"البرادعى" يتسلم 3 آلاف توقيع على بيان التغيير

[mrweb]

فى خبر تانى قال انه جميع 10 آلاف توقيع
طيب ما يلمهم ويطلع بهم فعلا
والباقى وراه
المصرى بيتحرك مع القطيع دائما

التوقيعات وصلت لحوالي المليون لكن المطلوب انها تبقى 5 مليون مثلا حتى نعطي شرعية للمطالب, لانه الجمعية الوطنية للتغيير او البرادعي لو طلب تحقيق المطالب السبعة هايكون الرد انتوا مين؟ ومين الطلب منكم الكلام باسم الناس؟ لكن مع 5 مليون توقيع مثلا او اكتر هنا في فرق. زي فكرة سعد زغلول مع الاحتلال الانجليزي زمان لما طلب التفاوض باسم مصر كان الرد انت مين؟

احنا في مصر بنشتكي ليل ونهار من الاسعار والفساد و المرتبات بنشتكي في كل حتة بنشتكي لبعض و في الفضائيات و في الجرايد لكن في النهاية بيطلع مسؤول رزل بيضحك ويقول كله تمام و ده كلام فارغ بتقوله القلة المندسة. من خلال توقيعات المصريين على البيان بنقول للمسؤول الرزل ده احنا مش راضيين عن حالنا وحال مصر و عاوزيين التغيير. من خلال التوقيع بنعطي شرعية لمطالب التغيير, لان مصدر الشرعية هو الشعب.

هو البرادعى بيفكر زيينا برده؟.
يعنى بيفطر فول
والمرتب بيخلص بعد 5 أيام من الشهر؟

هو اكيد مرتبه مابيخلش بعد يوم 5من الشهر لكنه عاوز تحقيق العدالة الاجتماعية.

انا شايفه ما يفرقش كتير عن أى عضو فى النظام
مشفتش منه شىء يميزه بصراحه

لا يفرق هو لا سرقنا ولا عذبنا ولا حكمنا 30 سنة و عاوز يورثنا لابنه الصغير يفرق عنهم, بالعكس هو يريد تقييد صلاحيات الرئيس القادم و ان يكون الرئيس شخص عادي مش اله لا يحاسب ابدا.

التوقيعات ليست من اجل اختيار البرادعي رئيسا لانه لم يرشح نفسه للرئاسة (طالما التزوير هو سيد الموقف), التوقيعات من اجل تحقيق رغبة كتير من الناس في انتخابات حرة حقيقية بدون تزوير خاضغة للاشراف القضائي و الرقابة الدولية لضمان نجاح من يختاره الناس فعلا. دي هي مطالب البيان:
1. إنهاء حالة الطوارئ
2. تمكين القضاء المصرى من الاشراف الكامل على العملية الانتخابية برمتها.
3. الرقابة على الانتخابات من قبل منظمات المجتمع المدنى المحلى والدولى.
4. توفير فرص متكافئة في وسائل الإعلام لجميع المرشحين وخاصة في الانتخابات الرئاسية.
5. تمكين المصريين في الخارج من ممارسة حقهم في التصويت بالسفارات والقنصليات المصرية.
6. كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.
7. الانتخابات عن طريق الرقم القومي. ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن.

الناس بتوقع على موقع الجميعة الوطنية للتغيير