عاوزين التعليم يطور ........ .... ؟

[basmet el rabi3]

المشاركة الأصلية كتبت بواسطة free love

و كل دا بيقلل من قيمه المدرس امام الطالب لان الطالب بيبصله علي اساس واحد شغال عنده بيقبض 100 ج و الطالب دا ممكن بياخد ال 100 ج دي في اسبوعين

للأسف الزمن اللى احنا فيه ده زمن المادة و فى ناس بتقيم الناس التانية بمعيار الفلوس و ده معيار وهمى و مش مظبوط . و المعيار الحقيقى هو العلم و المعرفة و الأخلاق , يعنى ببساطة الإنسان ده بيفهم و بيعرف قد إيه , و معاملته مع الناس شكلها إيه . الطالب اللى بيقلل من قيمة مدرسه ده يبقى طالب اهله ما فهـِّمهوش الدنيا صح . احترام الكبير حتى لو اخطأ ده شئ أساسى , و ضرورى نفتكر إن حييجى علينا يوم نكبر فيه و حنلاقى الشباب الأصغر منا بيعاملونا زى ما كنا إحنا بنعامل الأكبر منا و احنا صغيرين . " يابن آدم كما تدين تـُدان " .
حافكركم بقصة الحسن و الحسين و الدرس اللى نتعلمه منها فى ضرورة احترام الأكبر منا :
دخل الحسن والحسين ليتوضئا وأثناء الوضوء لمحا رجلاً كبيراً لا يحسن الوضوء ، ففكرا كيف يعلمانه الوضوء الصحيح من غير أن يؤذياه ويحرجاه واستعانا بالله فهداهما إلى طريقة حكيمة .
فقال الحسن وهو الأكبر : يا عماه لقد اختلفت أنا وأخى الحسين على الوضوء ونريد أن تحكم بيننا .
فقبل الرجل الكبير فتوضأ الحسين فأحسن الوضوء ثم توضأ الحسن فأحسن الوضوء ، فأدرك الرجل أنه هو الذى لا يحسن الوضوء , فشكر لهما نصحهما الجميل وأدبهما معه وتعلم منهما الوضوء الصحيح ودعا لهما .