كلااام الناس الكباااااار

[yomna1993]

تصدق بمين.. احنا كشباب بقينا ناس لا تطاق.. شوية عيال عندنا بارانويا وعقد اضطهاد تكفى سكان الكرة الأرضية جمعاء.. مش مصدقين حد ولا واثقين فى كلام حد مش عارفه ليه؟.. يمكن عشان من صغرنا وإحنا بناخد صدمات فى الكبار وكلامهم؟.. أو يمكن بنفترى عليهم مين عارف؟.. طب ارجع بذاكرتك لورا كده وحاول تفتكر معايا أول صدمة زعزعت ثقتك فى كلام الناس الكبار.. يمكن تكون أولى صدماتك حصلت لك مثلا يوم ما عرفت إن «بقلظ» ده مجرد عروسة وطول السنين دى ماما نجوى كانت بتشتغلك؟.. يمكن يوم أهلك ما وعدوك يودوك الملاهى لما تنجح وضحكوا عليك وودوك مراجيح عم مرزوق اللى فى الساحة؟.. يوم ما وثقت فى مدرس فى مدرستك ويوم الامتحان شفته بيغشش زميلك اللى بياخد عنده درس؟

.. يمكن بعد كده.. لما كبرت شوية؟.. مثلا يوم ما شفت وزير بيحلف اليمين وبعدها بسنتين تلاتة بدأت تسمع فضايحه وتسأل نفسك ما بيتحاكمش ليه؟.. يوم ما شفت قرارات بتتاخد فى مجلس الشعب وشفت رئيسه وهو بيقول موافقة قبل ما حد يفكر يرفع إيديه؟.. يوم ما قريت تصريح «لا مساس بالأسعار» وبعد يومين لقيت الأسعار مولعة؟.. يوم ما شفت فى نشرة الأخبار حادثة قطر وسمعتهم بيأكدولك إن المسئول عنها هيتحاسب وفى الآخر لقيت الموضوع نزل على ما فيش؟.. يوم ما عرفت إن أصحاب العبارة عايشين فى لندن بالطول والعرض وبيتعشوا كل يوم سمك من اللى أكل ابن عمك بعد ما غرق مع عبارتهم فى البحر؟.. يوم ما أكدولك إن البلد فيها إصلاح اقتصادى وبعدها بسنين لقيت نفسك بتموت م الجوع؟

.. يوم ما قالولك بص شوف التنمية بتعمل إيه وبعدها برضه مالقتش كوباية مية نضيفه ولقيت كل أهلك أجسامهم ماليها السرطان؟.. يوم ما تفاءلت بشعار الشرطة الجديد «الشرطة والشعب فى خدمة الدولة» واكتشفت بعدها إنهم كاتبين تحته بخط صغير «بس برضه الشعب كله تحت جزمة أصغر مخبر عندنا»؟.. وثقت فى كلام الناس الكبار على مر السنين وخانوا ثقتك وصدقتهم وكذبوا عليك؟.. لكن على كل حال كل ده مش لازم أبدا يفقدك الثقة فى كلام الناس الكبار ومش معناه أبدا إنك تفضل شاكك وتقاوح يوم ما تشوف الحق باين زى الشمس قدام عينيك..
يعنى فى إطار الأحداث الأخيرة مش ضرورى أبدا ما تصدقش لما يقولولك إن البانجو بيتسبب بكسور فى الجمجمة وشلفطة فى الوش، أصل ايش عرفك إنت، كنت شفت بانجو قبل كده فين؟.. إزاى يعنى ما تقتنعش إن الآثار الجانبية لبلع باكتة بانجو تتضمن خلع فى الفك وطيران للأسنان وتحركات عشوائية للأذنين؟.. سيادتك كنت بلعت باكتة قبل كده عشان تنفى والا تأكد الكلام ده؟.. و مين اللى قالك إن أى متهم ساعة ما يتم القبض عليه من المستبعد إنه يخبط دماغه فى الحيطة ويسحل نفسه فى الشارع وينزل فى نفسه ضرب بالبونيات ندما وأسفا على ما ارتكبه من أفعال؟

دا انت شخصيا تلاقيك عملت فى نفسك كده ييجى 3ــ4 مرات.. ينفع يعنى تشك كمان إن تشريح الجثث يتطلب لخبطة ملامح وجهها مش ممكن يكون الهدف السامى ورا الموضوع ده أن يتمكن أهل المتوفى لاحقا من الاستمتاع بوقتهم والتجمع لترتيب أجزاء وجه المتوفى وأهى حاجة تلهيهم عن حزنهم الدفين؟.. وآه بأه.. تقرير إعادة التشريح ممكن يتكلموا فيها عن باكتة البانجو رغم إنها إعادة تشريح يعنى الجثة كانت مدفونة لأنه ممكن جدا أهل القتيل يدفنوه ومعاه البانجو بتاعه يمكن بعد الدفنة يهفه الشوق ويقوم يلفله سيجارتين. ظلم؟.. قول كلام غير ده.. فساد؟.. طب عينى فى عينك كده.. تعذيب؟.. إممممشى قطع لسانه اللى يقول كده.. مش بس قطع لسانه.. ده قطع لسانه وتكسير نافوخه وإذا استلزم الأمر فقع عينيه.. وهكذا بعد أن وضحت الحقيقة وظهر التفسير وجب علينا أن نتوقف جميعا عن الاعتراض.. أصل هتتكلم شوف مين يسمعك.. هتتظاهر هيقولولك ده خروج على ولى الأمر..

هتفتح عليهم زورك وتصرخ باكتة البانجو موجودة هتروح فين؟.. وفى النهاية طالما إننا زينا زى القتيل.. مالناش قيمة فى بلدنا وفى الآخر شوية عيال ما فيش قدامنا حل غير إننا نسمع كلام الناس الكبار.

و محدش واخد منها حاجة

[التائبة الى ربها]

تسلم على الموضوع
فعلا عندك حق

[مروه]

لا يأس مع الحياة ولا حياة مع اليأس


وبعدين إنتى قصدك إيه يعنى يا يمنى

..................

بجد موضوع جميل

تسلم إيدك

[مودى راب دوت كوم]

تسلم على الموضوع
فعلا عندك حق

[stoof]

شكرا قال تعالى : (( ولا تقنطوا من رحمة الله ))

ربنا كبير

موضوع رائع

[صفاء بهنساوي]

[quote=yomna1993;2357471]

تصدق بمين.. احنا كشباب بقينا ناس لا تطاق.. شوية عيال عندنا بارانويا وعقد اضطهاد تكفى سكان الكرة الأرضية جمعاء.. مش مصدقين حد ولا واثقين فى كلام حد مش عارفه ليه؟.. يمكن عشان من صغرنا وإحنا بناخد صدمات فى الكبار وكلامهم؟..

طيب ما تتعلموا من أخطاء السابقين وخاصة انكم شباب يعني المستقبل -إن شاء الله- هيكون ف ايديكو يعني تقدروا تكسبوا ثقة الأجيال القادمة وتعملوا اللي ما قدرناش نعمله.

[مروه]

[quote=صفاء بهنساوي;2358055]

المشاركة الأصلية كتبت بواسطة yomna1993

طيب ما تتعلموا من أخطاء السابقين وخاصة انكم شباب يعني المستقبل -إن شاء الله- هيكون ف ايديكو يعني تقدروا تكسبوا ثقة الأجيال القادمة وتعملوا اللي ما قدرناش نعمله.

هى دى بقى بالظبط المشكله

الكبار معتمدين على مجهود الشباب وفاكرين انهم خلاص عملوا اللى عليهم

والشباب مستنى الكبار عشان حاسس انه السبب فى اللى هو فيه دلوقتى وهو المسؤل انه يصلحه

[أ/رضا عطيه]

لا يأس مع الحياة ولا حياة مع اليأس
وشكرا للجميع

[ibrahim elsayed]

ياااااااااااااه دا انت شايل اوى
مش جديد لان الجميع ....
لن اعمم فربما هناك اناس غيرنا
انا فقط متفق معاك فى كل ماقلته ومعجب جدا بالاسلوب الهزلى لعرض القضيه
بس اقولك انت اتكلمت وفضفضت ولكن فيه ناس تانيه شايله اكتر ومن كتر الهم مش عارفه
حتى تفضفض وللاسف فى النهايه ستنفجر
واخيرا الكبير كبير بافعاله وليس باقواله
ومشكلة الكبار حقا انهم عمرهم ما فكروا انهم كان صغار فى يوم ما
بل يعتقدون انهم ولدوا هكذا .................!

[yomna1993]

المشاركة الأصلية كتبت بواسطة التائبة الى ربها

تسلم على الموضوع
فعلا عندك حق

شكرا لمرورك الجميل
نورتي

المشاركة الأصلية كتبت بواسطة مروه

لا يأس مع الحياة ولا حياة مع اليأس

وبعدين إنتى قصدك إيه يعنى يا يمنى

ولا حاجة طبعا هو انا قولت حاجة يا ميرو ولا ايه

..................

بجد موضوع جميل

تسلم إيدك

ربنا يخليكي يا قمراية
نورتي بردك الجميل

[soul333]

أصل هتتكلم شوف مين يسمعك.. هتتظاهر هيقولولك ده خروج على ولى الأمر..

عندك حق
تسلمى وتسلم اديكى.............عرضتى القضية بشكل جميل
لكن مصر هتتغير بينا.....بكره هنكون احنا الكبار.................و ربنا الاكبر

[yomna1993]

المشاركة الأصلية كتبت بواسطة مودى راب دوت كوم

تسلم على الموضوع
فعلا عندك حق

شكرا على مرورك الجميل
نورت

المشاركة الأصلية كتبت بواسطة stoof

شكرا قال تعالى : (( ولا تقنطوا من رحمة الله ))

ربنا كبير
و نعم بالله بس احنا نقول ربنا كبير و معانا طول بتعمل و بنعلي صوت الحق و بنواجه الغلط بشده و ربنا معانا
لكن منسكتش عن الحق و ندعي ربنا

موضوع رائع

بارك الله فيك
و شكرا على ردك العطر
نورت



[quote=صفاء بهنساوي;2358055]

المشاركة الأصلية كتبت بواسطة yomna1993

تصدق بمين.. احنا كشباب بقينا ناس لا تطاق.. شوية عيال عندنا بارانويا وعقد اضطهاد تكفى سكان الكرة الأرضية جمعاء.. مش مصدقين حد ولا واثقين فى كلام حد مش عارفه ليه؟.. يمكن عشان من صغرنا وإحنا بناخد صدمات فى الكبار وكلامهم؟..

طيب ما تتعلموا من أخطاء السابقين وخاصة انكم شباب يعني المستقبل -إن شاء الله- هيكون ف ايديكو يعني تقدروا تكسبوا ثقة الأجيال القادمة وتعملوا اللي ما قدرناش نعمله.

احنا عايزين بس وقفة مرة في حياتنا بجد الكل مش الشباب بس فيها فعل مش كلام لاننا بجد تعبنا من الكلام اللي مفهوش فايدة



[quote=مروه;2359145]

المشاركة الأصلية كتبت بواسطة صفاء بهنساوي

هى دى بقى بالظبط المشكله

الكبار معتمدين على مجهود الشباب وفاكرين انهم خلاص عملوا اللى عليهم

والشباب مستنى الكبار عشان حاسس انه السبب فى اللى هو فيه دلوقتى وهو المسؤل انه يصلحه

عندك حق جدا ا ا

[yomna1993]

المشاركة الأصلية كتبت بواسطة BlakBlak66

لا يأس مع الحياة ولا حياة مع اليأس
وشكرا للجميع

و بعدين
ما طول عمرنا مؤمنين بكده اتغير حاجة
ولا اتغير الحال للاسوأ
شكرا لمرور حضرتك

المشاركة الأصلية كتبت بواسطة ibrahim elsayed

ياااااااااااااه دا انت شايل اوى
مش جديد لان الجميع ....
لن اعمم فربما هناك اناس غيرنا
انا فقط متفق معاك فى كل ماقلته ومعجب جدا بالاسلوب الهزلى لعرض القضيه
بس اقولك انت اتكلمت وفضفضت ولكن فيه ناس تانيه شايله اكتر ومن كتر الهم مش عارفه
حتى تفضفض وللاسف فى النهايه ستنفجر
واخيرا الكبير كبير بافعاله وليس باقواله
ومشكلة الكبار حقا انهم عمرهم ما فكروا انهم كان صغار فى يوم ما
بل يعتقدون انهم ولدوا هكذا .................!

شكرا لرد حضرتك الجميل
نورت

[yomna1993]

المشاركة الأصلية كتبت بواسطة soul333

عندك حق
تسلمى وتسلم اديكى.............عرضتى القضية بشكل جميل
لكن مصر هتتغير بينا.....بكره هنكون احنا الكبار.................و ربنا الاكبر

اتمنى بجد
يا رب
شكرا لردك الجميل
نورت