|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
20-06-2010, 04:45 PM
|
|||
|
|||
هل انا إنسانة غير طبيعية ؟
فى بداية العام الدراسى كتبت الموضوع ده http://www.thanwya.com/vb/showthread.php?t=136108 دلوقت و بعد انتهاء الدراسة ... يا ريتنا نحكى لبعض عن تجربتنا الجديدة ... يمكن نستفيد حاجة تنفعنا فى حياتنا . انا هـابدأ بنفسى : الجامعة زيها زى أى مكان تانى , فيها الكويس و فيها الوحش . فى الأول و بحكم إنى لسة مستجدة قابلت ناس كانت بتعاملنى على إنى جديدة و خام ... و برضه قابلت ناس كانت نفسها تساعد بجد . الحمد لله بتوفيق ربنا و بفضل دعاء الوالدين ... حاسة إنى ابتديت أفهم الناس من طريقة و اتجاه كلامهم و خاصة الكلام العفوى ( اللى مش مدروس , اللى بيطلع بدون تفكير من صاحبه ) مين ابيض ... مين إسود ... مين كاروهات !! و على بال ما جت نصف السنة كنت بدأت أكون فكرة واضحة ( إلى حد ما ) عن كتير من المحيطين بى ... و الحقيقة والدى و والدتى ساعدونى كتير فى إن السنة تعدى على خير بذكريات كتير جميلة و بأقل مشاكل و الحمد لله . حتسألونى ... إيه سبب العنوان اللى إنتِ كاتباه ... السبب إنى ما حسيتش بأى رغبة إنى أتعرف على أى زميل لى عن قرب ... كان فى محاولات كتير من بعضهم للتقرب و الصحوبية بطريقتهم ... و لكن ما حدش منهم نجح . هنا بدأت الحاجات و الكلام اللى مش و لابد , و اللى أنا متوقعاه من الأول , لكن برضه و بفضل الله وحده لقيت الناس اللى تفهمنى و تدافع عنى . انا شايفة إن الصحوبية الطيارى دى استنزاف لمشاعر البنت ... و ممكن تسيب فيها جروح ما تنساهاش طول عمرها ... طيب و انا ادخل ليه فى متاهات ما اعرفش آخرها ... باقول كده لإن بنات كتير بيتهمونى بالغرور و ( الألاطة ) ... الله يسامحهم . هـــه ... حد عاوز يقول لنا حاجة عنه ؟
|
|
#2
20-06-2010, 05:08 PM
|
|||
|
|||
بارك الله فيكِ ... يا ا بنتى
|
|
#4
21-06-2010, 05:36 PM
|
||||
|
||||
|
مين قال بقى انك مش طبيعية
انتي كدا تمام وموقفك عشرة على عشرة وبعدين هما شايفينك مغرورة لأنك أحسن منهم .. ومتمسكة بدينك أكتر منهم وهي البنت ايه غير سمعة كويسة ؟؟ بصراحة .. بشجعك جدا واوعي تغيري موقفك لمجرد انك شفتي رد فعل مضاد ليكي انتي كدا تمام ربنا يحفظك ويكرمك يا رب
__________________
Be the type of person you want to meet
|
|
#5
22-06-2010, 06:08 PM
|
|||
|
|||
|
الله يكرمك ... و يبارك فيكِ ... بصراحة أنا كنت متوقعة الموقف ده من بعض الناس ... بس لم أتخيل إنه يكون بالصورة الشديدة دى , و ربنا هو المستعان ... شكرا على مرورك الكريم و ردك الرقيق
|
|
#6
02-07-2010, 04:28 PM
|
||||
|
||||
|
لا طبعا انتى صح وانا انشأ الله لما هدخل الجامعه هكون كده برضوا , والواحد لازم يبعد عن الشر ويغنيلوه لان فى ناس مش وراها غير الشر
__________________
 ~Love your life ~
|
|
#8
02-07-2010, 08:27 PM
|
||||
|
||||
|
لو انتى كده انسانه مش طبيعيه
يبقى ياريت كل البنات تكون مش طبيعيه ربنا يثبتك على موقفك ده لإنى انا عارفه انى كتيييييييييير اوى بيتغيروا لما بيدخلوا الجامعه
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#9
02-07-2010, 09:13 PM
|
|||
|
|||
|
اقتباس:
|
|
#10
02-07-2010, 09:15 PM
|
|||
|
|||
|
اقتباس:
|
|
#11
02-07-2010, 09:17 PM
|
|||
|
|||
|
اقتباس:
|
|
#12
03-07-2010, 02:02 AM
|
|||
|
|||
|
بصي انا هقولك حاجه .....الولد ما بيحترمش البنت غير اللي زي حضرتك كده ....اه هتلاقي تجاهل وممكن كلمه كده او كده بس في الاول وفي الاخر كلهم بيحترموا حضرتك
وعلي فكره مفيش رجل شرقي لما يجي يفكر في الارتباط هيفكر في واحده كلمها قبل كده او لاحظ انفتاح في علاقتها يارب يكون فهمتك صح وقولتلك رد صح
|
|
#13
03-07-2010, 03:02 AM
|
||||
|
||||
|
be consistent , sister
عشان يبقى فيه رفيع لازم يبقى فيه تخين وعشان يبقى فيه طويل لازم يبقى فيه قصير و إلا فقدت الصفات معناها ! ده تيار و هم عايزينك معاهم فى التيار وده حاجة طبيعية زى المغناطيس يجذبك و اما يجيبك يديك صفات منه و هتحسى دايما يعايروا فيكى لأنك زميلتهم بالضبط زى ما الدول العربية ما بتعمل فى بعض أنا معاكى الغلط زاد عن حده بس ادعى ربنا يثبتك و يثبتنا و ربنا يخلي لك بابا و ماما محبين لك دوما طوبى للغرباء!
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم 
|
|
#14
03-07-2010, 03:21 AM
|
|||
|
|||
|
الموضوع ده بقى عادى دلوقتى بطريقه مستفزة
بيتيهقلى لو دورتى عن البنات اللى مابيكلموش ولاد ف الكليه او العكس هتلاقيهم هايتعدوا ع الصوابع الحياه بقت مفتوحه زياده عن اللزوم و ياريته كلام عادى ده المناظر ف الجامعه عندنا ولا الميريلاند ربنا يهدى بجد الجميع سيبك م كلام الناس وربنا يثبتك ويثبتنا جميعا ان شاء الله
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#15
07-07-2010, 01:09 PM
|
|||
|
|||
|
اقتباس:
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:06 AM.
