عمرو خالد يحطم زجاجات الخمر في منزل تامر حسني

[السنونو الطائر]

اصلا تامر لما كان فى اول مشوارة كان الكل بيقول عليه فى كده شوية قرب من ربنا

لدرجة انى فاكرة مرة زماااااااااااااااااااان جدا من كام سنة كده لما كنت بسمع الراديو بتاعنا

وقفت ايدى ع قناة نجوم اف ام ( وانا نادرا ما تستهوينى )

وتقريبا كانوا مستضيفينو فيها

كان اغلب كلامة كويس يعنى مثلا علشان ربنا عاوز كده وربنا بيعمل اللى فيه االخير ومن ذلك الكثيييير

لدرجة والله انا رحت قلت لماما انا اول مرة الاقي مغنى متدين

ماما استعجبت ونفت الموضوع ده تمامااااا وقالتلى اللى يدخل الموضوع ده ويخوض الوسط ده الالتزام بيتسحب من تحت رجليه (الا نادراا)

المهم

كويس والله ان تامر لقي طريقه الصح

ربنا يثبته ويثبت امثاله ..

وطبعا ا/عمرو خالد ده بالنسبه لى شخص عبقري ما شاء الله عليه

............................

شكرا ليك يا مازن ع الموضوع ..