يااااه ع القمر آه من حلاوته

[ليال القمر]

المشاركة الأصلية كتبت بواسطة أنت___عمري

يمكن أكون مليش جناح مقدرش اطير

لكن عيونك السما وشفايفك الجناحين
وأطير
أطير وكل لما اقرب أشوف
كل اللي سيبته ورايا باهت
والذكريات زي المطر
وانا السحاب
يشتي العذاب واللي خانت واللي باعت
كل اللي سبته ورايا باهت
أطير وكل ما أقرب اشوف
نجمتين على شط القمر دايبين
والقمر شاهد هواهم فارد الدراعين
اشوف
انهزام الخوف على شط الأمان
والحنان بستان محبة
والأحبة وردتين
والفراشات اتلونت في عنيا تاني
بعد ما لونهم أخد من لون زماني
أشوف
كل لما اقرب كل حاجة شايفها وردي
كل لما اقرب من العيون دي
القى كل الحلم عندي
كل حاجة شايفها وردي
واحس واسكن في الدفا
ويغطي بردي
كل حاجة شايفها وردي
واطير
لحد ما اوصل للقمر
يااااه ع القمر
آه يا حلاوته
يدوب اشوفه والمسه القى غلاوته
يااااه ع القمر
آه يا حلاوته
اقوله ينفع أحضنك
يبصلي يحمر خده
أحضنه تضحك شقاوته
يااااه ع القمر
آه من حلاوته
هو دا عشقي الأكيد
هو دا حبي الوليد
من النهاردة هسكنه
وأعيش حكايته
ياااه ع القمر
آه من حلاوته

يااااااااااااااه انا فرحانه اوي لان اول من يرد على هذه
الكلمات الرائعه انا عشت معاكو الاجواء الجميله مع القمر
هي النجوم تقدر تعيش من دون القمر
سلمت يداك لانك اخذتنا الى الاجواء الحالمه