10 اسباب لرفض البرادعي !!

[Observer]

المشاركة الأصلية كتبت بواسطة أبو إسراء A

الأخ الغالى محمد فوزى
نحن نتناقش لكى نصل إلى الرؤية الأفضل.
حضرتك لم ترد على أي من الأسباب التى ساقها الأخ بانزر ولا التى سوقتها أنا
وطبعا نحن مستعدون تماما أن نتراجع عن أي أخطاء فى هذه الأسباب إن كانت موجودة.
شكرا لك ودمتم يخير

بارك الله فيك أخى أبو اسراء
الموضوع وجهات نظر وقناعات مش أكتر
ومش شرط نكون متفقين على شخصية واحدة لخلافة الرئيس مبارك
وهى دى الميزة الحقيقية لمبدأ الديمقراطية

وفى النهاية ربنا يوفق الأصلح واللى فى ايده التغيير للأفضل
فنحن نحتاج أن نتغير للأفضل وليس للأسوأ
وأكيد حضرتك وأخى بانزر متفقين معى

تحية برائحة المستقبل

[BaNZeR]

المشاركة الأصلية كتبت بواسطة mohamad fawzy

الموضوع وجهات نظر وقناعات مش أكتر
وجهة نظر لمجرد إنها تبقى وجهة نظر

وأكيد حضرتك وأخى بانزر متفقين معى

بصراحة لأ
أكيد كل واحد بيبقى ليه وجهة نظره بناءً على اسباب
وحضرتك مذكرتش ولا سبب لحد دلوقتي
ولم تزد عن المناصرين له في شيء غير في شعار "التغيير"
التغيير إلى العلمانية ،،، التغيير إلى الليبرالية
مهو التغيير ليه انواع برده
ومش كل تغيير حيكون في مصلحتنا

[Observer]

عشان كدة بقولك كل واحد له قناعاته ورأيه الخاص
ولاحظ انى حددت نوع التغيير اللى انا معاه
وهو التغيير للأفضل

الأفضل فقط

[BaNZeR]

المشاركة الأصلية كتبت بواسطة mahmoud_khedr

انا من وجهة نظري اقيد مبارك ربنا يتم شفاه على خير

مبارك شخصية حكيمة وعاقلة ولكنه مش حيعمر في البلد للأبد
حيجيله يوم ويتغير برده

المشاركة الأصلية كتبت بواسطة أبو إسراء A

الأخ بانزر شكرا على الموضوع
ومن أسباب رفض البرادعى
1- البرادعى توجهاته ليبرالية علمانية
وهذا ضد الإسلام

2-البرادعى سوف يفتح الباب على مصراعيه-طبقا لمبدأ الليبرالية-لكل الفئات ليكون لهل وجود حر غير مقيد مثل البهائيين والقرانيين والشيعة
وهذا ضد الإسلام .

3-البرادعى سوف يسمح بتكوين أحزاب من كل ملة ومن كل فكر ومذهب
وبذا نتحول إلى أحزاب وفرق يعادى بعضها بعضا ولا مجال عنده للشورى الإسلامية فالرجل غربى للنخاع
وهذا أيضا ضد الإسلام.

4- الرجل يسمح بترشيح إمرأة للولاية العامة وقبطى وهذا ضد الإسلام.

5-البرادعى المنفذ الأمين لسياسة أمريكا ولا يستطيع أحد أن يجادل فى ذلك كما حدث مع العراق وهذا ضد الإسلام.

6- البرادعى جاء ليطبق روشتة العراب الأمريكى للعلاج وهذا ضد الإسلام.

7-قلوب المسلمين تشتاق إلى تطبيق شرع الله وهذا سوف يكون بعيد المنال فى ظل رجل عاش بالغرب وتوجهاته علمانية.

8- تمسك الرجل بإلغاء المادة الثانية من الدستور التى تنص على أن الإسلام دين الدولة ، و اللغة العربية لغتها الرسمية ، و مبادئ الشريعة الإسلامية المصدر الرئيسي للتشريع ) هذا ضد الإسلام.
9-البرادعى يقدمه الان مجموعة متناقضة من البشر بين ليبرالى وماركسى وديمقراطى وإشتراكى
وإسلامى وغير إسلامى
وما يرضى طرف يغضب الاخر
والنتيجة فوضى خلاقة تكون سببا لتدخل الأمريكان لحماية حقوق الأقليات والشاهد منا قريب.
هل هذا هو ما نصبو إليه من تغيير؟؟؟
اللهم ولى علينا خيارنا ولا تولى علينا شرارنا
السؤال لمن يقدمون البرادعى هل خلت مصر من الرجال حتى نستورد رجل؟؟؟؟؟؟

جزاك الله خيراً استاذنا الفاضل لتفصيل توجهاته العلمانية

المشاركة الأصلية كتبت بواسطة تسابيح النجوم

لك الله يامصر !

مش عارفة ليه دائما بفتكر عصر سيدنا عمر بن الخطاب

مفيش حد هيوصل لسيدنا عمر

بصراحة انا مش عارفة ممكن نرشح مين !

إذا ذكر العدل ذكر عمر
وبما إننا معندناش عدل يبقى حلم الوصول إلى عهد عمر لن يتحقق إلا في آخر الزمان

المهم يكون منوفي

طيب أنا مع الريس بئا
شوفو المصلحة بقى

جزاك الله خيراا ياباشمهندس علي المعلومات دي

وجريت خيراا أستاذي أبو إسراء

الله يخليكي نورتي الموضوع

المشاركة الأصلية كتبت بواسطة mohamad fawzy

عشان كدة بقولك كل واحد له قناعاته ورأيه الخاص

ولاحظ انى حددت نوع التغيير اللى انا معاه
وهو التغيير للأفضل

الأفضل فقط

خلاص براحتك إذا في نظرك العلمانية تغيير للأفضل
وإلغاء الاسلام كمصدر تشريع تغيير للأفضل
وإنه يحكمنا راجل غير ادرى باحوال بلده من سنين تغيير للأفضل
فمش حقدر اناقشك

[Observer]

المشاركة الأصلية كتبت بواسطة BaNZeR

خلاص براحتك إذا في نظرك العلمانية تغيير للأفضل
وإلغاء الاسلام كمصدر تشريع تغيير للأفضل

ايه الكلام الكبير ده
هى كلمة الأفضل معناها العلمانية والغاء الإسلام
طب ماهو سيادة الريس حسنى مبارك دايما بيقول
انه بيحلم بمستقبل افضل للبلد
معنى كدة انه بيحلم انه يعلمن مصر ويلغى الاسلام منها ؟

شئ لا يصدقه عقل

[ابونرمين]

الأفضل لبلدنا ولنا أننا نواصل مع من أخترناه ونقف معه ونؤيده ونعارضه عندما يكون هناك مبررا للمعارضه ،أحنا عاوزين نسير للأمام وما نبصش للوراء كتير