كل ما يخص تنسيق الدبلومات الفنية (بدأ التنسيق ) بالتوفيق

[Bellsh]

يا جماعه انا عندى استفسار مهم جدا

انا ساكن فى محافظة القاهره وانا دبلوم صنايع خمس سنوات فنى اول ... كتبت رغباتى الاوليه كالاتى

1- هندسة القاهره
2- حلوان
3- عين شمس
4- المطريه
5- شبرا

هل هذا الترتيب صحيح بالنسبه للتوزيع الجغرافى ؟ وبعدين احنا بيتم ازاى اختيار برنامج التنسيق للكليه ؟ هل هو بيعتمد على المجموع بس ولا الكمبيوتر بيشوف الرغبات كلها ويحدد ازاى انا مش فاهم

وبعدين يا جماعه انا عاوز اعرف موضوع تقليل الاغتراب ده بيبقى ازاى ؟

وانا بعد ما كتبت كليات الهندسه كلها كتبت التربيه وبعد كده مش عارف اكتب ايه

يعنى فى حاجه اسمها تربيه نوعيه ؟ دى كليه حلوه ولا تعبانه وبيدرسوا فيها ايه ؟ وبرضو كليه التعليم الصناعى دى ايه ظروفها ؟

[الأستاذة أم شاهندة]

المشاركة الأصلية كتبت بواسطة bellsh

يا جماعه انا عندى استفسار مهم جدا

انا ساكن فى محافظة القاهره وانا دبلوم صنايع خمس سنوات فنى اول ... كتبت رغباتى الاوليه كالاتى

1- هندسة القاهره
2- حلوان
3- عين شمس
4- المطريه
5- شبرا

هل هذا الترتيب صحيح بالنسبه للتوزيع الجغرافى ؟

عند عمل خطأ بالتوزيع الجغرافى تظهر لك رسالة أن ما فعلته خطأ إن لم تظهر هذه الرسالة إذن إختيارك صحيح


وبعدين احنا بيتم ازاى اختيار برنامج التنسيق للكليه ؟ هل هو بيعتمد على المجموع بس ولا الكمبيوتر بيشوف الرغبات كلها ويحدد ازاى انا مش فاهم
المجموع والتخصص والكمبيوتر بيظهر لكل واحد ما يمكنه الاختيار منه حسب مجموعه وتخصصه

وبعدين يا جماعه انا عاوز اعرف موضوع تقليل الاغتراب ده بيبقى ازاى ؟


إفرض أنك دخلت مثلاً هندسة إسكندرية
فتطلب النقل لهندسة القاهرة بإعتبارها محافظتك الأصلية وده اسمه تقليل إغتراب
حتى لا تتغرب عن العائلة

وانا بعد ما كتبت كليات الهندسه كلها كتبت التربيه وبعد كده مش عارف اكتب ايه
إختار مما يظهر لك لأنك لازم تسجل كل الرغبات
إبدأ بما تحب فالأقل فالأقل

يعنى فى حاجه اسمها تربيه نوعيه ؟ دى كليه حلوه ولا تعبانه وبيدرسوا فيها ايه ؟
تربية نوعية أقسام منها تربية فنية ومنها موسيقية ومنها إقتصاد منزلى
والخريج منها يعمل بالتدريس فى هذه المواد
وبرضو كليه التعليم الصناعى دى ايه ظروفها ؟
الجزء ده لا أعلمه صراحة

بالتوفيق
وربنا معاكم جميعاً

[Bellsh]

المشاركة الأصلية كتبت بواسطة الأستاذة أم شاهندة

بالتوفيق
وربنا معاكم جميعاً

اولا بشكر حضرتك جدا جدا يا استاذتنا الغاليه وربنا يجعلك سبب فى فرحتنا الكبيره ان شاء الله عشان انتى بجد بتتعبى معانا جامد اوى ربنا يجعله فى ميزان حسناتك ان شاء الله

بس انا ليه كمان شويه استفسارات

يعنى مثلا حضرتك ذكرتى ان الكمبيوتر بيطلعلى رساله خطأ لو انا كتبت حاجه غلط فى التوزيع الجغرافى . طيب انا دلوقتى ظهرلى كليات أ - ب - ج ولما قريت شروط التوزيع الجغرافى طبعا حطيت كليات (أ) كلها الاول وبعدين دخلت على (ب) لقيتها هندسة الفيوم هيه الوحيده الى تقع تحت نطاق (ب) ماحطيتهاش كرغبه بعد كده دخلت بقى على القطاع (ج) ورصيت كل كليات الهندسى الى تتبعه ....

هنا بقى السؤال : الكمبيوتر لما هيجى يختار مثلا ولقانى لا قدر الله مجموعى مش جايبلى اى حاجه من المجموعه ( أ ) هيخش طبعا على المجموعه (ب) وانا مش كاتبها فهل هيروح داخل على المجموعه ( ج) على طول ويختارلى منها ولا هيخش على كليه تانيه زى تربيه ويوشف توزيعها الجغرافى قريب فيخترهالى ؟ انا خايف يعمل كده لانى نفسى فى هندسة حتى لو فى السودان

السؤال الثانى : هو انا ينفع احول من كليه جبهالى التنسيق مثلا هندسة قنا وانا عاوز ارجع القاهره ومجموعى مش جايب القاهره هل ينفع احول وهل ينفع اعمل تقليل الاغتراب ولا هو شرط المجموع ؟

[الأستاذة أم شاهندة]

المشاركة الأصلية كتبت بواسطة bellsh

..

هنا بقى السؤال : الكمبيوتر لما هيجى يختار مثلا ولقانى لا قدر الله مجموعى مش جايبلى اى حاجه من المجموعه ( أ ) هيخش طبعا على المجموعه (ب) وانا مش كاتبها فهل هيروح داخل على المجموعه ( ج) على طول ويختارلى منها ولا هيخش على كليه تانيه زى تربيه ويوشف توزيعها الجغرافى قريب فيخترهالى ؟ انا خايف يعمل كده لانى نفسى فى هندسة حتى لو فى السودان


لا بيدخل على الرغبات المكتوبة
يعنى يدخل على ج مش يروح كلية تانية
ولإن شاء الله حتدخل هندسة محافظتك

السؤال الثانى : هو انا ينفع احول من كليه جبهالى التنسيق مثلا هندسة قنا وانا عاوز ارجع القاهره ومجموعى مش جايب القاهره هل ينفع احول وهل ينفع اعمل تقليل الاغتراب ولا هو شرط المجموع ؟

ينفع طبعاً لو أنت عايش فى القاهرة
وجالك هندسة قنا مثلاً
هو ده تقليل الاغتراب
بدل ما يغربك عن أهلك وأسرتك تحول لنفس الكلية فى جامعة محافظتك
حتى لو مجموعها أعلى منك شوية (بس شوية صغيرين مش شوية كتير يعنى هههههههه)



وعرفت طبعاً ليه هندسة وتعدين السويس مش فيها توزيع جغرافى أنا جاوبت إسلام على نفس السؤال من شوية