لو لسه في ثانوي وعندك سؤال إطرحه هنا

[Bent 3bdo]

متألقه يا لولو كالعاده
ربنا يكرمك كده ويبارركلك فيا (بدعيلك اهو )

المشاركة الأصلية كتبت بواسطة s.s.g

انا جبت 98.3 هكمل احياء ان شاء الله ممكن تساعدونى يا دكاترة وتقولولى ايه احسن ملخص فى الاحياء شرح وايه احسن ملخص مراجعة وانا عندى مشكلة مش بعرف ارسم اعمل ايه معلهش هتعبكم معايا

الاحياء اهم حاجه فيها المدرس لانها طويله بغباء ولو مش معاك مدرس شاطر هتلاقى نفسك لايص ف الاخر ومش عارف تلم حاجه لازم ف الاحياء بالذات مدرس شديد كل شويه امتحان م الاول لحد ماوقفت ووجبات واسئله كتير و الحاجات الى بتنرفز دي
لولا ميس الاحياء بتاعتى رغم ان انا ماكنتش بطيقها ولا بطيق حصيتها ماكنتش عمرى افلت الاحياء وخاصه ان انا بكره الماده جدا ياعنى اللى اعرفهم بياخدو مع مدرسيت تانى شاطرين كشرح واسمهم كبير بس مابيعملوش امتحانات وكده نزلو جامد لان الماده دي مابتجيش غير كده
الاحياء نصيحه لوجه الله كتاب المدرسه وبس ف الشرح ماتبصش لاى كتاب تانى ف الشرح علشان هتتلغبط والامتحان اصلا بيبقى عايز بنص كتاب المدرسه
كتاب المدرسه ده يتحفظ بالظبط ف امتحانات الدرس لو بس كتبت حاجه مش بترتيب الكتاب وهى صح بنقص وبتهزأ وبحس انى عملت جريمه فركز جامد ع كتاب المدرسه
فالاسئله بقى
كنا شغالين م كتاب اسمه الاول او حاجه كده مش فاكرة بالظبط بس مش هتفرق ف الاسئله
اسئله كتاب المدرسه طبعا مهمه جدا و دليل التقويم وامتحانات السنين اللى فاتت
وربنا معاكو

المشاركة الأصلية كتبت بواسطة محمد نبيل البنا

انا جبت برضو 98.3 ومتردد اخد احياء ولا لأ

ما شاء الله المجموع حلو جدا جدا
توكل ع الله امال مين اللى هيخش احياء ياعنى

المشاركة الأصلية كتبت بواسطة hassanmona

انا جبت فيالسنة دي 97.3 فهل ده مجموع ممكن يدخلني طب ولا احول رياضة السنة الجاية

المشاركة الأصلية كتبت بواسطة د.محمد شعبان

انا ياجماعة عاوز استفسار بسيط جدا وياريت الكل يشاركنى انا فى تانية ثانوى وجبت 96.3 وحلم حياتى انى ادخل طب اسنان وخايف اخد احياء واقل فى تالتة او مجموعى ده ميخلنيش الحق احياء واخش علوم وانا مش عاوز غير اسنان ومتردد مش عارف اخد احياء ولا اقضيها رياضة وخلاص ياريت الكل يشاركنى وبموضوعية واخلاص فى الرأى

hassanomna و د. محمد شعبان
انا كنت جايبه ف تانيه 97 وكملت احياء عادى والحمد لله ف تالته زدت و جبت مجموع يدخلنى طب مستريح بس انا اللى فقر
فمتقلقوش ان شاء الله خير
اهم حاجه تصلو صلاة الاستخاره
و كل واحد عارف قدراته شوف اسنان وا طب او صيدله او الكليه اللى انت عايزها خدت كام السنه اللى فاتت و شوف متوسط المجاميع العاليه ف سنتكو ياعنى اللى جايبين 99 و 98 لحد 96 كده اد ايه
و حاولوا تتوقعوا متوسط التنسيق هيبقى ازاى
و شوفوا مجموعكوا هل لو استمريت ع نفس مذاكرتك هتجيبها ولا لا
او لو اعلى شوف الفرق هل هتقدر تجيبو ان شاء الله وانت كنت مقصر ف حاجه السنه دى تقدر تغيرها السنه اللى جايه ولا لا هل الاحياء والفيزيا هتبقى احسن فيها م الريااضه والكميا بتوع تانيه ولالا
واهم حاجه تبقوا صرحه مع نفيكو وكل واحد ادرة بنسفه
ربنا يوفقكوا ويعملكوا اللى فيه الخير