عذاب × عذاب

[sympathique]

المشاركة الأصلية كتبت بواسطة توووتة

عذاب عذاب عذاب..

حياتنا بقت عذاب..

وبنشكى كل لحظة..

رجالة أو شباب..

رغيف العيش تاعبنا..

وياما عليه تعبنا..

لما حاسين كإنه..

عالى فوق السحاب..

والأسعار غالية نار..

وساقيانا المرار..

اللحمة يومين تلاتة..

وتتباع بالدولار..

والعدس كمان شوية..

يبقى أغلى من الكباب..

ولا سعر الملابس..

ومصاريف المدارس..

غالية جداً وخلّت..

عقل الخلق غاب..

فيه ناس ما يهمهاش..

علشان عايشة ببلاش..

تبيع دم الغلابة..

وتقبض تمنه كاش..

والغلبان بس هو..

اللى يكح التراب..

أنا نفسى يابن بلدى..

تعامل يوم ضميرك..

وتحكّم مرة عقلك..

وتبص فى يوم لغيرك..

علشان يرضى عنك..

ربك يوم الحساب.

بصراحة كلام معبر جدا عن كل حاجة بتحصل فى البلد بطريقة مباشرة او غير مباشرة