|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
17-09-2010, 02:41 PM
|
|||
|
|||
هلِّت
هلِّت زى هلال العيد
ما خَلِت حتة ف روحى إلا وحلِّت فيها حياه رَسمت خط لنور الشمس بتمشى عليه رَشِت عِطرها عَطَر كل فراغ الروح واتسَطَر بين تجاعيد أيام مخنوقة كلام مستنى ينام شوقِك جَوايا ويحلم يِرجع تانى ف حُضن افكار مالهاش تفسير ولا ليل قال يرحل ولا عِطر يِبخَّر كُل عُروش الجان ف زمان مِتبَخَّر مش حافظ غير تعاويذ بالاقينى باقولها كتير لما باشوفِك واسكر ألمس كل حروف الهم الدايبة ما بين كُراس الحُزن النايم بين أضلاعى وبين مَحبَرتى الدايبة كلام تِنده على حُراس القلب وتِسحِر كُونهم تِفتح بينهُم طاقة تطل عليا بنسمة وترسم بسمة تِلون حلمى الواقف وسط أحلام الليل مشتاق تأويل وتِغيَّر لون الزُرقة المالية بحور الكون للألوان الطيف وتِبدل كل حكاوى الخوف النايمة ف صدر الطفل الساكن بين جدران الروح مشتاق للحلم اللى موَديه لقصور الحُور واللى بيهديه من شر وساوس خَلق الله وبيبدر خير يِفرح وينام فَ احضان الوقت اللى ماهوش وقت والاقينى اشتقت انى اكون بين الحلم أمير والاقينى بَغير من أى نسيم بيسلم وقت عصارى نهار مشتاق تسليم والاقينى "حليم" طاير وباغنى "فوق الشوق" ومسَلِم قلبى بدون مفاتيح على حِسب الريح ماتروح بيروح يِرجع مجروح وعنيكى تِداوى أرجع واخدانى عيونك جُوَّه بحور مافيهاش مشاوير مش شايف فيها أى دليل عن إنى قَريب وارتاح وانا واقف جُوَّه أفكارِك لما تِحِسى بحاجه لدمعة تِسيل على خَد الليل من غير تضليل والاقينى ف حلم جميل بيمد دراعه عشان مايطول فراشات الروح الدايخة مابين دُّخان الوهم وبين رياحينك مشنوقة قصيدتى ف باب دواوينك والحرف عليل مين قال لعيونك تفتح باب الأسر وترمى حياتى ف بير؟ وانا مش يوسف علشان ما تجينى السيَّارة أطلع م الجُب أرجع بسلام مش عايز منك أى كلام ولا عايزك تقرى حروف الخوف اللى مسافرة جُوَّة الشُريان أنا عايزك بس تجاوبى سؤال هَربان جُوايا بقالوا سنين محتاج لجواب " ليه لما باشوفك وباقرب .... بالقاكى بعيد؟ 
|
|
#2
17-09-2010, 05:15 PM
|
||||
|
||||
|
شاعرنا الكبير
دٌمت ودام إبداعك ودامت كلماتك تنير لنا دروبنا فى بحور الشعر تقبل مرورى ،،،،،
__________________
عندما تنتحر الحريات تعجز الديمقراطية عن عمل عزاء للشرف .
|
|
#3
17-09-2010, 07:11 PM
|
||||
|
||||
|
اقتباس:
قصيدة جميلة جدا صورها رائعة رسمت كلماتها كألوان طيف الشمس وطرزت احلامها بالاشواق والخوف والاوهام وختمتها بالصبر وعايز جواب لسؤالك اللي محيرك سنين يا لصبرك ! بجد انا الاقي صعوبة كبيرة بالتعليق على قصيدة كروعة قصيدتك كلماتي تعجز وتقف منحنية امام روعة كلماتك وجمال الصور اللي فيها ديما متألق ومبدع تقبل تحياتي
|
|
#4
18-09-2010, 08:23 AM
|
|||
|
|||
|
اقتباس:
|
|
#5
19-09-2010, 08:12 AM
|
|||
|
|||
|
اقتباس:
كلامك ومشاعرك النبيلة أضحت للنص نوراً وللنور بهاءاً وللكلمات رونقاً دمتِ بخير وسعادة دائمين
|
|
#6
01-10-2010, 01:50 PM
|
|||
|
|||
|
هلت زى هلال العيد
|
|
#8
26-11-2010, 07:29 AM
|
|||
|
|||
|
شكرا للجميع وكل عام وأنتم بخير
فازت القصيدة فى عدة مسابقات شكرا لدعمكم
|
|
#9
26-11-2010, 11:34 PM
|
||||
|
||||
|
اقتباس:
الف مبروك فوز القصيدة في المسابقة ربنا يوفقك تحياتي
|
|
#10
28-11-2010, 12:18 AM
|
|||
|
|||
|
اقتباس:
|
|
#11
11-12-2010, 03:01 AM
|
|||
|
|||
|
القصيدة بأمسية ببيت الشاعر فى حضور الأستاذ جمال الشاعر والفنان سمير حسنى
|
|
#12
12-12-2010, 01:04 AM
|
||||
|
||||
|
من ابداع لابداع
شاعرنا الكبير محمد علي ربنا يوفقك مع تحيات اختك نغم...............
|
|
#13
13-12-2010, 08:41 PM
|
||||
|
||||
|
كلمات جميله معبره
جزاك الله خيرا
|
|
#14
14-12-2010, 12:31 PM
|
|||
|
|||
|
اقتباس:
شكرا ليكى جداً يا أخت نغم وكل عام وانتى بخير
|
|
#15
31-12-2010, 06:01 PM
|
|||
|
|||
|
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:19 PM.
