الغش ايدز التعليم

[smsma81]

والله يا جماعه انا شايفه الحل في موضوع الغش ده .حاجتين 1-الوزير ينزل لجنه من الوزاره مباشره علي المواد تسال الطالب وتقيمه في الماده .لكن اللي بيحصل ان اللجان بتنزل من الاداره والبكتير من المديريه ومش بتكون متخصصه في المواد واخر حاجه بتعملها بتشوف كشكول التحضير ودرس اليوم بس ودفتر الحضور والانصراف .
يعني الكالب ولا كانه موجود.ولا ليه اهميه وفيه ضماير ميته المدير يقولك انا مطالب بنتيجه المدرسه .طيب ان تابعت موظفينك .ومدرسينك ولا سايب شغلك .واخر السنه بتغشش .
طيب اقولك المدارس بتعلم العيال ايه كمان ؟الكدب والفتنه.
تقولي ازاي اقولك ان وكيل الاداره نزل فجأه علي المدرسه لقي الوكيله اللي ماسكه الحضور والانصراف مش ماضيه لعشر مدرسين حاضرين في المدرسه؟
ليه عشان هي بتمضلنا في الدفتر ممنوع حد يمسك القلم ويمضي لنفسه ليه؟عشان تعرف تجامل ومحدش يبص لحد وهي الوحيده اللي تبقي عارفه المهم لقط اسمين من اللي مضتلهم قدامه وعمل تحقيق .دخل مدير المدرسه للصف السادس وقالهم الان في واحد حيدخل ويسالكم استاذ فلان كان موجود امس .؟حتردوا وتقولوا انه كان جاي من الطابور وهو اللي كان مدوره كمان .وقد تم الاتفاق بتحالف الفصل كامل مع مدير المدرسه وطمعا في الدرجات وخوفا من نقصانها .
نفسي اوصل صوتي للوزير اللي يعرف ايميل الوزاره يكتبه .هي كده خربانه خربانه ,بس لازم حد يكلم ويواجه