كل ما يخص تنسيق الدبلومات الفنية

[FOX AGE]

المشاركة الأصلية كتبت بواسطة simsim_sad

أنا خلاص جبت آخـــــــري من موضوع النتيجة ده .. الإهمال وعـدم الإكتراث بينا وصل للـ"ركب" .. بقى معقولة لغاية دلوقتي مش عارفين نتيجتنا في المعاهد

وكمان في حاجة تانية ممكن تخليك تطق من الغيظ .. تصور إن وزارة التعليم العالي المصونة قررت -إننا لما ننسـق ونخلَّص التنسيق وكمان هما يخلصوا توزيع الطلاب على الكليات والمعاهد المختلفة- إنهم مش هيعلنوا نتيجة التنسيق وإنما هيفضلوا مكتـمـين عليها لغاية ما امتحانات الدور الثاني تخلص ويخلصوا تنسيق المرحلة الثانية كمان .. وبعدين يعلنوا النتيجة كلها مع بعض في آخر شهر أغسطس !!!!!!!!

طيب ليه كده؟ .. ما تعلنوا نتيجة التنسيق بعد ما تخلصوها على طول؟ .. ليه الركنة دي؟ .. طيب عاملونا زي ثانوية عامة، هو انتوا استنيتوا امتحانات الدور الثاني وتنسيقه علشان تعلنوا نتيجة الدور الأول !! .. حـــرام عليكم حرقة دمنا دي

يا رب ارزقنا الصبر

حسبى الله ونعم الوكيل دا لو حد له ام حجه فى المعاهد او الدبلومات ودعت دعوه صغيره ربنا هيكرم وزير التعليم العالى ووزير التربيه والتعليم اخر كرم هيتظبطو احلى ظبط ازاى يعنى وفيه ظلم كمان ليه يعنى يخلو تنسيقنا كل سنة مرحلة واحده اشمعنى يعنى من حقنا مرحلتين دا حرام ده