10 اسباب لرفض البرادعي !!

[shahd_good2000]

المستقبل جميل ؟
الطالب ترك كتابه ودروسه وانشغل بتخطيط المستقبل السياسى والثقافى والاقتصادى للوطن - والطبيب ترك بطن المريض مفتوح وقعد مع زمايله فى العيادات الخاصه يخططوا لمستقبل المستشفيات الخاصة-والمدرس ترك المدرسة فى وقت العمل الرسمى من أجل الدروس الخصوصيه (وكان مدرس الكيمياء بتاعنا كان لايملكه الصداع إلا فى حصة المدرسة -أما فى الدرس الخصوصى كان رهوان)- نرجع للمهندس اللى ترك عمله للمقاول يغش فى المون وراح يستقبل البرادعى فى المطار
وكل ده والمصيبه الأكبر هو كلمة (مش كله)وخليها بعضهم إلى أن انتشر الفساد فى كل شبر ولازلنا نردد (مش كلهم)-- صدقونى البلد دلوقتى صبحت بزروميا - الكل عمال يفتى ويقول ---- ولو كل واحد منناراجع ضميره ودينه لحظة واحده هيلاقى نفسه مقصر فى حق دينه ونفسه وبلده -- لكن المصيبة الثانية كل واحد بينظر لنفسه وكأنه الملاك الوحيد والمظلوم فى البلد
زمان نجحت الثورة فى القضاء على الاقطاع والاحتكار والفسادلأنهم كانوا مثل ورد النيل بلا جذور فكان من السهل خلعه لأنهم كانوا فى معزل عن الشعب الأصيل
لكن النهارده عصابات الاقطاع والاحتكار والفسادنجحت فى التوغل داخل الشعب وصنعت من الحرافيش عصابات للدفاع عنهم حتى أصبح من المستحيل خلعهم - ستجد أخوك أو ابن عمك أو جارك أو صديقك هو اللى هيواجهك ويقف فى وجهك ويدافع عن المفسدين لأنه مستفيد من ورا ئهم بصورة مباشره أوغير مباشرة أوحتى لمجرد معارضة الحكومة أو معارضة المعارضةأو الاخوان
أصبحت كلمة (لا) هى الأمل للأغلبية فى مصر ولتكون كما تكون فى أى موضع وعلى أى قرارومش مهم النتيجة حتى لو على حساب ملايين المعدمين والوطن---------- والغريب تجد من يدافع عن دقيق ولحمةالغلابه من لايعرف عنه شىء وأكله بيجى له فى الطياره من باريس --الحكومه كسبانه والمعارضهكسبانه-- وملا يين الجوع هى اللى خسرانه والجدع اللى يصفق --------وربنا يلطف بينا-- وإلى لقاء