الاسئلة الجديدة لمواد icdl للعام 2010 متابعة يومية

[ahmedghoname]

المشاركة الأصلية كتبت بواسطة halladba

ازاى اجى ادخل على الموضوع المهم ده القيه فى الصفحة الخامسه

انا الحمد لله خلصت انهاردة امتحانات icdl

و الحقيقه الموضوع ده من اهم الموضوعات اللى استفدت منها جدا

و فرق معايا فى الامتحانات و تحقيق اعلى الدرجات

الموضوع ده اعتقد انه يستحق التثبيت و المتابعه من الاعضاء و القائمين عليه

لانه بجد مفيد جدا

المهم انا انهاردة كان اخر امتحاناتى و كنت بمتحن اكسس

و الحمد لله نجحت و جبت 92%

لكن فوجئت انا و كان معايا اتين صحابى بسؤالين لاول مرة نشوفهم

و كانو موجودين فى النموذج بتاعى و بتعهم .. مع اختلاف النماذج

السؤال الاول كان نظرى اختيارى و بيطلب اختيار تعريف الداتا بيس ؟

و الحقيقه مش فاكر الاختيارات ولا عارف حتى الاختيار الصح

و السؤال الثانى كان بيطلب اختيار انسب خليه لتكون هى البريمرى كاى ؟

و كان فيه طبعا صورة جدول فيها مجوعة خلايا

انا كنت متعود بختار اللى فيه كلمة id او اوتو نمبر

لكن للاسف مكنش فيهم حاجه فيها id ولا اوتونمبر

ياريت الاستاذ غنيمى او اللى يعرف اجابات الاسئله دى يقولها

عشان اتوقع انها هتكون موجودة فى كل امتحانات الاكسس القادمه

كل الشكر و التقدير الى الاستاذ غنيمى و القائمين على هذا الموضوع

فلولهم بعد الله لما نجحت باعلى الدرجات

جزاكم الله كل خير و حقق لكم ما تتمنوه فى كل خير

السلام عليكم ورحمة الله وبركاته
اولا :
اشكر سيادتك كثيرا على اهتمامك وزيارتك لنا حتى بعد انتهائك من الامتحانات وهذا امر اسعدنى كثيرا لانه مثال للتعاون وعدم الانانية وهذا هدفى الاساسى من هذا الموضوع ... واضم صوتى لصوتك فى دعوة السادة الافاضل القائمين على هذا المنتدى بتثبيت الموضوع للاستفادة واتعهد بمضاعفة اهتمامى بهذا الموضوع لتعم الفائدة .....
ثانيا :
حرد على اسئلة سيادتك ....

1- سؤال افضل حقل مناسب لان يكون مفتاح اساسى هو من اهم الاسئلة فى الاكسس التى تتطلب فهم وليس حفظ ولذلك فلن ارفق السؤال فى الموضوع لكن ساوضحه لك ليعم الفهم ....
الارقام هى افضل نوع على الاطلاق ليصبح مفتاح اساسى وذلك لانها تتميز بانها دائما مختلفة ولا تتشابه مطلقا عكس الانواع الاخرى مثل النصوص والعملات وغيره .
لذلك لكى تجب على هذا السؤال انظر الى عمود data type و اختر حقل نوعه ارقام سؤاء ارقام فقط او ترقيم تلقائى .
ملحوظة هامة : ان لم يوجد فى عمود النوع رقم اختر حقل يحمل نوع تاريخ فهو الذى يليه فى المرتبة الثانية ( سؤال اكسيس فعلا موجود فى الاختبارات الان للمتميزين وذوى الصفرين اقصد 100% )
2- اما عن سؤال تعريفات مكونات قاعدة البيانات فقد ارفقته لكم فى هذا الموضوع

منتظر ملاحظاتكم وراى السادة المدربين
اخوكم / احمد غنيم
مدرب icdl و برمجة على قد حاله - محافظة البحيرة و كفر الشيخ