"تنسيق الثانوية العامة" ( استفسارات تم الاجابة عليها ) (موضوع تجميعى )

[yoyolove]

انا اسفه جدا لانى نسيت اقولكم انى تالته مش تانيه وكلام alaa g m ادانى شوية امل

[matrex14]

شكرا لحضرتك
بس هل نسبة النجاح ليها علاقة بالتنسيق
ولا المجاميع

[الاستاذ عوض على]

المجاميع لها علاقة أكثر

[مستر رضا الغريب]

المشاركة الأصلية كتبت بواسطة عوض_على

أقل لأن لأن المجاميع منخفضة ونسبة النجاح منخفضة

وتابع حضرتك قسم التنسيق 2010

فى منتدانا

كلام مظبوط أستاذ عوض وشكراً على المتابعة

[طارق طلبة]

ماهي الكلية التي تناسب مجموعي

كيف يمكنني تحديد الكلية التي تناسب مجموعي هذا العام الذي تم تحديد التنسيق بمرحلة واحدة بدون تحديد الكليات المتاحة لكل مجموع علما بأني حصلت علي مجموع 276 وشعبة أدبي وهل سيكون التوزيع الجغرافي حال في أختيار كلية في غير المحافظة التي اسكن فيها

[tomcruise_tito]

فقدت ايميلى الالكترونى اللى فى رقم الجلوس ومش عارف اعمل ايه عاوز حل بسرعة يا جماعة اخوكم من الاقصر

[نقاء الروح]

ادخل على الرابط ده

http://thanwya.moe.gov.eg/thanwya/

و كمل البيانات ..
هيطلعلك ايميلك و رقم الجلوس و كل بياناتك ..

[tomcruise_tito]

طاب اللى جاب 68.56 يدخل كلية ولا لا

[tomcruise_tito]

الف شكر يا غالى وربنا يقدرنى واخدمك فى يوم

[alkateem12]

لا أمل مع كل من يستهتر ويضيع وقتة على الفاضى ويقضى على أمل عائلته لكى يتعلم كويس وبعدين يتسول ويولول ويبكى على مافاته بسبب تفاهاتة وعدم تحملة المسئولية فى حدود ماهو ملقى علية وأوعى تزعلى لأنى بكل امانه محبط ومستاء من أبنى لأنه فى القسم الأدبى وجاب 59.5% وفى العام الماضى كان جايب 63.5% شفتى الفرق وكان مطفشنى فى توجيهاتى له لكى يراجع ويداكر ولكن للأسف ضيع نفسة أونطة وأن لم يحالفة الحظ لكى يدخل كلية أنتظام صدقينى لو مكث مليون سنه لم أدفع له مليم لكى أدخلة تعليم مفتوح ولا مقفول وأن كان على المعاهد يرحل إلى التجنيد لأنى لم أقصر معاه فى أى شىء وشوفى الأدهى من دلك أنى قسمت له الصف الثانى على عامين لكى يستفيد من سنه الفراغ شفتى مصيبتى لا لحق فراغ ولا لحق دحمة وأمل دخولة أى كلية ضعيف جدا جدا
أبوفيــــــــــــــــــــــــــاض

[king 99]

الأفضل انك تروح تسأل فى مدرستك بس اعتقد انه فى قرار طلع انه ممكن تدخل جامعة خاصة

[king 99]

ونصيحة من اخوك الصغير بلااااش طب لانها وجع دمااغ على الفاضى الحسنة الوحيدة اللى فيها كانت التكليف وبعدين اتلغت فملهاش اى لزمة الكلية دلوقتى هذا من وجهة نظرى المتواضعة

[stoof]

انا بقولك اهوه إن شاء الله هتحصل على الأقل أسنان وصيدلة .. أما لو نزلو الطب شوية إن شاء الله طب

انا مرحلة تانية زيك و جبت 96.1 % و ربنا معانا كلنا

[stoof]

المشاركة الأصلية كتبت بواسطة الدكتور سنايبر

المطلوب من الطالب في تنسيق هذا العام

هو إدخال الرقم القومي الخاص به ورقم الجلوس

ولا يوجد رقم سري

أنت إنسان محترم وتستحق التقدير و أرجو من الله أن تحتارك الإدارة كمشرف لأنك سباق دائما في مساعدة زملائك و ردودك مقنعة وفي الصميم دائما .... أشكرك ,,

و أرجو من الله أن تصبح في مكان مرموق إن شاء الله في المستقبل >>>>>>

أخوك : mostafa

[M.BASYOUNI]

انا جبت 80.5 في تانيه علمي رياضه وكان حلمي ادخل هندسه ومحتار احول ادبي ولا لأ؟؟؟ بلله عليكم ما حد يبخل عليا بمعلومه والله اعصابي تعبت جامد؟؟؟؟؟؟؟؟؟؟