كلية التربية _جامعة طنطا _ دبلوم خاص _ شعبة تربية مقارنة

[عبدالله الفضلي]

العزيز حسام مقلد ..لك وحشة كبيرة..والمنتدى يفتقد وجودك ..نتمنى استمرارك معنا ..أخا وصديقا ..إن لم تكن طالبا معنا..

[ابراهيم زناتي]

الاخ العزيز حسام مقلد فرحت جدا بالاطمئنان عليك وألف مبروك النجاح في icdl وعقبال كل ماتتمني وربنا يوفق أولادك ويصرف عنهم الاوجاع ويرزقك الزوجة الصالحة التي تتمني...... وألف شكر علي كتاب الاحصاء ...وإن شاء الله تعالي تلحق بنا في الدراسة ونتمني أن نراك بخير إن شاء الله تعالي............................................. .......

[m_adel_143]

لعمل الجدول التكراري ..هل استطيع الأخذ بأقل درجة وفرض نصفها كــ طول للمجموعة ؟؟

ليس شرط ان تقوم باخذ نصف الحد الادني للدرجات اي نصف العدد 12
لانه مثلا لو كانت اقل درجة 11 لو فرضت طول المجموعة نصفه سوف يكون 5.5 ودي هتعملك مشكلة في الجدول وانت بتقسم المجموعات لانها هتبقي كسور .... والأفضل ان يكون طول المجموعة عدد صحيح



والسؤال الثاني ..فقد وضعت في الجدول صفحة 2 أمام رقم 12 تكرار 6
وأمام 18 تكرار 5

فعلى أي أساس أضع 5 أمام 18 ؟؟ والأمر يسري على باقي الأرقام الأخرى ؟؟

وعلى أي أساس يتم اختيار الأرقام في الخانة الأولى ؟؟ 12/18 / 24 ..الخ


بص حبيبي

اولا الدرجات اللي عندي كلها من اقل درجة اللي هي 12 الي الدرجة النهائية الي هي 60 عايزين نقسمها الي مجموعات كل مجموعة تضم 6 درجات مثلا ( وده رقم اختياري زي ماقلنا )

فتكون المجموعة الاولي من 12- 18
والمجموعة الثانية من 18-24
والثالثة من 24-30
والرابعة من 30-36
والخامسة من 36-42
والسادسة من 42-48
والسابعة من 48-54
والثامنة من 54-60

وبكده اكون قسمت الدرجات الي مجموعات متساوية في الطول كل منها طولها 6 درجات

ولا حظ ان المجموعة الاخيرة طولها برده 6 درجات وتنتهي بالدرجة النهائية
يعني مينفعش تنتهي بدرجة اكبر من 60

فالخلاصة التقسيم ده اختياري انت بتختار طول المجموعة براحتك مش اجباري


اما عن العلامات والتكرار ليه 6 مع 12

فانت بترجع للدرجات اللي في المسألة وتشوف كل درجة تقابلك تحط في المجموعة التي تنتمي اليها علامة

مثلا اول درجة في السؤال اللي هي 18 تنتمي الي المجموعة التانية 18-24 فنضع علامة امامها في خانة العلامات

ثاني درجة وهي 14 تنتمي للمجموعة الاولي وهي 12-18 فنضع علامة امامها في خانة العلامات

ثالث درجة وهي 25 تنتمي للمجموعة الثالثة 24-30 فنضع علامة امامها في خانة العلامات

وفي النهاية نقوم بجمع العلامات ونضعها في خانة التكرار

ولاحظ ان التكرار دايما مجموعه في النهاية اسفل الجدول بيكون هو نفس عدد الطلاب الي في المسألة
يعني مجموع التكرارات هو 40 وعدد الطلاب = 40 ايضاً

وهذا دليل علي صحة الحل .. اما اذا اختلفا فان الحل غير صحيح ولا بد من مراجعته


وشكرا..أستاذنا

الشكر لله استاذ عبد الله
انتم اللي اساتذتي واحبائي


اي اوامر ياغالي وانا تحت امرك في اي وقت وانت معاك رقم موبيلي لو محتاج اي حاجة في اي وقت

وان شاء الله هرفعلكم كمان امثلة عشان الناس تستفيد اكتر
وهيكون فيها اكتر من جدول تكراري عشان تعرفوا بيتعمل ازاي

وتدربوا عليه كمان بتدريبات ليكم زي تطبيق علي الكلام ده ان شاء الله

بس ادوني شوية وقت صغيرين بس .. مش هغيب عليكم


دعواتكم لينا