مسأئل جامدة يعنى معاك قلمك والاله الحاسبه وكونتينر شاى وركز معايا

[ArabianPDA]

المشاركة الأصلية كتبت بواسطة CAn u see me

هديكوا شوية مسائل تفكروا فيها لحد باليل
1- افترض إنك اخترعت بدلة فضاء بحيث يبقى في الوش الزجاج فتحة على قد شفاطة تقدر تشرب منها ، و طلعت على القمر و انتا لابس البدلة و معاك كوباية مياه عادية زي اللي بتشرب فيها في البيت قول مثلاً مملية للتلات تربع و جيت تشرب من الشفاطة يا ترى الشرب من الشفاطة على القمر بالنسبة للأرض أسهل ولا أصعب ولا بنفس الصعوبة ولا مستحيل علماً بأن عجلية الجاذبية على القمر تساوي سدس عجلية الجاذبية على الأرض
2-كوباية مياه فيها مياه عليها مكعب الثلج سيبناها فترة لحد ما المكعب ساح ، بعد ما المكعب ما يسيح هيبقى ارتفاع المياه أكبر من ولا أصغر من ولا يساوي ارتفاع المياه قبل ما الكعب مايسيح
3- عندنا تفاحة في كوباية مياه فيها مياه ، جينا و غمرنا تحت سطح المياه بالظبط و دوسنا بصباعنا عشان ماتطفوش ، و بعد غمرنها تحت عمق أكبر من المياه و دوسنا عليها بصباعنا عشان ماتطفوش ، يا ترى القوة اللي هنثبت بيها التفاحة تحت المياه بالظبط أكبر من ولا أصغر من ولا تساوي القوة اللي هنثبتها بيها تحت عمق من المياه؟

اديييييييييييييييييييني
1هو علميا صعب جدا بل مستحيل
لان اصلا الميه هتتاثر بالانعدام ف الجاذبيه وهتخرج بره الكوبايه


وبعدين ازى يبقي في بقك فتحه فى الفضاء فهمني دي مهو الفراغ هيموتك لازم تبقي الكوبايه مقفوله باحكام علي الشفاطه
(لو انت قصدك كده قولي عشان اغير الاجابه انا جاوبت على انها مفتوحه)

2.السؤال غلط جدا فى صيغته والاجابه انه هيظل ثابت
لان الثلج بيتكون من اشكل هندسيه سداسيه بيبقي فيها مسافات بينينه كبيره فبتزود الvol ولان الماده لا تفني ولا تستحدث من العدم يبقي m ثابت والحجم ثابت بنسبه تقريبيه بعد الانصهار =نفس الارتفاع (تقريييييييييييييييييييييباااااااااااااااااا)

السؤال غلط لانه لم يهمل نسبه البخر (ودي كارثه) لانه ساعتها هيقل لو حسب البخر بخاصه انه لو كان كبير

3.مش فاهم حاجه ياريت توضح ازاي دوسنا عليها والحاجات دي وازاي اكر من عمق الماء؟؟
في كوبايه