نفسك فى اى كليه ادخل ولاتخف

[مصراوى22]

كليات القمة تدخل برامج التعليم المفتوح بحد أدنى ٥٠٪.. وخبير يصفها بـ«خراب تعليمى»

كتب محمد كامل ٨/ ٧/ ٢٠١٠هلال

بعد قرار المجلس الأعلى للجامعات بضم كليات التعليم المفتوح إلى التنسيق لأول مرة هذا العام، أصبح من المتوقع أن يتجه طلاب الثانوية العامة ـ الذين لم يحالفهم الحظ بالحصول على مجاميع مرتفعة ـ إلى التعليم المفتوح، للالتحاق بكليات القمة، خاصة بعد أن ألغى الدكتور هانى هلال، وزير التعليم العالى والدولة للبحث العلمى، العام الماضى شرط مرور خمس سنوات على الحصول على شهادة الثانوية العامة، للالتحاق ببرامج التعليم المفتوح، بالإضافة إلى إلغائه نظام الانتساب الموجه، اعتباراً من العام الحالى.
ومن أبرز كليات القمة فى تنسيق عام ٢٠٠٩/٢٠١٠، التى سيتم فتحها للطلاب هذا العام بحد أدنى ٥٠٪ فى برامج التعليم المفتوح فى الجامعات كلية الإعلام جامعة القاهرة وقبلت العام الماضى فى التنسيق العادى، الحاصلين على مجموع ٩٥.٢٤٪،
وقسم الإعلام فى كلية الآداب جامعة المنيا بمجموع ٩٤٪ وفنون جميلة جامعة الإسكندرية «٩١.٢١٪»، والسياحة والفنادق جامعة حلوان «٨٩.٣٩٪»، والسياحة والفنادق فى المنيا «٨٧.٦٨٪» والسياحة والفنادق فى الفيوم «٨٦.٤٦٪» والسياحة والفنادق فى الإسكندرية «٨٨.٢٩٪» بالإضافة إلى آداب جامعة عين شمس قسم الدراسات الأثرية والسياحة، وتجارة خارجية فى جامعة حلوان، والآداب لغات فى جامعة القاهرة، والإرشاد السياحى فى جامعة سوهاج، ودار العلوم فى جامعة القاهرة.
واعتبر الدكتور عبدالله سرور، المتحدث باسم اللجنة القومية للدفاع عن الجامعة، أن نظام التعليم المفتوح جزء من السياسات التعليمية «العابثة»، وأنه من ضمن وسائل خطة إلغاء المجانية التى من بينها التوسع فى الجامعات الخاصة والتعليم عن بعد وإلغاء الانتساب والبرامج المميزة فى الجامعات، وذلك منذ أن وقعت مصر على الاتفاقية الدولية لتجارة الخدمات.
وأضاف: ستكون النتيجة «خراباً تعليمياً» أكثر ما هو عليه الآن، وأنه يثبت أن كل ما يقال عن تطوير التعليم وجودته «عبث لا طائل منه».

[mahmmoud_sakr]

هههههه جميل جدا كل الى دخل الثانوية العامة دخل كلية هوه مش عايزها كده كله يدخل المجال
بس الجامعات المفتوحة لو تقبل النسبة 50 % من الخرجين من الكليات والمعاهد تكون أفضل من متخرجى الثانوية العامة
كده يا كلية قمة يا جامعة مفتوحة والباقى مش مهم
جزاك الله كل الخير

[Mohamed.Helmy]

أنا نفسى أدخل فنون جميلة ( المنــيا )

[Dr Fatma]

انا نفسي طب الاسكندريه

[MEBARCELONASSI]

انا نفسي هندسة المنصورة هموووووووووووووت عليها

[soul333]

هو مقلشى حاجة عن علاج طبيعى
ربنا يقدم اللى فيه الخير دايما
شكرا ع الخبر

[يقظة فكرى]

هو ينفع ادخل هندسه من الجامعه المفتوحه


يعنى فيه جامعه مفتوحه هندسه ؟؟


اعرف ان فيه ادبى لكن علمى فيه الله يخليكم بالله عليكم ردوا عليا

[طالبة ولكن]

نرجو من صاحب الموضوع توضيح بعض الامور


اولا يعني مثلا عايزين تفهمونا ان ممكن واحد يدخل طب مثلا

من الجامعة المفتوحة ب 50 %

هي ايه الجامعة المفتوحة دي اصلا

يعني بفلوس

ثانيا لو كان كذلك فين المشكلة فين انهيار التعليم

[دادو الزملكاوى]

انا عاوز اعلام مفتوح القاهره

[مصراوى22]

لى الاخوه والاخوات كل حاجه موجوده بس الفلوس

المجانيه بتاعه ثوره يوليو راحت زى كل حاجه حلوه راحت

[romatic boy]

انا كليتي بتاخد من 60 في المية يعني كدة كدة هادخلها انا هاخش ان شاء الله المعهد العالي للفنون المسرحية علشان كدة مش فارقة معايا المجموع اوي المهم انة يكون كويس وخلاص بلا وجع دماغ

[ayman samy]

اية دة يعنى اية ممكن توضح شوية

[يقظة فكرى]

ياريت توضحوا والجامعه المفتوحه دى بكام

ارجو التوضيح

بالله عليكم

[الدكتور سنايبر]

التعليم المفتوح للكليات التالية فقط : التجارة الزراعة الحقوق الآداب الإعلام

[يقظة فكرى]

اه يعنى مش للكليات العمليه؟؟