جامعة الفيوم تقرر منع المنتقبات من التدريس

[بلال نصر]

المشاركة الأصلية كتبت بواسطة هانى الشرقاوى

ده اللى المفروض يحصل فى كل الجامعات
أنا عن نفسى مبعرفشى اتواصل ولا أتكلم حتى مع أى ست منقبة
ليلة امباراح كنت ماشى فى الشارع لقيت اتنين ستات منقبات بينادوا عليا
وازيك ياحمادة ؟؟ عامل ايه ؟؟؟ انت جيت امتى ؟؟؟
وازى ماما ؟؟؟ويابا ؟؟
وأنا ولا أعرف مين دول أصلا

عشان ما أخرجشى عن الخبر
الموضوع ده بالنسبة لى قرار مهم جدا
أنا كطالب مقدرش أستوعب من واحدة واقفة وراء جبل وعمالة تتكلم وانا مش فاهم اذا كانت بتضحك ولا مدايقة ولا ظروفها ايه بالظبط
صعب على أوى الحكاية
أول حاجة فى التواصل مع اللى حواليك انك تشوفه ويشوفك
تشوف ردود فعله اللى طبعا بتبقى واضحة على وجه كل إنسان

وطالما هلى فرضت على نفسها العزلة ( وده حقها )
يبقى أنا كمان من حقى ك طالب انى أخد حقى .....وهو منعها من التدريس لى وهى بالشكل ده

ده وجهة نظر حضرتك بس مينفعش تقول أن ده هو المفروض يحصل ومش من حق أى شخص إنه يمنع شخص آخر من التدريس بسبب لبسه إلا إذا كان لبسه هذا يتسبب فى إحداث إساءة لأى شخص وده طبعا مش فى النقاب.

نرجع لكلامك عن ضرورة وجود تواصل بين المعلم والمتعلم أولا أنا من رأيى لا يصح أن راجل يدرس لبنات وسيدة تدرس لرجال خاصة فى مرحلة الثانوية والجامعة .

طيب قدر ربنا وأصبح هناك سيدة تدرس لشباب هل من الأصح أن تظهر وجهها لهم من رأيى الوجه فى حد ذاته فتنة فما بالك بالمدرسات التى ترتدى الملابس الضيقة لتجسم صدرها وسائر جسمها بالله عليك لو مدرسة او دكتورة بتدرسلك وهى كده انتباهك وتركيزك هيروح فين .........

اذا الافضل انها تحمى نفسها وتحميك من فتنة الشهوات .

وأسأل الله أن يثبت الملتزمين على التزامهم ولا يجعل فتنتهم فى دينهم.

[هانى الشرقاوى]

المشاركة الأصلية كتبت بواسطة بلال نصر

ده وجهة نظر حضرتك بس مينفعش تقول أن ده هو المفروض يحصل ومش من حق أى شخص إنه يمنع شخص آخر من التدريس بسبب لبسه إلا إذا كان لبسه هذا يتسبب فى إحداث إساءة لأى شخص وده طبعا مش فى النقاب.

نرجع لكلامك عن ضرورة وجود تواصل بين المعلم والمتعلم أولا أنا من رأيى لا يصح أن راجل يدرس لبنات وسيدة تدرس لرجال خاصة فى مرحلة الثانوية والجامعة .

طيب قدر ربنا وأصبح هناك سيدة تدرس لشباب هل من الأصح أن تظهر وجهها لهم من رأيى الوجه فى حد ذاته فتنة فما بالك بالمدرسات التى ترتدى الملابس الضيقة لتجسم صدرها وسائر جسمها بالله عليك لو مدرسة او دكتورة بتدرسلك وهى كده انتباهك وتركيزك هيروح فين .........

اذا الافضل انها تحمى نفسها وتحميك من فتنة الشهوات .

وأسأل الله أن يثبت الملتزمين على التزامهم ولا يجعل فتنتهم فى دينهم.

ده صحيح
انا أعبر عن وجهة نظرى فقط
ولو رجعت لردى هتلاقى ده واضح أوى
شوف حرف الكاف كان كام مرة
وكلمة عن كانت كام مرة ؟؟

ثم منطقى أن هناك دائما خطأ فى التعميم

حضرتك بتقول انه مينفشى رجل يدرس لبنات والعكس
انت بكلامك ده بتعزل شطرى الكون عن بعض
وبتفرض العزلة على المجتمع ويصبح المجتمع الواحد مجتمعان
ثم أعتقد ان الحياة لو بالمنظر ده هتتوقف أصلا
الإختلاط مظهر مهم من مظاهر الحياة ... يا ريت كلامى يتفهم صح ...

يا الهى الوجه فتنة ؟
ازاى ده

هو احنا ليه دايما بنصور المرأة ....سواء بقصد أو من غير قصد ...على انها كائن جنسى شهوانى يدفع دائما للمعصية