ايه الحظ ده

[Golden Eagle]

نفس المحللين دول كان كلامهم إمبارح وحش و كانوا متحيزين للأهلي
و الحكام اللي كانوا بيحللوا دول كانوا من فترة هم الحكام اللي بتدي الأهلي البطولات
القصة مش قصة الصح و الغلط القصة قصة أنا عايز أصدق إيه
هي كدا كدا هدف و الحمد لله إن مش الأهلي اللي جايب الحكم ( و إن كانت غريبة واحد يطلب حكام أجانب للماتشات اللي برا ملعبه بس ....... معني كدا إن حكامنا علي ملعبه كويسين و برا وحشين ؟؟؟ )
بس المهم الكورة رسميا ً من حكم أجنبي مش الأهلي اللي جابه إتحسبت هدف
و لولا رعونة اللاعيبة كان الأهلي كسب بس ربنا مش كاتب الفوز للأهلي
طبعا ً بدريولا لو كان عايز يكسب الماتش كان ساب فضل و حط جنبه طلعت أو حسني و يطلع بركات
لكن البيه عايز يعد أسامة حسني لماتش الشبيبة
و الله أنا بحمد ربنا إن وليد سليمان ما جاش الأهلي لأنه كان ممكن الجهبذ يوقفه قلب دفاع بدل أحمد السيد ( أصله بيخاف من وائل )