|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
30-06-2010, 08:41 PM
|
||||
|
||||
الراجل مش بس بكلمته .....!
 النهاردة هنخرج برة المنتدى في جولة صحفية عن موضوع مهم أوي هتعرفوه بعد ما تشوفوا التقرير معايا قصدي تقرأوه  أخدت مواصلة من على باب المنتدى  وروحت على الجامعة شفت شاب واقف تحت شجرة وبيدخن فقلت أكبس عليه وأعمل مع الحوار ده أتعرف على حضرتك أنا اسمي هيثم اهلا بيك ياهيثم هيثم عاوز أسألك سؤال اتفضل أنت بتدخن ليه بص لي ونفخ في وشي الدخان كحكحكح ايه يابني هتخنقني ولا ايه  بقولك بتدخن ليه مش اخنقني طب وده سؤال برضه ياعم الحاج كل الرجالة بيدخنوا يعني لما بتدخن ياهيثم بتحس انك راجل طبعا بحس أوي , بحس خالص طيب ياهيثم سلام سلالام ياعم الحاج ونفخ تاني في وشي الدخان مشيت شوية لقيت شاب واقف مع بنت قلت لازم أعمل معاه الحوار بس بس بص لي وأخد باله وجالي أيوة ممكن أتعرف عليك أنا طارق ممكن تقولي ياطارق أنت واقف مع البنت دي ليه أنت هتستظرف ولا إيه ؟؟ لا والله أبداً عاوز أعرف بس كل الرجالة اللي في سني لازم يكون لهم بنت يمشوا معاها الرجالة !!! آه طبعاً رجالة عندك إعتراض ؟؟؟؟؟؟  لا أبداً يا أستاذ طارق طب عن إذنك علشان مينفعش أسيبها لوحدها علشان محدش يعاكسها أنت بس اللي تعاكسها بتقول إيييه ؟؟؟  لا أبداًَ مفيش حاجة زي ما أنتم شايفين التقرير ده متعب أد إيه واحد خنقني والتاني كان هيضربني وربنا يستر في الباقي ماشي فلقيت هيصة وزعيق جامد أوي بصيت لقيت واحد ضخم ماسك راجل غلبان ونازل فيه طحن إيه ياعم أنت ؟؟ أنت مفيش في قلبك رحمة بص لي حتة بصة بصراحة خفت منه قال لي في حاجة ياكابتن استجمعت قوتي وقلت له أنت بتضربه ليه بالطريقة دي أنا راجل المنطقة وأعمل في منطقتي زي ما أنا عاوز يامعلم بالهداوة بس أنت ما سمعتش الحديث بتاع النبي عليه الصلاة والسلام اللي بيقول فيه ليس الشديد ذو الصرعة إنما الشديد الذي يملك نفسه عند الغضب ساب الراجل الغلبان من ايديه وقاله خلاص عفوت عنك المرة دي لكن المرة الجاية مفيش حد هينجيك من تحت ايدي قلت له ربنا يصلح حالك يامعلم وبالراحة عالناس شوية وبالإذن ياعم الفتوة الجو حاااااااااار جداً قلت أروح أجيب عصير من المحل اللي على أول الشارع السلام عليكم وعليكم السلام لو سمحت ياحاج عاوز عصير مانجا اتفضل أذاااااااااااااااااااااان الظهر لقيت الراجل واقف عادي خالص ولا كأن في حاجة بقولك ايه ياحج نعمين أنت مش هتروح تصلي ولا إيه هصلي بعدين إزاي بس يعني عاوزني أسيب شغلي وأروح أصلي وفيها إيه بس العمل عبادة والراجل هو اللي يأخد باله من شغله طيب ما تكمل المرجلة وتروح تصلي يلا ياكابتن شوف مصلحتك علشان مش عاوز أذيك طيب ياعم بالراحة شوية متزقش تقرير إيه ده اللي كل ضيوفه عاوزين يضربوني صليت الظهر وقولت أروح منطقة تانية الأتوبيس جاااااااااااااي معلش هحط عدة الشغل في الشنطة مش فاضي لكم  وبعد جهد جهيد طلعت الأتوبيس ولقيت كرسي بالعافية في المحطة التانية طلع راجل عجوز فقلت تعالى ياحاج اقعد مكاني قام اللي قاعد قدامي وقال والله ما هو قاعد الا مكاني أنا وقام وقعده مكانه وفضل واقف جنبي قلت له عملت ليه كدة قال أنا مش راجل ولا إيه وبعدين الرسول عليه الصلاة والسلام قال وأن تعين الرجل في دابته فتحمله عليها صدقة قلت صلى الله عليه وسلم يلا ياعم فزت بالأجر  كان قاعد شاب جنبي باصص للشباك علطول حسيت أن دماغه مش في الأتوبيس أصلاً لقيته بيهمم بكلمات مش فاهمها ركزت أوي علشان أسمع هو بيقول إيه لقيته بيذكر ربنا وعينه فيها دموع فافتكرت حديث السبعة ورجل ذكر الله خالياً ففاضت عيناه فدعيت له في نفسي وقلت ربنا يكتر من أمثالك وبعدين وصلت للمكان اللي كنت عاوزه ونزلت من الأتوبيس بيني وبينكم عصير المانجا اللي فات شربته من غير نفس لأن صاحب المحل زي ما أنتم عارفين لقيت محل تاني قلت فرصة وأنا رايح أذااااااااااااااااان العصر وصلت المحل لقيت صاحبه بيقفل قلت واحد عصير مانجا لو سمحت قالي بعد الصلاة قلت علطول مش هياخد وقت الأذاان لسة مأذن قالي بعد الصلاة كل ما أقوله حاجة زي ما يكون متبرمج على كلمة بعد الصلاة وفي الآخر قالي يابني أنت عاوزني أخالف الآية قلت له آية إيه (أَيُّهَا الَّذِينَ آَمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَلِكَ فَأُولَئِكَ هُمُ الْخَاسِرُونَ ) والرجل هو اللي مينشغلش بالشغل عن الصلاة قلت له عندك حق جزاك الله خيراً وروحت صليت معاه العصر وبعد الصلاة اشتريت العصير وبعدين اتمشيت شوية على النيل لغاية المغرب قلت أذكار المساء وروحت صليت في المسجد مشيت شوية لقيت راجل شايل حاجات تقيلة وزي ما يكون خايف لحد يشوفه مشيت وراه قولت أكيد وراه حاجة لقيته طلع شقة في بيت قديم أوي شوية ونزل فاضي قلت لازم أعرف الحاجات اللي معاه راحت فين ؟؟ مستغربوش أصل الصحفي الكويس اللي زي لازم يتمتع بنظرة زي نظرة المفتش كرومبو طلعت الشقة وخبطت طلعت ست عجوزة قلت السلام عليكم ياحاجة قالت وعليكم السلام يابني خير؟؟ حسيت أنهم فقرا وممكن يكونوا محتاجين حاجة قلت أنتم محتاجين حاجة ياأمي ؟؟ قلت ربنا يكرمك يابني بس الحاج أبو عبدالله مش مخلينا محتاجين حاجة قلت الحاج أبو عبدالله اللي كان هنا من شوية قالت الله يبارك له ويعمر بيته ويبارك له في ولاده 5 سنين وهو واخد باله مني ومن ولاد ابني الأيتام قلت لها الله يبارك له ياحاجة ويكثر من أمثاله سلام عليكم قلت في نفسي مش جاي تسئ الظن ياكرمبو إلا في كافل الأيتام وتذكرت حديث النبي صلى الله عليه وسلم أنا وكافل اليتيم كهاتين في الجنة وأشار باصبعيه السبابة والوسطى طبعاً بعد الرحلة الشاقة دي نكون وصلنا لنهاية التقرير استفدنا إيه بعد التقرير ده ؟؟؟ تقريرنا كان عن مفهوم الرجولة عند الناس والشباب خصوصا شفتوا هيثم مفكر الرجولة في سيجارة وطارق معتقد أن المشي في البنات هي الرجولة والراجل الفتوة مفكر الفتونة هي الرجولة وأما صاحب المحل اللي كان عاوز يضربني مفكر أن الشغل وإهمال الصلاة هي الرجولة على العكس منهم الأخ اللي قعد الرجل العجوز مكانه شايف أن هي دي الرجولة والأخ اللي كان قاعد جنبي شايف أن ذكر الله وخشيته هي الرجولة وصاحب المحل اللي مرضاش يبيع بعد الأذان أي حاجة وشايف أن ده هيعطله عن الصلاة لأن الرجولة من وجهة نظره أن الشغل ميعطلكش عن الصلاة وكان ختام التقرير الحاج أبو عبد الله اللي بيكفل الأيتام من 5 سنين وبيخفي عمله ده وماشاء الله مش مخليهم محتاجين حاجة أرجو أنكم تكونوا استفدتم من التقرير وأراكم في تقاير أخرى قريباً إن شاء الله بس سؤال أخير انتوا بقى شايفين الرجول ازاى ؟؟؟  دمتم فى رعايه الله وحفظه
__________________
 دعوه ,,, فابتلاء قصير ,,, فانتصار اللهم فرجاً قريباً
|
|
#2
30-06-2010, 09:05 PM
|
||||
|
||||
بجد موضوع هاااايل واحده من الناس
جزاكى الله كل خير وننتظر ابداعاتك القادمه
__________________
.gif)
|
|
#3
30-06-2010, 10:01 PM
|
||||
|
||||
|
انا تعبت من المشاوير
طالع اتوبيس نازل من الاتوبيس من قبل الظهر الى ما بعد العصر يا راجل تعبتنى معاك بس فى النهايه احب اقولك موضوعك ليس له علاقه بالرجوله او الانوثه الموضوع مفيد جدا للجميع وربنا يكرمك على موضوعك الجميل ويارب يكون وصل المقصود منه للجميع
__________________
 ياواعظ الناس قد اصبحت متهمــا إذا عبت منهم امورا انت تأتيها اصبحت تنصحهن بالوعظ مجتهــــدا والموبقات لعمرى انت جانيهــــا تعيب دنيا وناسا راغبين لهـــــا وانت اكثر الناس رغبة فيهــــا
|
|
#4
30-06-2010, 11:33 PM
|
||||
|
||||
|
الرجولة مسؤلية تدين طاعة لله ورسولة
حنان وامان بصراحة دى وجهة نظرى يعنى باختصار المفروض الرجل يبقى فية كل الصفات الحلوة والحميدة ومش هطول عليكو موضوع جميل
__________________
 اللهـــــم لا تشغلنا برزقك عن قربك ، ولا بلهو عن ذكرك ، ولا بحاجة من حوائج الدنيا عن عبادتك وشكركاللهـــــملا تأخذنا منك إلا إليك ، ولا تشغلنا عنك إلا بك ، واجعل أعمالنا وأقوالنا كلها خالصة لوجهك الكريم ، وطهر قلوبنا من النفاق والرياء وسوء الأخلاق |
|
#5
01-07-2010, 10:02 AM
|
||||
|
||||
|
فعلا الراجل لو عارف ربنا صح هيعمل كل حاجة صح وبكدا يبقى هى دى الرجولة والبنت نفس الحكاية
الف شكر ع الموضوع الرائع
__________________
If you have a dream ..
You should work for it .. try to achieve it by all possible means .. even die for it !!. |
|
#6
01-07-2010, 12:07 PM
|
||||
|
||||
|
ابصراحة موضوع 100 100 .... و اهنيك عليه و انا ليا اصحابى اول ما دخلنا ثانوية عاملة السيجارة طلعت و مش عارف ايه يقولى انت مش راجل مش بتشرب سيجارة !! بجد المجتمع بقى غريب
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !!  |
|
#7
01-07-2010, 12:48 PM
|
||||
|
||||
|
طبعا الوجه التاني هوا الصح
وهيا دي الرجوله بجد ألف شكر على الموضوع الجميل والرائع |
|
#8
01-07-2010, 01:05 PM
|
||||
|
||||
|
حمدلله على سلاتك يا عم
كويس انك وصلتنا سليم الا التقرير دة كان فين بالظيط؟؟ هههههههههه كلامك جميل جدا وموضوعك رائع جدا لية رد مفصل بس مش دالوقتى جيلك تانى ان شاء الله
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
|
#9
01-07-2010, 04:03 PM
|
|||
|
|||
|
جزاك الله خيرا
__________________
الحمد لله |
|
#10
04-07-2010, 03:38 AM
|
||||||||
|
||||||||
|
اقتباس:
ربنا يكرمك منوره بجد اقتباس:
جزاك الله خير ربنا يوفقك اقتباس:
مظبوط جدا جد كلامك منوره جدا اقتباس:
أكيد طبعا مرسى جزاك الله خير اقتباس:
عندك حق والله المجتمع اتقلب جزاك الله خير منور اقتباس:
مرسى جدا ليكى منور يافندم اقتباس:
هههههههه التقرير منقول على فكره منور يافندم والله وفى انتظار رد حضرتك وجزاك اله كل خير اقتباس:
وجزاك مثله
منور
__________________
دعوه ,,, فابتلاء قصير ,,, فانتصار اللهم فرجاً قريباً
|
|
#11
04-07-2010, 08:23 AM
|
|||
|
|||
|
موضوع جميل ومفيد
شكرا على الموضوع الرائع فعلا المجتع إتغير بس في لسة ناس كويسة ويارب يكتروا أكتر و أكتر
__________________
ربعاوية ومش من الاخوان عشان عارفة ان أي حد بيأيد السيسي هيقول على أي حد ربعاوي انه إخوان  
|
|
#12
04-07-2010, 08:25 AM
|
|||
|
|||
|
هههههههه التقرير منقول على فكره منور يافندم والله وفى انتظار رد حضرتك وجزاك اله كل خير أنا بقول في نفسي إزاي بنت قدرت تكلم كل الرجالة دول أو نصهم
__________________
ربعاوية ومش من الاخوان عشان عارفة ان أي حد بيأيد السيسي هيقول على أي حد ربعاوي انه إخوان
|
|
#13
04-07-2010, 11:29 PM
|
||||
|
||||
|
اقتباس:
جزاكى الله خير مرسى ياقمر اقتباس:
اه طبعا امال ايه ههههههه أنا اقدر اكلم راجل واحد بس هههه منوره ياشذى
__________________
دعوه ,,, فابتلاء قصير ,,, فانتصار اللهم فرجاً قريباً
|
|
#14
05-07-2010, 12:51 AM
|
||||
|
||||
|
موضوع رائع ومتميز يارب يعم الفائدة منه على الكل أحنا فى زمن قلت فيه كل حاجة
__________________
 |
|
#15
05-07-2010, 03:19 PM
|
||||
|
||||
|
موضوعك جميل و مميز
و شكرا علي طرحك اياه انا من وجهة نظري المتواضعة و بكل اختصار يمكن ان نستخلص مفهوم الرجولة من قول الله تعالي في محكم تنزيله : "(٣٥) فِي بُيُوتٍ أَذِنَ اللَّهُ أَنْ تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآَصَالِ (٣٦) رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ (٣٧)" الرجل هو الصادق مع الله , مع نفسه , مع الناس الرجل هو من يحترم اراء الاخرين ولا يفرض رأيه علي احد الرجل هو من يخاف الله و يتقيه و يخشي عقابه الرجل هو الانسان كريم الصفات , ذو الاخلاق الحميدة انظر الي الرسول صلي الله عليه وسلم واتخذه قدوة لك , انظر كيف كان يمزج النصيحة بالرفق انظر كيف كان يضيف الي حزمه اللين انظر كيف كان يتعامل مع الناس كيف كان يكظم غيظة ... كيف لا ؟! وهو اعظم البشر قدرا ومكانه ... انظر و تعلم .. وليست الرجولة هي الفساد و التهور(الشجاعة بمفهوم خاطئ ) !! ( لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيراً ) انظر هذه الاية و الاية السابقة من يرجو الله و اليوم الاخر هو الرجل و من يرجو الله و اليوم الاخر يجب ان يقتدي بالرسول صلي الله عليه وسلم ------------------------------------------------ اذن الرجل هو من يقتدي بالرسول . وليس معني ذلك ان الرجولة مقترنة بالرجال من دون النساء لان الرجولة هي الفضائل و الخلال الحميده . شكرا علي الموضوع ... كل الاحترام و التقدير ,
__________________
الحمدلله
(كل نفس بما كسبت رهينة ( 38 ) إلا أصحاب اليمين ( 39 ) في جنات يتساءلون ( 40 ) عن المجرمين ( 41 ) ما سلككم في سقر ( 42 ) قالوا لم نك من المصلين ( 43 ) |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:27 AM.
