والله ظلم لطلاب الثانوية العامة

[monyaaa]

دي حاجة توجع الدماغ هو هنروح مدارس ولا دروس ولا نزاكر ولا نعمل واجبات انا مش عارفة ازاي حضرة وزير التربية والتعليم بياخد قرارات من غير ميشوف اثرها على الطلاب اساسا قرار فاشل لانه لو عايزنا نروح المدرسة يبقى يشرحولنا فيها مش نروح من 8وربع ل 12 ومناخدش حاجة يعني تضيع وقت ع الفاضي او يلغي الدروس الخصوصية عشان المدرسين يشرحوا في المدارس والطلبة تركز معاهم عشان مفيش وسيلة تانية ممكن يفهم بيها اما كدة قرارات عشوائية نتائجاها سلبية ......... المشكلة التانية غير بتاعت تضييع الوقت اللي يتفصل يقعد في بيتهم وميدخلش الامتحانات انا مش فاهمة يعني ايه اللي يتفصل ملهوش اعادة قيد ولو في بالف ونص وازاي لما تيجي تسال اي مسوؤل يقلك الله اعلم اصل مفيش قرارات غير انه المسموح بالغياب لمدة 28 يوم ف السنة كلها دة كله ايه ذنب الطلاب فيه وايه الحل ؟؟؟؟

[منى على محمد محمد]

هو ايه الموضوع بالظبط انا مش فاهمه
قصدك على الغياب ولا التحويل للمنازل
هو فى قرارات جديده نزلت

[princess.noor]

انا معاكى ان المدراس تضييع وقت لان المدرسين مش بيشروحوا داخلين يسالو ا وبسس وانتى بتخرجى 12 كويس انا بخرج 2 وساعات 1.30 والله ظلم

انا برجع البيت 6 او 7 يوميا طبعا بكون مهدودة مش عرفة اعمل اية ولا اية اذاكر ولا اعمل الواجبات ولا انام ولا اية بالظبط

بس هنعمل اية يعنى .........

[semsemh_2001]

حولى منازل وريحى دماغك

[عيدحسن]

دا ظلم والله كدا حراااااااااااااام انا معاك والله انا فى 2 ث ومش عارفين هنعمل ايه و الله انا برجع من الدروس الساعه 7 او8

[the spider mido]

انت زعلان انك بترجع الساعه12 انا برجع الساعه2.5 وبعدين اروح الدروس وارجع عالساعه 8 وساعات 11 ياريت انا اخرج الساعه12زيك

[صعوبة]

[الاستاز]

اعملى زى واجلى دى احسن طريقه

[dodahlaweya]

انا كرهت المذاكرة .. والثانوية ..وكل حااااااااااااااااااااجه

[رمضان222]

يااللة انقذنا يااللة من هؤلاء ( ياسيادة الوزير يسيادة الاب الرحيم يسيادة المختصين بوضع القرارات والقوانين ارحموووووونا يرحمكم اللة لاشرح فى المدارس ولارحمة من المدرسين استيقظ الخامسة والنصف صباحا واعود السابعة مسا متى اذاكر ؟ متىاستريح؟ متى اجلس مع ابواى لاتناول الطعام ؟ متى متى متى ؟) اذن فارحموووونا من قراراتكم العشوائية والا فلا ......

[سـلـمى]

كل اللى احنا بنقوله ده صح

واللى يغيظ اكتر ان ناس معاك عندهم واسطة و يغيبوا وميتحسبلهمش غياب وكوسة بقى

بس الشكوى مش هتفيد حاجه دلوقتى ولا الوزير هيستجيب

احسن حاجة نتكيف مع الوضع ونحاول نظبط احنا على قد ما نقدر

عشان مفيش فايدة من الشكوى

[جمال الدين محمود]

المشاركة الأصلية كتبت بواسطة monyaaa

دي حاجة توجع الدماغ هو هنروح مدارس ولا دروس ولا نزاكر ولا نعمل واجبات انا مش عارفة ازاي حضرة وزير التربية والتعليم بياخد قرارات من غير ميشوف اثرها على الطلاب اساسا قرار فاشل لانه لو عايزنا نروح المدرسة يبقى يشرحولنا فيها مش نروح من 8وربع ل 12 ومناخدش حاجة يعني تضيع وقت ع الفاضي او يلغي الدروس الخصوصية عشان المدرسين يشرحوا في المدارس والطلبة تركز معاهم عشان مفيش وسيلة تانية ممكن يفهم بيها اما كدة قرارات عشوائية نتائجاها سلبية ......... المشكلة التانية غير بتاعت تضييع الوقت اللي يتفصل يقعد في بيتهم وميدخلش الامتحانات انا مش فاهمة يعني ايه اللي يتفصل ملهوش اعادة قيد ولو في بالف ونص وازاي لما تيجي تسال اي مسوؤل يقلك الله اعلم اصل مفيش قرارات غير انه المسموح بالغياب لمدة 28 يوم ف السنة كلها دة كله ايه ذنب الطلاب فيه وايه الحل ؟؟؟؟

السلام عليكم ورحمة الله وبركاته

والله ظلم شديد من أبناءنا الطلاب للمعلمين ،وزير التربية والتعليم أعطاكم سلطات على معلميكم ،أعجب من كلامكم أن المدرسون لايشرحون داخل المدارس ،وأنتم تجلسون أمامهم فى إنتباه وإهتمام منتظرين منهم العلم، لو تملكون أدنى شجاعة أدبية أبلغو ا عن أى زميل لا يشرح داخل الفصل للوزير أو المسئولين وهذا سهل جدا وانتم تعرفوا ذلك،أن مندهش لكلامكم ، إننا داخل الفصول نتوسل إليكم أن تجلسو ا محترمين لكى نشرح لكم بكل إخلاص وبكل إهتمام وتمكن علمى ، ولكنكم لاتريدوا أن تأخذوا أى دروس داخل المدرسة وكأنكم تريدون أن تستنزفوا آباكم ماديا وتضيعوا أوقاتكم ، والله عيب عليكم يامستقبل مصر وأملها أن تكونوا بهذا الاستهتار والفوضى.

[السندرلا3]

بصراحة عندك حق انا بطلع 2,5 بروح البيت اغير هدومي و اروح الدرس3 و في دروس 3,5 كل يوم و اروح ع المغرب 5 كدة اليوم خلص و طبعا بروح تعبانة

[محمدشومان]

انتم السبب لان المدرسة هى الاساس وليس الدروس الخصوصية

[sunshine2050]

المشاركة الأصلية كتبت بواسطة محمدشومان

انتم السبب لان المدرسة هى الاساس وليس الدروس الخصوصية

الكلام ده يكون صح فى حالة واحدة لما يكون المدرس اللى داخل بيشرح بضمير وده مش موجود إلا قليل جداً لانة حتى

لو موجود المدرس مبيديش كل المعلومات اللى أحنا حنحتاجها فى الأمتحانات ولو حصلت وكان فيه مدرس ناوى يشرح

بجد وحيدى كل المعلومات اللازمة تلاقى الطلاب مش مخليينه يعرف يشرح يعنى فى الحالتين الطالب هوه اللى

مظلوم حتقولى المشكلة فيكم أنتوا اللى مبتخلوش المدرس يشرح أقولك مش كل الطلبة بتعمل كده

غير كده وكده فكرة أنك تصحى الساعة 7 وتكون فى البيت الساعة 1 أو 2 ويادوك ساعة تتغدى وتعد شوية وبعديها

تروح درس يخلص تلاقى نفسك فى البيت الساعة 7.30 ولا 8 مطلوب منك تعمل ايه تذاكر هوه أنت أصلاً حتقدر تهرش

طبعاً فى الوقت ده حتتعشى وتنام عشان تروح المدرسة اليوم اللى بعده حنذاكر أمتى بئه يوم الجمعة والسبت

ويوم تالت حنغيبه فى الأسبوع بس طالب ثانوية عامة بيذاكر 3 أيام فى الأسبوع ده متوقع منه يجيب كام يطلع الأول

مثلاً