تساؤلات الطلبه +كل ما يخص امتحان 2010

[ميدو ماجيك]

لأ نتكلم بصراحة بقى ..... الامتحان صعب جدااااا ..... والصعوبة فيه بنسبة 60% مش 10% زي ما سيادتك قلت
لم يكن هناك طالب واحد لم يحتسب الله في واضع الامتحان .
ولو زي ما حضرتك بتقول يبقى الطالب عاوز عشر ساعات علشان يجاوب الامتحان ده ( أربع ساعات عقبال ما يفوق من الصدمة وسته علشان يفهم وبعدين الوقت يخلص قبل ما يجاوب )
أعذرني وتقبل أسفي مقدما فالخلاف لا يفسد للود قضية سيادتك كتبت الموضوع بصفتك مدرس لم يتفكر مليا في موقف أبناءه الطلبه قبل كتابة هذا الموضوع . ولو سيادتك مش مصدقني ... اتصل بأشطر طالب عندك وأسأله عمل ايه وفي قد ايه ؟؟؟؟ وبعدين لي لقاء آخر مع سيادتك .

[لورد الانجليزيه]

المشاركة الأصلية كتبت بواسطة ميدو ماجيك

لأ نتكلم بصراحة بقى ..... الامتحان صعب جدااااا ..... والصعوبة فيه بنسبة 60% مش 10% زي ما سيادتك قلت
لم يكن هناك طالب واحد لم يحتسب الله في واضع الامتحان .
ولو زي ما حضرتك بتقول يبقى الطالب عاوز عشر ساعات علشان يجاوب الامتحان ده ( أربع ساعات عقبال ما يفوق من الصدمة وسته علشان يفهم وبعدين الوقت يخلص قبل ما يجاوب )
أعذرني وتقبل أسفي مقدما فالخلاف لا يفسد للود قضية سيادتك كتبت الموضوع بصفتك مدرس لم يتفكر مليا في موقف أبناءه الطلبه قبل كتابة هذا الموضوع . ولو سيادتك مش مصدقني ... اتصل بأشطر طالب عندك وأسأله عمل ايه وفي قد ايه ؟؟؟؟ وبعدين لي لقاء آخر مع سيادتك .

لا اسف ولا حاجه احنا بنتناقش بس والله العظيم الطلبه الشاطره والفوق المتوسطة كمان كانوا مستغربين من البكاء والعويل والصراخ ورأيهم بالنص ( الامتحان عادى بس فيه تكات بسيطة والحمد لله اتحلت كويس)
وفيه طالبات بتعيط وتقولك (حاسه انى عكيت) وتراجع معاها تلاقيها لا تقل عن 23 درجة

[ll sabeel allah ll]

الصراحة الامتحان بعيد عن الطالب المتوسط ، والطالب المتميز لما يرى أن أول أسئلة في الامتحان غير متوقعة (مش بقول صعبة ) يحصل له نوع من الارتباك في باقي الاسئلة وإن كانت في منتهى البساطة .
يعني في أسئلة الاختيارات موجودة تماما في المنهج ودربنا الطلبة عليها وباقي الاختيارات تكون بعيدة ولكنها سهلة ومفيش فيها لف ودوران
بس المهم بداية الخضة في بداية الامتحان عملت ارباك لكل الطلبة ، والترجمة عاوزة طالب له قدرة فائقة على ضبط اسلوبه وهو بيترجم .
المهم ان هذا الامتحان لسة جديد على المنهج الجديد ، يعني لو الامتحان دة جه بنفس المستوى بعض خمس سنين بكتيره هايكون سهل جدا لكل الطلبة إن شاء الله .
ونتمنى لكم التوفيق والنجاح .