فى رايك ما الافضل كتب الوزراة ام الكتب الخارجيه؟

[ahmed ali12345]

بصوا بقى انا من رأيى ان الاتنين مفيدين بالنسبة للطالب ( ياسلام)
بس مش معنى ذلك ان الاتنين زى بعض بالظبط
لا فى ناس مش بتحب تذاكر من الملخصات وبتذاكر من الكتب وفيه ناس غير كدة خالص (طيب كويس ....اللى بعده)
بس لا ده حلو ولا ده حلو ( امال ايه بس انت هتغلبنا ليه)
الاحسن انك تذاكر من كل حاجة لان الملخصات فيها مزايا كتير وهى انها بتشرح شرح وافى جداااااا واسئلة كتيرة وكويسة وكله تمام (عارفين والله مجبتش حاجة من عندك)
والكتاب بردو كويس فى الاسئلة وفيه حاجات لازم تذاكرها من الكتاب زى القصة فى الانجليزى لانك ممكن تذاكر من كذا كتاب خارجى وتحل اسئلة كتييييييييييرة اوى وبعدين تلاقى اسئلة تحس انها غريبة عليك ومشفتهاش قبل كدة
لا بس لو كنت ذاكرت من القصة الاصلية كنت هتعرف تحلها ( طيب وبعدين فى الرغى ده)
المهم بقى ( صبرنا يا رب)
لو انتوا عايزين اختيار واحد بس يبقى الملخصات ( اخيرا دنتا زهقتنا )

بس ده لا يغنى من الكتاب بردو زى ما قلتلكوا ( والله اقوم افتح دماغك)

يعنى لو عايزين تتفوقوا يبقى ذاكروا من كل حاجة ومتسبوش حاجة ( اممممممممم)
افهموا كويس ..... احفظوا كويس.........حلو كتير........راجعوا كذا مرة ........خليك واثق من نفسك
بس كدة كفاية رغى كتير منى .....دنا شكلى كدة وجعت دماغكوا
يلا سلام
عايزين الموضوع ده الكل يكتب فيه مش بس فى الكتب وبس لا فى كل حاجة خاصة بالتعليم دا بعد اذن صاحب الموضوع طبعا
سلام