مسألة فى الرياضيات(أرشيف تجميعى )

[Beta Traceur]

السلام عليكم

ياريت قبل مكتب مش طالبه تريقه ولا تقطيم ياريت تراعوا بس

النهارده الامتحان كان جميل جدا جدا جداااااا وانا اول مشوفت الورقه نفسى اتفتحت

امبارح كنت قاعد من الساعه 5 بليل للساعه 4 الفجر براجع المنهج كله ومسيبتش منه حاجه ولخصت القوانين فى ورقه وراجعتها الصبح قبل منزل

النهارده دخلت اللجنه متاخر 3 دقايق بصب ميه من كل حته

واعصابى بترتعش لانى كنت خايف مقدرش ادخل لان الاداره بتاعت المراقبه رخمه جدا

دخلت لقيت الاساتذه مظبطنلى الدنيا والورق ممضى ومكتوب عليه اسمى ورقم جلوسى وكله تمام وورقه الاجابه محطوطه وورقه الاسئله فوقها وكل زى الفل

بجد حسيت بتفائل مبالغ فيه كان نفسى اقوم اخد كل واحد من المراقبين بالحضن

بدأت احل اول مسئله جراف رسم والحياه حلوه وكله تمام

تانى سوال اخر حلاوه

مجرد دخلت على الاسئله الاختياريه قبل مبص فيهم اعصابى شدت وعرقت بغباء ودماغى وجعتنى والدنيا ضلمت فى وشى

صبرت 10 دقايق وهديت وكملت

ببص على السيكونسى او المتتبعات بالعربى ووالله نسيت السكونسى ده بيتحل ازاى او بيتكلم عن ايه اصلا

قول مش مشكله

مسكت فى المسئلتين بتوع اللوغرتمات اول مسئله اجيبها يمين اجيبها شمال مش عايزه اخدت وقت كبير فيها ومره واحده الاجابه طقت فى مخى وبقيت بكتب حلو اوى
فى نصها الاستاذ قال فاضل ربع ساعه وحلم الورق

بقيت بكتب بكروته علشان الحق احل المسئله التانيه بتاعت اللوغرتمات
لما راجعت فى البيت المسئله كلها غلط الحته الوحيده الصح التعويض الى فى الاول بس

جيت بكتب فى المسئله اللوغرتم التالته ابتديت احل فى الدرافت علشان منيلش الورقه لقيت نفسى بحلها حلو وفى الاخر تطلع النتيجه مش متطابقه كنت عايز ادى نفسى بالجزمه والمراقب بقى اشتغلى فى حرقه الدم

فاضل 10 دقايق فاضل 6 كله يجهز علشان حنلم الورق

وانا بموت نفسى علشان افتكر بتتحل ازاى اول مالح جه فى مخى المراقب خطف منى الورقه كنت حبوس ايده يسيبنى فمتوا ثانيه كمان مش راضى
قفلتها واديتهاله واستعوضت ربنا

اولا انا عارف ان اكبر غلط منى لانى فعلا مذاكرتش بما يكفى لانى كنت بفهم الطريقه واشوف الامثله واجلها مع نفسى وخلاص

ثانيا مش عارف ايه الى عملى توتر الاعصاب الغبى ده انا دلوقتى براجع لقيت حاصله الى حليته ميكملش 5 درجات

االعيب منى بس انا زهقان بطريقه غبيه ومش طايق نفسى وعمال ابص للورقه واتحسر

انا مقولتش ده علشان اعلق غلطى على حد ولكن علشان انا فعلا تعبااااااااان اوى وكنت عايز اقول الى جوايا

ربنا يسترها معاكم ومعانا فى الى جى

وكل واحد يحقق حلمه الى بيحلم بيه