البرادعي: البدو أهلنا وأبو فجر ضحية لقمع الحريات

[mrweb]

هو ايه الاهتمام المفاجئ والوطنية الزيادة اللى نزلت عليه مرة واحدة دي ؟
هو اي كلام عبيط ممكن يقوله خلاص بقى عن صدق نية ؟

لا هو دايما كان مهتم بمصر لكن الناس هي التي لا تقرأ. ده خبر مثلا عن تبرعه بجائزة نوبل عام 2005 وقيمتها 1.5 مليون دولار لاعمال الخير في مصر ومنشور في موقع الحزب الوطني اضغط هنا

ثم تعرف ايه عن البدو عشان تدافع عنهم ؟

اعرف عن البدو انهم جزء من شعب مصر, وشارك منهم الكثير في منظمة سيناء وفي المقاومة وقت احتلال اسرائيل لسيناء. فماينفعش يبقى بدو سيناء خونة وتجار مخدرات طول الوقت الى ان يثبت العكس.

[BaNZeR]

المشاركة الأصلية كتبت بواسطة mrweb

لا هو دايما كان مهتم بمصر لكن الناس هي التي لا تقرأ. ده خبر مثلا عن تبرعه بجائزة نوبل عام 2005 وقيمتها 1.5 مليون دولار لاعمال الخير في مصر ومنشور في موقع الحزب الوطني
.

ياما رجال بزنس واعمال اتبرعو باكتر منه
لكن انا بقول ايه مظاهر الاهتمام بيه قبل الفترة دي

عارف لو هو فعلاً كان صادق في اللى بيعمله ومش عايز يتقدم للرئاسة بجد
فانا اعترف انه محق في كل جملة وحكون اول واحد يقف معاه

لكن الكلام الوطني والنضال اللى بيحكي عنه ده
حكى فيه مليون واحد قبل كده وكلها شعارات للمصلحة الخاصة
فهو عايز يقوي جبتهته بأي طريقة
شوية يروح الكنيسة ويقولك اصل دول اقلية ومظلومة وحقوهم منتهكة .. عشان يضمهم في صفو
وشوية يجمع في بتوع المعارضة واحزاب الوفد والغد وينتج شعارات الظلم والاستبداد
وشوية يروح للإخوان ويقولهم إنهم ليهم الحق في تكوين ما يريدون ومحدش ينكر افضالهم ومعرفش ايه
لسه برده الكفة مش قوية
نروح ندور على بدو سيناء ممكن يكون ليهم نفوذ يساعدونا شوية
ونستعطفهم برده بكلمتين خايبين

وشوية حيروح يدور على معرفش مين

لو الناس دول مبتظهرش اهميتهم غير قبل الترشحات الرئاسية !