيو المقبل يقارب 4 مليارات و800 مليون دولار بزيادة متوقعة تبلغ 100 مليون دولار عن ايرادات العام المالي 2008/.2009
وتعتبر قناة السويس مصدراً رئيسياً للعملات الأجنبية بجانب : -
السياحة
وتحويلات المصريين العاملين بالخارج.
و البترول و الغاز
بالاضافة الى دخل الحكومة من الداخل : 0-
الضرايب 170 مليار جنيه فى السنة
الجمارك 30 مليار جنيه فى السنة
وزارة الاتصالات ايراداتها 80 ( ايوة و ده رقم من جرائد الحكومة ) 80 مليار جنيه فى السنة
وزارة الكهرباء تجمع 120 مليار فى السنة
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ