تساؤلات الطلبه +كل ما يخص امتحان 2010

[سارةالنودى]

طب ياجماعة انا عندى مشكلة خطيرة جدا انا منقولة هذا العام من الخليج يعنى مش بندرس فرنساوى وبالتالى بيحصل اعفاء من المادة ولكن المشكلة ان مجموعى اصبح 155 درجة يعنى كل درجة ونص تقريبا 1% وانتم عارفين ان الفرنساوى مادة مجموع وطبعا اكيد هنقص كتير فى الرياضة والانجليزى اعمل اية تنصحونى بايه هل السادة المشرفين يقدروا يفيدونى بمعلومة فى الموضوع ده

[سارةالنودى]

للدرجة دى مشكلتى مستعصية مفيش ولارد ولاراى واحد دة انا كدة محتاجة لجراحة عاجلة والامل صفر %

[Dr/wewe12]

اكتبي في قسم أولادنا في الخارج

ارجعي الخليج تاني. ايه اللي جابك هنا؟!!!!!!

[kamaleldohiri]

رأيى الشخصى و المتواضع ..... أظن ان أفضل الحلول انك ترجعى الخليج لاستكمال دراستك فى الصف الثالث الثانوى هناك ..... و قد يكون هذا فيه مشقة او صعوبة عليكى عزيزتى الطالبة .......... و لكن من الحكمة أن نتعب قليلا لنرتاح كثيرا فيما بعد .... و باستكمال دراستك للصف الثالث فى الخليج تضمنى مبدأ تكافؤ الفرص عند دخول الكلية مع كل زملائك و زميلاتك هنا فى مصر
هذا هو رايى المتواضع بالنسبة لمشكلتك ...... و الله تعالى اسال ان يوفقكم جميعا لما فيه الخير ...

[شـروق]

على فكرة أنا زيك بالظبط و محولة من تظام سعودي
بس أنا مرضيتش آخد فرنساوي بمزاجي مع إن في صحاب محولين زيي وخدوه عادي
بس عموماً خلاص قدر الله و ماشاء فعل إحنا كنا نعرف منين إن إمتحان التفاضل كان حيجي صعب كدة و ننقص فيه بالشكل ده
لأن علي فكرة الإمتحان لو كان جي سهل مكانتش حتفرق معانا بالعكس كنا حنبئ مستفيدين أكتر لأننا بنذاكر 4 مواد بس
طبعاً فكرة الرجوع للنظام السعودي مستحيلة أولاً لأنه مش بالسهوله اللي الناس فاكراها بعد ما إتطبق نظام القدرات و ثانياً و دي الكارثة الأعظم إني هعيد سنة تانية و ده مستحيل مهما كان أنا مش ناقصة لدرجة إني أعيد السنة يعني

الحل بئى إننا نموت نفسنا السنة الجاية و نعمل كل اللي نقدر عليه عشا نعوض علي قد ما نقدر و ندعي ربنا من النهاردة إن مفيش واحد من اللي بيحطو الإمتحان يجي يتفزلك علينا السنة الجاية فيضيع مجهودنا ع الفاضي

و في الآخر أهم حاجة الرضا أنا موت نفسي شغل و عملت اللي عليا طول السنة و كله مقدر و مكتوب

[سارةالنودى]

شكرا لكل من رد علية ولكم جزيل الشكرولكن الرجوع للخليج مستحيل لانى هعيد سنة تانية