(وتعاونوا على البر والتقوى) ىموضوع متجدد عن التنسيق إعداد: وجدان حنفي و zika*star

[وجدان حنفي]

نبتدي بملخص لاهم اللي ورد في الجرايد النهاردة

ZIKA*STAR

لكل الجامعيين (بإذن الله ) محدش يسمع اي خبر تاني ، هنا الخلاصة ، وهنا اخر اخبار ومفيش اي جديد هيتقال .

ادت كل التوقعات والتكهنات والتصريحات الى هذه النتيجة :

المؤشرات الأولية للحدود الدنيا للكليات تشير إلي ، انخفاض الحد الأدني للقبول بالكليات بالجامعات الحكومية من‏2‏ إلي‏3%‏ عن العام الماضي‏,‏

والحد الأدني للطب لا يقل عن‏95%,‏

والصيدلة والأسنان من‏92%‏ إلي‏93%,‏

والهندسة من‏89%‏ إلي‏88%,‏

والإعلام من‏93%‏ إلي‏94%,‏

والألسن من‏92%‏ إلي‏93%.

من غير قلق ولا توتر ، نتيجة التنسيق يوم الثلاثاء أ، الأربعاء (بالكتير).
وبعدها يفتح المكتب فترة التحويلات لمدة 48 ساعة . وبعدها خلص الفيلم .

يبقى فاضلنا الدعاء لله سبحانه والتعالى الكريم (ان يتم كرمه علينا بالكلية اللي عايزنها) ، واننا نعمل حاجة اخيرة ، نروح موقعالتنسيق ونفتح رغباتنا نطل عليها ونتأكد ان كل شئ بخير ، ونحمد ربنا ونستنى النتيجة .

واترككم في رعاية الله

جريدة المساء

الطب والهندسة والصيدلة بالجامعات الخاصة .. كاملة العدد
البلك: قبول 26 ألفاً و152 طالباً وفقاً لإمكانيات كل كلية
كتب شوقي الشرقاوي:
بعد موافقة د. هاني هلال وزير التعليم العالي والدولة للبحث العلمي علي تحديد الحد الأدني لنسب القبول بكليات الجامعات الخاصة بتخفيض 5%ق عن العام الماضي .. زاد الإقبال وبصورة كبيرة علي الالتحاق بكليات القمة لدرجة ان بعضها أصبح كامل العدد خاصة الطب البشري وطب الأسنان والصيدلة والهندسة.صرح د. حام البلك أمين مجلس الجامعات الخاصة والأهلية .. بأن الأعداد المقررة بهذه الجامعات 26 ألفاً و152 طالباً وطالبة من الحاصلين علي الثانوية العامة أو ما يعادلها وان الإعداد المقررة بكل كلية سوف تختلف باختلاف إمكاناتها البشرية والمادية من أعضاء هيئة التدريس والمعامل المتخصصة والورش والمدرجات وقاعات المحاضرات بالإضافة إلي مدي توفر الملاعب والمساحات الخضراء وفقاً للضوابط المقررة. جدير بالذكر ان د. هاني هلال وافق علي رأي اللجنة التي قام بتشكيلها لتحديد الحد الأدني بتخفيض 5% عن العام الماضي.

[وجدان حنفي]

ليه التنفيض دة يا ناس 11 مشاهدة بدون اي رد
والله تلاتة حرااااااااام

[وجدان حنفي]

يا اخواننا حد يعبرني
والله خلاص تعبت
يعني بعد 5 سنين ثانوية عامة
اطلع من المولد بلا حمص
والله كتييييير

[وجدان حنفي]

لا ابه الا انت سبحانك اني كنت من الظالمين 33 مشاهد بدون رد واحد يبل الريق او ينشفه حتى
يارب سامحني واغفرلي اللي كنت بعمله في الناس
انا حاسس ان كل حاجة وحشة عملتها في حياتي هتطلع على عيني في التنسيق
يعني اللي كلته بط بط هيطلع وز وز

[Doctor S.E]

انا شايفه ان الموضوع غير منطقي
يعني عمرنا سمعنا عن دوله في العالم كده !!!
لا حول و لا قوه الا بالله

جزاك الله خيرا على الاخبار

[وجدان حنفي]

إلهي ربنا يجبر بخاطرك زي ما جبرتي بخاطري

[محمد(o)]

ربنا معاكى ان شاء الله خير

هى السنه دى مقلوبه ع الكل ربنا يعديها ع خير

ومتزعليش اغلب الناس كدا تقرا ومتردش

فى امان الله اختى وفقك الله لكل خير

[وجدان حنفي]

اللهم اميين يا رب

لكن الى الان لم يؤكد احد الخبر او ينفيه

[mmea555]

طيب باالنسبة للهندسة وحاسبات ايه نظامهم ؟؟

[ZIKA*STAR]

ياعم تهجيس في المهاجيس

يوم واحد (النهارده بالكتير ) وهيطلع الوزير يقوللك تصريح ان الجرائد ربتشتغل نفسها

[وجدان حنفي]

المشاركة الأصلية كتبت بواسطة mmea555

طيب باالنسبة للهندسة وحاسبات ايه نظامهم ؟؟

اخي او اختي الكريمة
ان ما اوردته في موضوعي كان منفولا عن جريدة الجمهورية
ولم يرد ذكر كلية الهندسة او الحاسبات وسائر كليات القطاع الهندسي لا من قريب ولا من بعيد
كما يمكنك مراجعة الرابط في الموضوع لمشاهدة الخبر

غير اني تصفحت صباحا كل من جريدة الاهرام اليومية والاخبار والجمهورية وغيرها لكن دون جدوى
فلم اجد اي اخبااار عن كليات القطاع الهندسي

وحتى اشعار اخر الى اللقاء في خبر جديد

[وجدان حنفي]

المشاركة الأصلية كتبت بواسطة zika*star

ياعم تهجيس في المهاجيس

يوم واحد (النهارده بالكتير ) وهيطلع الوزير يقوللك تصريح ان الجرائد ربتشتغل نفسها

اتمنى ذلك من الله
وليس ذلك على الله بعزيز
بس المشكلة ان الصحفي صاحب المقالة قال نقلا عن هاني هلال(ربنا يسامحه)

[khaledzeama]

الصبر مفتاح الفرج

[elham_hamdy]

دى مصيبة يرفع تنسيق الجامعات ويخفض تنسيق الجامعات الخاصة دة كارثة

[وجدان حنفي]

المشاركة الأصلية كتبت بواسطة khaledzeama

الصبر مفتاح الفرج

آديني صابر على حالي

بس انا صعبان عليا تعبي وشقايا 5 سنين من عمري

يضيعو هدر

بسبب كلمة خرجت من معالي الوزير

يعني انا لسة بقوول الحمد لله خرجت من بين ايدين معالي الوزير أحمد زكي بدر

لقيتني بدخل في مطحنة هاني هلال

يا رب انت الوحيد اللي عالم بحالي . . ألطف بنا يا الله فيما جرت به المقادير