عــــــــانــــــســــــــــ ارحموني ...........

[Mr. Ali 1]

المشاركة الأصلية كتبت بواسطة تسابيح النجوم

السلام عليكم ورحمة الله وبركاته

وعليكم السلام ورحمة الله وبركاته


أشعربننا نعيش في مجتمع ما قبل الأسر الفرعونية ,يسوده الجهل والأمية الفكرية وإن كنا في عصر التكنولوجي ..فالمرأة في التفكير شيء مظلوم في ظل هذا المجتمع ...لا أعلم لماذا؟!
أصل المجتمع بيقولوا عليه مجتمع ذكوري
وطبعاً الرجال جبابرة
فإن وصلت لسن ال22 دون ان تتزوج الويل كل الويل لها لقد وصلت لسن العنوسة
ويبدأ الهمز واللمز والكلام السخيف من هذه وتلك وتلمحات الأكثر سخافة ....
وأنها يجب عليها لتجنب هذه السخافات أن تقبل بأي رجل المهم تطبق قاعدة
ضل راجل ولا ضل حيطة ...بل بعض الفتيات يخشين ع انفسهم من العنوسة فتجدها تقبل أول من يطرق علي الباب دون أي اعتبارات ...ليس مهم ..المهم بأنه رجل !!!
لا يهم دين ولا أخلاقه ولا تفكيره ولا أهله ....
أمثلة كثيرة من الحياة فيها تنازلات كثيرة جداا من الفتاة

22 سنة وبتقولوا عليها عانس ؟!! هو انتوا عايشين معانا هنا في مصر ؟!!
بقول مصر مش القاهرة ( القاهرة وضع تاني خالص ) !!
22 سنة بتكون تقريباً لسه مخلصة جامعة وبتقعد تحط رجل علي رجل وترفض دا بحجة كذا وترفض دا بحجة أخري لحد ما تعمل بأسمائهم سبحة ( 99 اسم ) !!

مثال بسيطة فتاة تبلغ من العمر 27 تقريبا لم تتزوج بعد....ماذا تفعل ...
أمها كانت تأخذها معاها في اي مكان تذهب إليه لعل وسعي واحد يتعمي ويجي

هي كانت وحشة اوي كده لدرجة انه يتعمي ؟
و 27 سنة في العصر الحالي تبتدي تقلق شوية
وفي النهاية شخص يعمل في الجامعة أستاذ جامعي يبحث عن عروس فسأل هذه الأم
وفقالت ابنتي ابنتي عروس متميز ...وهو فعلا أستاذ جامعي ولكن رغم ما قيل لها بأن لدية حالة نفسية ولكن أبداا لم تصغي لكلام أحد وافقت الفتاة ولكن بعد كتب الكتاب
وفي الحنة تحديد لم تكن تطيقه ولا تريده ان تتزوجه وتتم هذه الزيجة ولكن الأهل
هيهات هيهات ...ليس عندنا فتيات تطلق ...وتم الزواج بعد أسبوع واحد فقط
بدأت المشاكل من سوء المعاملة لهذه الفتاة التي ذنبها الوحيد أنها قدمت تنازلات
من أجل أن تتزوج ولا يقال بأنها دخلت مرحلة العنوسة وبدأ المشادات والخلافات بين الأسرتيين فهو يعامل بطريقة غبية نظراا لمرضه وحالاته النفسية !!!

ولكنها قبلته قبل كتب الكتاب فهي مسئولة عن هذا الخطأ !!

وتم الطلاق فعلا بعد مشاكل دامت سنة !!!بدل من ان تصبح عانس أصبحت مطلقة

أهو علي الأقل غيرت اللقب

أم الآخري فهي تعمل مدرسة وصلت لسن 33 سنة ولم تتزوج فبعد أن فاتها القطار تقدم
بصراحة هي اللي غلطانة , كان المفروض تصحي بدري شوية عشان القطار ميفتهاش
لها شاب أكبر منها ولكنه حاصل ع دبلوم صناعة وتزوجته فعلا بعد الحاح شديد وضغط ع اهلها فإذا بها تكتشف بأنه رجل يمشي وراء كلام أمه ويؤمن بالخرافات

اللي يمشي ورا كلام أمه , بكره يمشي ورا كلامها هي , دا لو هي واعية وبتشغل مخها كويس
وانجبت منه بنت ثم قال لا يريد بنات وسبحان الله !في كل مرة يطلب منها ان تنجب ولد
كأنه بمزاجها وليس بأمر الله (سبحانه وتعالي) وفعلا انجبت 4 بنات فقالت الأم الشاب بأن زوجته ملبوسة لانها تنجب الفتيات وحصلت هذه المدرسة ع عقد عمل في دولة عربية بمرتب كبير وسافرت واخذت تبحث لزوجها عن عمل في هذه الدولة ولان تعليمه متوسط حصلت له ع عمل في محل مصري للمؤكلات وتم تكريم هذه المدرسة لشغلها الجادة في المدرسة ودعته ليحضر الحفل
فأخذ يقول لها طبعا زوج الست المدرسة بيشتغل طاهي في مطبخ فهل ستتشرفي بي امام الاساتذة
وهي لا تنظر له هكذاا ولكن لا حياة لمن تنادي

أكيد بتفضل عقدة عند الرجل لما يتزوج بامرأة تحمل مؤهل أعلي منه , ونظرة أقل من المرأة له أيضاً .

فهو يحاسبها لانه مستواها التعليمي اعلي منه ...وإذا بها امه تقنعه بأن زوجته ملبوسة
وتأتي برجل ويعرف الزوج بذلك ليضرب الزوجة امام زوجته ضربا زعما بإخراج العفاريت من جسدها ....وهو الأمر عنده عادي........!!

جهل ولم يكن عليها أن تطيعه في هذا الأمر أبداً !!
......
أم هناك من تخلع حجابها وتتنازل عن مبادئها ودينها بزعم حتي لا أصبح عانس ...

أصلها مكنتش مبادئ , كانت حاجة تانية خالص !! ( ممنوع السؤال )

ومنهم من تلطخ وجهها بالمساحيق من أجل جذب عريس الغفلة

ذوق ولبس البوصة , تبقي عروسة
أظن بأن الفتاة أكرم لها ان تعيش في بيت أهلها من هذه المهزلة ..

هناك أشياء أخري أكرم لها من الجلوس في بيت أبيها !!

ليس هي ذنب فيها ......

في الغالب بيكون لها ذنب أيضاً .

لماذا هذا التفكير ؟؟!!

إليكم الخط

انا مش حمسك الخط كتير !
الجميع يعلم الحالة الاقتصادية التي يعاني منها معظم الشباب ومع ذلك مازال الأباء والأمهات والفتيات تتمسك بالماديات التي ليس في استطاعة غالبية الشباب أن يلبيها , ونادراً يا تسابيح أن تجدي فتاة لم يتقدم لها واحد واتين وتلاتة وعشرة , ولكنها ترفض لأسباب معظمها تافه - أقول معظمها وليست كلها - كما أن الأهل يرفضون أيضاً ويقولون في أنفسهم ( البنت لسه صغيرة وبكرة يجلها عدلها ) لحد ما البنت تخطي الـ 30 سنة وهنا تبدأ مرحلة الخطر .
البنات تتنازل هي وأهلها عن الماديات وانتوا تلاقوا كل البنات اتجوزت .

[**تسابيح**]

أصل المجتمع بيقولوا عليه مجتمع ذكوري
وطبعاً الرجال جبابرة

فعلا احنا فعلا في مجتمع متحيز للرجل بشكل كبير
لو واحد عمره 45 سنة وممكن يتجوز ويتقدم واحدة اد بنته كمان
و50 سنة ام لو هي وصلت 25 حتي بتبقي كأنها عملت جريمة عشان لحد دلوقتي مش اتخطبت ....

هي كانت وحشة اوي كده لدرجة انه يتعمي ؟
و 27 سنة في العصر الحالي تبتدي تقلق شوية

لا الجمال دا نسبي
وفيه راجل ممكن يشوف واحدة حلوة وغيره يشوفها وحشة
كل واحد بئا وجهه نظره
بس مكنتش وحشة ولا حاجة

ولكنها قبلته قبل كتب الكتاب فهي مسئولة عن هذا الخطأ !!


أهو علي الأقل غيرت اللقب

أكيد بعد الحاح اهلها !!!
وبعدين هو العانس عارفة تجوز لما فيه واحد هيتجوز واحدة مطلقة
اظن انها ادمرت مش كسبت لقب جديد ولا حاجة
هو هيتجوز تاني و50 مرة وممكن كمان عمرهم صغير 17 و20
ام هي هتقعد جنب اهلها !!ولو اتجوزت هتجوز واحد ف 50 !!
مش بردو تميز عنصري داا !!!

اللي يمشي ورا كلام أمه , بكره يمشي ورا كلامها هي , دا لو هي واعية وبتشغل مخها كويس

بالعكس دا نصيبة للي بيمشي ورا كلام امه لان المسيطرة عليه هي امه
وبالذات لو بتشحنه من ناحية زوجته وكمان لو هي قوية !!

جهل ولم يكن عليها أن تطيعه في هذا الأمر أبداً !!

هي مش اطاعته دا ربطها !! هو فيه زوج يعمل كدا

المشاركة الأصلية كتبت بواسطة aliweeka1

انا مش حمسك الخط كتير !
الجميع يعلم الحالة الاقتصادية التي يعاني منها معظم الشباب ومع ذلك مازال الأباء والأمهات والفتيات تتمسك بالماديات التي ليس في استطاعة غالبية الشباب أن يلبيها , ونادراً يا تسابيح أن تجدي فتاة لم يتقدم لها واحد واتين وتلاتة وعشرة , ولكنها ترفض لأسباب معظمها تافه - أقول معظمها وليست كلها - كما أن الأهل يرفضون أيضاً ويقولون في أنفسهم ( البنت لسه صغيرة وبكرة يجلها عدلها ) لحد ما البنت تخطي الـ 30 سنة وهنا تبدأ مرحلة الخطر .
البنات تتنازل هي وأهلها عن الماديات وانتوا تلاقوا كل البنات اتجوزت .

أظن ان اي واحد بيتقدم لازم ع الأقل يقدر يفتح بيت
لو مش يقدر مش يتقدم أكيد
لازم يتعب ودا أقل حق من حقوق الفتاة انها يكون عندها بيت وحياة جديدة مع إنسان اللي هي هتعيش معاه باقي عمرها يعني دا أبسط حقوقها مش عليه اعتراض يعني ......
أم حكاية الرفض فدا اقبول يعني مينفعش انها تتجوز واحد هي مفيش قبول مبينهم
لان الزواج اكيد مش يوم ولا اثنيين دا العمر كله ...
ازاي يعني يتنازلوااا
أكيد فيه حاجات مينفع فيها التنازل وفيه حاجات مينفعش
يعني الشقة والعفش ممكن حكاية الدهب دا يكون بالتفاهم
لانه هدية من العرويس لعروسته ام الشقة والكلام دااا
دا شيء اساسي وضروري

[Mr. Ali 1]

المشاركة الأصلية كتبت بواسطة تسابيح النجوم

فعلا احنا فعلا في مجتمع متحيز للرجل بشكل كبير
لو واحد عمره 45 سنة وممكن يتجوز ويتقدم واحدة اد بنته كمان
و50 سنة ام لو هي وصلت 25 حتي بتبقي كأنها عملت جريمة عشان لحد دلوقتي مش اتخطبت ....

دا راجع لأسباب أخري مش زي ما انتي فاكرة , يعني مثلاً علي ميكون نفسه ويدخل البيت مالي ايده , بيكون سنه كبر بس مش لدرجة ان البنت تكون نصف عمره !!
وفيه سبب يخلي الراجل مثلاً يستطيع أن يتزوج فتاة أصغر منه بـ 10 سنوات أو حتي 15 سنة ( طبعاً مش كل الرجال ) لأن فيه اختلاف بين الطبيعة البيولوجية بين الرجل والمرأة ( المرأة يبدو عليها السن أكثر من الرجل ) ومفيش داعي أوضح أكثر من هذا والحدق فاهم طبعاً أنا أقصد ايه .

لا الجمال دا نسبي
وفيه راجل ممكن يشوف واحدة حلوة وغيره يشوفها وحشة
كل واحد بئا وجهه نظره
بس مكنتش وحشة ولا حاجة
يعني فيه ناس اتقدمت لها ولكن هي رفضت .

أكيد بعد الحاح اهلها !!!
وبعدين هو العانس عارفة تجوز لما فيه واحد هيتجوز واحدة مطلقة
اظن انها ادمرت مش كسبت لقب جديد ولا حاجة
غالباً الفتاة حينما تصل لمرحلة الخطر ولم تتزوج , يكون تفكيرها غير سوي وحاجات تانية مش حقولها , المهم بيكون نفسها تتخلص من لقب ( عانس ) ولا تدرك بأنها ربما نالت لقباً أسوأ منه !!
هو هيتجوز تاني و50 مرة وممكن كمان عمرهم صغير 17 و20
ام هي هتقعد جنب اهلها !!ولو اتجوزت هتجوز واحد ف 50 !!
مش بردو تميز عنصري داا !!!

لا مش تمييز عنصري ولا حاجة وانا وضحت شوية بخصوص هذا الأمر .

بالعكس دا نصيبة للي بيمشي ورا كلام امه لان المسيطرة عليه هي امه
وبالذات لو بتشحنه من ناحية زوجته وكمان لو هي قوية !!

اوعي تنسي ان أمه هي واحدة ست , وأكيد النوع دا من الستات بتكون هي المتحكمة في البيت كله , وهذا النوع منتشر بشكل ملحوظ في كل أنحاء مصر !!

هي مش اطاعته دا ربطها !! هو فيه زوج يعمل كدا

دا يبقي حيوان مش جاهل فقط وكان لازم أهلها يربوه علي عملته دي !!

أظن ان اي واحد بيتقدم لازم ع الأقل يقدر يفتح بيت
لو مش يقدر مش يتقدم أكيد
لازم يتعب ودا أقل حق من حقوق الفتاة انها يكون عندها بيت وحياة جديدة مع إنسان اللي هي هتعيش معاه باقي عمرها يعني دا أبسط حقوقها مش عليه اعتراض يعني ......
أم حكاية الرفض فدا اقبول يعني مينفعش انها تتجوز واحد هي مفيش قبول مبينهم
لان الزواج اكيد مش يوم ولا اثنيين دا العمر كله ...
ازاي يعني يتنازلوااا
أكيد فيه حاجات مينفع فيها التنازل وفيه حاجات مينفعش
يعني الشقة والعفش ممكن حكاية الدهب دا يكون بالتفاهم
لانه هدية من العرويس لعروسته ام الشقة والكلام دااا

دا شيء اساسي وضروري

وان شاء الله الشقة دي كام حجرة ؟ وموقعها فين بالظبط ؟
وايجار ولا تمليك ؟
والعفش كام غرفة ؟ وينجاب عمولة ولا جاهز ؟
ولو جاهز يكون منين ؟
ولو عمولة مين اللي يحدد النجار اللي يعمله ؟
علي فكرة كل هذه التساؤلات ليست تساؤلاتي أنا , انما هذا ما يتم بين العريس وأهل العروسة ( دا لو بقي عريس وهي عروسة ) !!
هذا بخلاف الشبكة كما ذكرتي والمغالاة الشديدة فيها ( مع انها هدية ) , وكذلك قيمة المؤخر ( عشان نأمن بنتنا ) , والفرح ولزوم الفرح !!
أقولك يا تسابيح
خلي البنات قاعدة تعنس من غير جواز أحسن , ولما يتخطوا 35 سنة بيكونوا هما وأهلهم هاين عليهم يشدوا الراجل من الشارع ويدوه البنت !!!

[**تسابيح**]

دا راجع لأسباب أخري مش زي ما انتي فاكرة , يعني مثلاً علي ميكون نفسه ويدخل البيت مالي ايده , بيكون سنه كبر بس مش لدرجة ان البنت تكون نصف عمره !!
وفيه سبب يخلي الراجل مثلاً يستطيع أن يتزوج فتاة أصغر منه بـ 10 سنوات أو حتي 15 سنة ( طبعاً مش كل الرجال ) لأن فيه اختلاف بين الطبيعة البيولوجية بين الرجل والمرأة ( المرأة يبدو عليها السن أكثر من الرجل ) ومفيش داعي أوضح أكثر من هذا والحدق فاهم طبعاً أنا أقصد ايه

طبيعي ان الزوج يكبر زوجته زي ما حضرتك قلت الزوجة بيبان عليها اثر العمر بسرعة ...وعشان المرأة تتجوز واحد ناضج مش تكون هي انضج منه
طبيعي اننا مش معترضيين عن الحكاية دي وتقريبا مفيش واحدة ترضي تتجوز واحد اصغر منها ...
...لكن دا ميمنعش انها ع الأقل تتجوز واحد يكبرها بسنة او اثنيين
لو هي وصلت ل30 او حتي 35 ...!!!زي ما هو بردو بيدور ع واحدة اصغر منه
بكثير واعرف ناس عمرهم 45 وعايز يتجوز واحدة في 2ث !!!يعني اد بنته الثانية
مش الأولي كمان

يعني فيه ناس اتقدمت لها ولكن هي رفضت .

هو فيه بنت مفيش حد بيتقدم لها !!!
فيه بنات بتقدم لهم ناس وهم في ثانوي واول لما تدخل الجامعة
يبدأ التقديم بئا بس الأهل بيوزعوا من برا براا
عشان البنت بتدرس ...!!
غالباً الفتاة حينما تصل لمرحلة الخطر ولم تتزوج , يكون تفكيرها غير سوي وحاجات تانية مش حقولها , المهم بيكون نفسها تتخلص من لقب ( عانس ) ولا تدرك بأنها ربما نالت لقباً أسوأ منه !!

طيب هو بتفكر وبتخاف ليه !!مش عشان المجتمع اللي هي عايشة فيه بيبص للي مش اتجوزت ع انها مش من حقها انها تختار بدل اتجاوزت السن القانوي بالنسبة لهم للزواج !!!

المشاركة الأصلية كتبت بواسطة aliweeka1

وان شاء الله الشقة دي كام حجرة ؟ وموقعها فين بالظبط ؟
وايجار ولا تمليك ؟
والعفش كام غرفة ؟ وينجاب عمولة ولا جاهز ؟
ولو جاهز يكون منين ؟
ولو عمولة مين اللي يحدد النجار اللي يعمله ؟
علي فكرة كل هذه التساؤلات ليست تساؤلاتي أنا , انما هذا ما يتم بين العريس وأهل العروسة ( دا لو بقي عريس وهي عروسة ) !!
هذا بخلاف الشبكة كما ذكرتي والمغالاة الشديدة فيها ( مع انها هدية ) , وكذلك قيمة المؤخر ( عشان نأمن بنتنا ) , والفرح ولزوم الفرح !!
أقولك يا تسابيح
خلي البنات قاعدة تعنس من غير جواز أحسن , ولما يتخطوا 35 سنة بيكونوا هما وأهلهم هاين عليهم يشدوا الراجل من الشارع ويدوه البنت !!!

كام حجرة دي العريس اللي عنده الشقة هو اللي بيحدد ولو هو راضيين بيه من الأول مش هيقولوا حاجة !!!
وبعدين حتي لو فعلا العريس بيجيب الحاجات دي العروسة بردو بتجيب حاجات كثيرة جداا جدااا
من ثلاجة ولازم تكون 3 باب وغسالة مفيش اقل من فول اتوماتيك وكمان المكنسة والميكرويف والسجاجيد
والمفارش وحاجات تانية كثير يعني العروسة بردو بتجيب طيب العريس ع الاقل بيشتغل وهيساعد اهله
ام هي ولا بتشتغل وممكن كمان تكون بتدرس !!!!!والاهل هم اللي بيجيبوا ولازم بنتي مش تكون اقل من اخت العريس اللي اتجوزت وجابت وجابت !!

خلي البنات قاعدة تعنس من غير جواز أحسن , ولما يتخطوا 35 سنة بيكونوا هما وأهلهم هاين عليهم يشدوا الراجل من الشارع ويدوه البنت !!!

يعني هي اللي عندها 35 سنة للدرجة دي ممكن تتنازل !!!
الواحدة تحفظ كرامتها وبلاها جواز من اصله بدل مش لاقية اللي يناسبها
ولا انها تهين نفسها تشتد واحد من الشارع !!!

[Mr. Ali 1]

المشاركة الأصلية كتبت بواسطة تسابيح النجوم

طبيعي ان الزوج يكبر زوجته زي ما حضرتك قلت الزوجة بيبان عليها اثر العمر بسرعة ...وعشان المرأة تتجوز واحد ناضج مش تكون هي انضج منه
ليس هذا ما قصدته مطلقاً ( قلنا الحدق حيفهم )
طبيعي اننا مش معترضيين عن الحكاية دي وتقريبا مفيش واحدة ترضي تتجوز واحد اصغر منها ...
لأ فيه بيرضوا ولو انهم قلة , لكن موجودة .
...لكن دا ميمنعش انها ع الأقل تتجوز واحد يكبرها بسنة او اثنيين
لو هي وصلت ل30 او حتي 35 ...!!!زي ما هو بردو بيدور ع واحدة اصغر منه
يبقي راجل أهبل أو عنده ظروف معينة !!!!
بكثير واعرف ناس عمرهم 45 وعايز يتجوز واحدة في 2ث !!!يعني اد بنته الثانية
مش الأولي كمان
تجديد للشباب
خيابة كبيرة بعيد عنك

طيب هو بتفكر وبتخاف ليه !!مش عشان المجتمع اللي هي عايشة فيه بيبص للي مش اتجوزت ع انها مش من حقها انها تختار بدل اتجاوزت السن القانوي بالنسبة لهم للزواج !!!

وهو المجتمع ايه الا الناس اللي عايشة فيه , يعني احنا مش حد تاني !!
وكمان البنت وأهلها هما السبب الأساسي في ان بنتهم تعنس .

كام حجرة دي العريس اللي عنده الشقة هو اللي بيحدد ولو هو راضيين بيه من الأول مش هيقولوا حاجة !!!
وبعدين حتي لو فعلا العريس بيجيب الحاجات دي العروسة بردو بتجيب حاجات كثيرة جداا جدااا
من ثلاجة ولازم تكون 3 باب وغسالة مفيش اقل من فول اتوماتيك وكمان المكنسة والميكرويف والسجاجيد
والمفارش وحاجات تانية كثير يعني العروسة بردو بتجيب طيب العريس ع الاقل بيشتغل وهيساعد اهله
ام هي ولا بتشتغل وممكن كمان تكون بتدرس !!!!!والاهل هم اللي بيجيبوا ولازم بنتي مش تكون اقل من اخت العريس اللي اتجوزت وجابت وجابت !!
هي الحاجات دي حتكون فين ؟ مش في بيت الزوجية , يعني لو جابوا شوية قبل الزواج وشوية بعد الزواج , ايه اللي حيحصل يعني ؟!! اشمعني في الدول الأجنبية مبنشفش الكلام دا ؟!!!
احنا اللي ناس معقدة ومؤرفين كمان !!

يعني هي اللي عندها 35 سنة للدرجة دي ممكن تتنازل !!!
الواحدة تحفظ كرامتها وبلاها جواز من اصله بدل مش لاقية اللي يناسبها
ولا انها تهين نفسها تشتد واحد من الشارع !!!

اذا أردت أن تطاع , فأمر بما يُستطاع .
البنت عايزة تتجوز شاب تقريباً من نفس سنها وتتجوز وهي صغيرة , يعني هو كمان يكون صغير , والماديات تجعل معظم الشباب عاجز , والأهل مازالوا متمسكين بتلك الماديات , يبقي البنات حتتجوز ازاي ؟!!!!!!
هو كل واحدة لازم قبل ما تتجوز يكون بيتها جاهز من مجاميعه ؟؟؟
دا معظم البنات بتكون ساكنة في شقة وأهلها وهي نفسها تشترط شقة تمليك , علي ايه يعني ؟؟
زي ما بيقولوا ( البنات علي قفا مين يشيل )
ارحموا من في الأرض , يرحمكم من في السماء !!!!!

[**تسابيح**]

ليس هذا ما قصدته مطلقاً ( قلنا الحدق حيفهم )

حضرتك تقصد فيلم محمود عبدالعزيز أكيد
مكنتش حضراه عشان كدا مش تباعهم

وهو المجتمع ايه الا الناس اللي عايشة فيه , يعني احنا مش حد تاني !!
وكمان البنت وأهلها هما السبب الأساسي في ان بنتهم تعنس

البنات مظلومة هما واهلهم

هي الحاجات دي حتكون فين ؟ مش في بيت الزوجية , يعني لو جابوا شوية قبل الزواج وشوية بعد الزواج , ايه اللي حيحصل يعني ؟!! اشمعني في الدول الأجنبية مبنشفش الكلام دا ؟!!!
احنا اللي ناس معقدة ومؤرفين كمان !!

ببساطة لانهم ف الدول الأجنبية مش بيتجوزوا أصلا
هم بيتصحبوا الأول عشان يعرف أخلاقها
وبعد كدا يفكر يتجوزها ولا لا...
يعني عندهم كل حاجة سهلةعندهم العملية سداح مداح

المشاركة الأصلية كتبت بواسطة aliweeka1

اذا أردت أن تطاع , فأمر بما يُستطاع .
البنت عايزة تتجوز شاب تقريباً من نفس سنها وتتجوز وهي صغيرة

حق مشروع أومال يبقي اد جدها مثلا

, يعني هو كمان يكون صغير , والماديات تجعل معظم الشباب عاجز , والأهل مازالوا متمسكين بتلك الماديات , يبقي البنات حتتجوز ازاي ؟!!!!!!
هو كل واحدة لازم قبل ما تتجوز يكون بيتها جاهز من مجاميعه ؟؟؟

أومال ازاي هتتجوز وبيتها ناقص
وبعدين مش لازم مش تكون اقل من بنت عمتها ولا بنت خالتها !!
والا لما تكون اول واحدة....فيه حاجات فعلا في الجاهز مش بيبقي
ليها ريحة اللازمة ومع ذلك الناس بتجبها فشخرة ليس الإ...
عشان البنت مش تكون أقل من حد .....وبعدين كل واحد عايز بنته
تكون بيتها مش نقصه قشة بس ع الأقل مش يكون ناقص اوووي
يعني الأساسيات موجودة في البيت ......

دا معظم البنات بتكون ساكنة في شقة وأهلها وهي نفسها تشترط شقة تمليك , علي ايه يعني ؟؟

واحدة عايزة تعيش في شقة تمليك ...امنية حياتك
يعني العريس مش يحققها

زي ما بيقولوا ( البنات علي قفا مين يشيل )
ارحموا من في الأرض , يرحمكم من في السماء !!!!!

فعلا البنات كثير بس مين اللي هيقبل الإ بعريس
جاهز يعني حتي لو البنات كثير
لازم يكون مالي ايده وهو بيتقدم
ربنا يرحمنا كلنا برحمته يارب

[Mr. Ali 1]

المشاركة الأصلية كتبت بواسطة تسابيح النجوم

حضرتك تقصد فيلم محمود عبدالعزيز أكيد
مكنتش حضراه عشان كدا مش تباعهم
مش الفيلم ولا حاجة , بس مش حوضح أكتر من كده

البنات مظلومة هما واهلهم
مظلومين ليه ؟ مش هي وأهلها هما اللي بيرفضوا ناس كتير لحد البنت ما تصل لسن العنوسة ؟
هي دي الشباب اللي موجودة في السوق

ببساطة لانهم ف الدول الأجنبية مش بيتجوزوا أصلا
هم بيتصحبوا الأول عشان يعرف أخلاقها
وبعد كدا يفكر يتجوزها ولا لا...
انا مش بتكلم عن طبيعة العلاقة بين الشاب والفتاة في الدول الاجنبية , أنا قصدت المعيشة بينهما لا يوجد بها كل التعقيدات التي توجد عندنا , مع ان الدين الاسلامي هو الذي يأمر بالتساهل في أمور الزواج ( بالنسبة للماديات ) !!

يعني عندهم كل حاجة سهلةعندهم العملية سداح مداح

فعلا البنات كثير بس مين اللي هيقبل الإ بعريس
جاهز يعني حتي لو البنات كثير
لازم يكون مالي ايده وهو بيتقدم

ربنا يرحمنا كلنا برحمته يارب

والجاهز ده يكون شاب ازاي ونحن نعرف الحالة الاقتصادية جيدا ؟!!!
يعني احنا لو عندنا أب وأم عندهم بنت وولد , لما البنت يتقدم لها واحد , بيطلعوا عينه وعين اللي خلفوه من كتير الطلبات !!
ولما يروح ابنهم يتقدم لواحدة , يبقوا عايزين يجوزوا الولد بأقل تكلفة ممكنة !!!
التناقض موجود فينا احنا .
احنا سبب المشكلة , وخاصة البنت وأهلها .
لو الأب والأم والبنت اهتموا بأخلاق ودين الشاب وجعلوا الماديات هي أخر اهتمامهم , لتغير الوضع تماماً .
ولنا في الماضي خير دليل علي كلامي هذا .
حكاية الأساسيات اللي انتي قولتي انها لازم تكون موجودة في البيت قبل الزواج , دلوقتي معظم الناس بقي عندها التليفزيون , الدش , الغسالة الفول أتوماتيك , البوتاجاز 5 شعلة علي الأقل , الحجرات بمواصفات معينة , وغيرها من الأمور .... كل هذا أصبح من الأساسيات !!!!
( إذا جاءكم من ترضون خلقه ودينه فزوجوه , إلا تفعلوا تكن فتنة في الأرض وفساد كبير ) أو كما قال صلي الله عليه وسلم .
هذا ما أمرت به الفتاة وأهلها , فهل يعملون به ؟!!!