دخلتوها ليه لما انتو قرفانين منها ...... ارجو التثبيت بجد

[dr.taz]

شوفى حضرتك حكايه القرف من الكليه والكلام الكتير الى انتى بتقوليه دا مش بينطبق على كل الى داخل بيطرى دى قله قليله جدا والناس دى بيبقى هدفها لما تخلص من الكليه تشتغل بعيد عن المجال بتاعنا مثل العمل فى شركات الادويه كمندوب وانا سامع انها شغلانه مرتاباتها عاليه وبيدوهم عربيات وكدا
لكن مع احترامى للى بيختار المجال دا .الطبيب البيطرى مابيقعدش يدرس خمس سنين وعملى ونظرى ودراسه مرهقه جداجداجدا
وفى الاخر يروح يشتغل مندوب
ومع احترامى لحضرتك كاتبه الموضوع .اللى لسا داخلين الكليه جديد بيبقو زعلانين (ودا حقهم )علشان مايعرفوش ايه هو الدكتور البيطرى ولا دوره اللى بيقوم بيه فى المجتمع وكل اللى بيفكر فيه انه قعد طوووووووول الثانويه العامه يزاكر ويسهر ويجيب فى كتب وملخصات .وربنا يوفقه فى الاخر ويجيب 95%
وتلاقى مكتب التنسيق الموقر يبعت له مبرررررررروك علييييك كليه الطب البيطرى .اول حاجه بتيجى فى دماغه .انا بقيت دكتور حمير
ويسلام لو كان ابن طنط دولت (اللى هو ابن الجيران )دخل طب بشرى .ليه حق فى كل اللى هيعمله واللى هيقوله على الكليه وممكن يتعقد ويحول اى كليه تانيه بعيد عننا ذى ما حضرتك اشارتى

بس انا عايز اقول لك حاجه ان كليه الطب البيطرى فى البلاد الاوربيه هى الكليه رقم واحد ييجى بعدها الحقوق وبعدهم بقى الطب البشرى .واعجبتنى مقوله قالها احد اكبر الاقتصادين فى العالم قال(يمكنك ان تقيس مقدار التقدم الاقتصادى فى اى بلد بمكانه الطبيب البيطرى فيها )
فيا اختى لا تحزنى انك فى بيطرى انها من كليات القمه
اسف جدا على الاطاله .................................................. ...

[طالبة ولكن]

المشاركة الأصلية كتبت بواسطة dr.taz

فيا اختى لا تحزنى انك فى بيطرى انها من كليات القمه
.................................................. ...

كلام جميل ولكن ادهشتني العبارة الاخييييرة

صدمت


وهل انا حزينة مثلا ؟؟

ربما كنت كذلك و لكني لما شغلت دماغي

عقلت

والا ما كنتش ادخلها

ومش اقعد اقلل منها ومن احترامها

قدام نفسي اولا

ثانيا قدام الناس اللي بره

يقولوا علينا ايه

واذا كنا احنا اللى الدكاترة

اللي فيها بنقول عنها كده




شكرا للمرور