عندك أي سؤال عن كليه العلوم أو المواد الدراسيه ....أتفضل أدخل

[زيزو1900]

المشاركة الأصلية كتبت بواسطة رحمتك ربي

السلام عليكم ورحمه الله وبركاته ... انا بصراحة عندي استفسارات كتير وبتمني الرد عليها اولها ان انا بسمع اساطير عن مدي صعوبة كلية علوم وانها صعبة جدا ومعقدة وناس كتير خوفتني منها جدا وخاصة من سنة اولي تاني حاجة نوعية الرياضيات اللي بتتاخد في سنة اولي ايه يعني ااقدر ااهل نفسي اذاي فيها واكون متفوقة .. وتخصص البيوتكنولوجي عبارة عن ايه ومميزاته وعيوبة وفرص العمل ياتري بعد التخرج وحكاية دبلومة التحاليل دي هل فعلا بيكون صعب اني افتح معمل تحاليل وانه هناك مشاكل لهذا القسم ارجوك تفيدني محتاجة رد سريع وياريت لوحضرتك اتعبك وتديني محاضرات سنة اولي والكتب بالنسبة للرياضة ولكله لوسمحت بعد اذنك وجزاك الله كل خير

اولا الكليه لا صعبه ولا حاجة اذا ذاكرت وفهمت
اذا ماذاكرتش فبالتالي هتكون صعبه

والنسبه لنوعيه الرياضه بتاعه سنه اولي بتبقي رياضه واحد وغالبا الدكاترة بيراعو انك علمى علوم

وبالنسبه لقسم البيوتكنولوجى هو القسم للي بيدرس كل ما يتعلق بالتكنولوجيا الحيويه زى الدى ان ايه والتحاليل الخاصه بيه والتهجين والاستنساخ و الهندسه لوراثيه وبالنسبه لمكان شغله هو معامل التحاليل الضخمه(للي بيبقي فيها تحاليل الدى ان ايه وكدة) ومراكز البحوث

اما بالنسبه للتحاليل فلنا الحق في فتح معمل تحاليل كمياحيوى ومعمل تحاليل ميكروبيولوجى وهم قسسمين في كليه العلوم

ففيه قسم اسمه كمياحيوى ودة بيدرس انزيمات الكبد و انزيمات الكلي والقب والتحاليل الخاصه بيهم ويدرس الهرمونات والتحاليل الخاصه بهم ويدرس بيولوجيا السرطان ودلالات الاورام والتحاليل الخاصه به وبيدرس بردو كل التحاليل االكميائيه في الجسم زى تحليل الببول من الناحيه الكميائيه وكذلك الدم زى تحاليل الكوليستيرول والسكر الخ


دة اول معمل ينفع تفتحه بعد دخولك قسم كمياحيوى او كميا او كميا مزدوج ثم اخد دبلومه في الكميا الحيوى من اي كليه علوم في اي جامعه ي مصر


تانى معمل تحاليل وهو معمل تحاليل الميكروبيولوجى ودة قسم في الكليه
بيدرس البكتريا والفطريات والفيروسات وازاى تعمل مزارع ليهم وتتعرف عليهمم تحت الميكروسكوب وبتدرس بردو مناعه والتحاليل الخاصه بيها بالاضافه انك بتدرس ميكروبيولوجيا تطبيقيه زى ازاى تنتج الادويه من البكتريا والفطريات وكدة فكل المضادات الحيويه من البكتريا وبتدرس بردو انتاج الخمرة والبيرة والكحولات والفيتامينات والمسكنات الخ من البكتريا وبتدرس بردو البارا زى الديدان وكدة وبتدرس مناعه

ودة تانى معمل ينفع تفتحة بعد ماتتخرج من قسم الكميا والميكروبيولوجى او اي كميا مزدوج ثم اخد دبلومه في الميكروبيولوجى من اي كليه علوم في مصر من اي جامعه
ودة زى ماقلت معمل تحاليل خاص بالبكتريا والفيروسات والفطرياات والديدان اينا كانت في الدم او البول والبراز او البصاق
وممكن تشتغل من القسم الميكروبيولوجى في مصانع كتير منها الادويه في تصنيع المضادات الحيويه والادويه الخاصه بالميكروبيولوجى عموما