سياسه تفطيس العلم

[عمرو المهدى]

المشاركة الأصلية كتبت بواسطة جارةالوادى

على رايك اهو كله وقت وبيعدى واحنا زى مااحنا عموما انا ليا رايى هو مثالى شوية بس انا شايفة ان حق ربنا اننا مندخلش التلميذ طرف فى الموضوع يعنى مش على اد فلوسهم زى موظفين الحكومة اللى موقفين حالنا فى كل المصالح بيعملو اهو برضو مش على اد تثبيتهم وبعدين الاية الكريمة بتقول (ومن يتق الله يجعل له مخرجا ويرزقه من حيث لايحتسب )صدق الله العظيم
نتق الله ياجماعة عشان يبارك فى رزقنا القليل ويستجاب لدعواتنا
وعموما وقفتنا قربت يارب كلنا نبقى على مستوى تعبنا وشكوانا وقرفنا من اوضاعنا وسخطنا على حالنا وكلنا نبقى ايد واحدة

كلامك جميل جدا الحقيقه
بس بصراحه سياسه الحكومه بتاعتنا الغير حكيمه هتوصلنا للنتيجه اللى كلنا خايفين منها دى
المفروض على أى مسئول بيفهم إنه يقدر حاجه زى كده فى باله ويعمل حسابها
إنما تقولى لميييييييييييييين
دول ناس كل همهم إزاى يجمعوا أكبر قدر من الفلوس
ويصيفوا على أى شاطىء أجنبى ؟
وإزاى يبتكروا طرق للنصب على الدوله وإستنزاف أموالها
بقى بالزمه دى بلد اللى الوزراء فيها لو كل واحد طلع فلوسه وقعد ياكل فيها طول عمره مستحيل إنها تخلص
يروحوا يتعالجوا على نفقه الدوله
واحد زى بطرس غالى اللى من أغنى عائلات مصر يعالج عينه على نفقه الدوله
ولا حاتم الجبلى يعالج مراته على نفقه الدوله
ولا أحمد نظيف يعالج أسنانه على حسااااااب الدوله علشان يعجب العروسه الجديده
وطبعا بعد الفساد ده كله أكيد النتيجه هيشيلها التلميذ لأن المدرس خلاص جاله حاله إحباط عام من الدوله
إرحمنا يا رب