|
|
|
#1
05-12-2010, 10:54 PM
|
||||
|
||||
لقيت الفانوس مرة ودعكته -- طلعلى عفريت قاللى شبيك لبيك قلت خلاص الذل أنا ودعته -- ويا عفريت بالطلبات هاهريك قالى هأوأو يا إنسان -- دانا العفريت بن الجان ما يهمنيش مكان وزمان -- واطلب وعندى البرهان قلتله عاوز قمح زُرع فى مصر -- ومسؤولين يبطلوا فشر وحكومة متعصرنيش عصر -- ومرتب يسترنى لآخر الشهر وعاوز عيش بدون طوابير -- وحكومة ضد التبذير وانتخابات من غير تزوير -- و .......... سابق أشوفه كتير وعاوز فى بيتى كيلو دقيق -- وسبب مقنع لأى حريق ومجلس شعب بدون تصفيق -- وفى كأس العالم لينا فريق وعاوز أزور شرم الشيخ -- وصباعين كفتة اللى فى السيخ وأشرب مرة عصير بطيخ -- وأخرج من القسم بدون تلطيخ ونفسى الضحكة ترجع تانى -- وحتة لحمة كندوز أو ضانى وجنيه مصرى زى البرانى -- ورصيف للمشى أنا وخلاّنى رد العفريت عليا بغشم -- وقال يا مصرى ماكنش العشم بص.. أنا ممكن أنقلك الهرم -- واسدلك الأوزون اللى اتخرم وأرجعلك الأكل اللى اتهضم -- وأعملك بقرة من الغنم وأعملك قصر من العدم -- وأقولك معنى شرم برم بس طلباتك طلبات ملموس -- عقله خلاص أكله السوس ده تخطيط يا بنى ومدروس -- إنك تعيش على طول موكوس وأحنا بناخد منكوا دروس -- إزاى نخلى العفريت متعوس ويا رب ترجعنى تانى الفانوس -- وزى بعضه أعيش محبوس بدل ما أخرج واتبهدل زيك -- وأعيش موكوس على متعوس
__________________
|
|
#2
06-12-2010, 08:05 PM
|
||||
|
||||
|
اقتباس:
|
|
#3
07-12-2010, 01:44 AM
|
||||
|
||||
|
اقتباس:
ونصيحه لو حضرتك اللى مالفه سيب التدريس واتجه للشعر احسن التدريس مابقاش ليه اى مستقبل  |
|
#4
07-12-2010, 02:49 PM
|
||||
|
||||
|
اقتباس:
اقتباس:
شكراً الاخت الزميلة / شيماء20 على ذوقك الرقيق و على النصيحة للأمانة مش أنا مؤلفها لكنى أحب الشعر و أحب تصفح المواقع بحثاً عن الذوق الجميل و الشعر و وجدت هذه القصيدة تجمع كل معنى يحسه الجميع
__________________
|
|
#5
07-12-2010, 12:23 PM
|
||||
|
||||
|
اقتباس:
تسلم الانامل الذهبية يااستاذ حسن
__________________
انا حديثي سكات علي الضمير اللي مات  |
|
#6
07-12-2010, 02:55 PM
|
||||
|
||||
|
اقتباس:
بس هى لا ذهبية و لا حاجة ده كله نسخ و لصق و أهو اللى تعلمناه فى الاى سي دى ال نطبقه بدل ما احنا فاضيين و ربنا يصبرنا
__________________
|
|
#7
07-12-2010, 02:57 PM
|
|||
|
|||
|
اقتباس:
أشكر حضرتك على ذوقك في اختيار هذا المعنى تقبل مروري |
|
#8
07-12-2010, 03:00 PM
|
||||
|
||||
|
اقتباس:
شكراً على اهتمامك و جميل كلامك
__________________
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:49 PM.
