هذا بيان لشيخ الأزهر ولعميد كلية التربية وللنائب العام ولمن يهمه الأمر .

[ايهاب22]

حسبنا الله ونعم الوكيل كل ما تقوله قد حدث معى ومع زملائى فانا احد خريجى هذه الكليه وهذا حال مصر كلها الفساد استشرى فى كل مكان والذى يهون علينا انهم سيحاسبون يوم القيامه عن كل شيء انتقم الله من المفسدين فى هذه البلد

[الفتى الزهرى]

,ياه انت فكرتنى بايام
يا على الشئون كانت حاجة صعبة
انا كنت باقف عليها مرتين بس فى السنة بس هما المرتين
لما باخلصهم كانى اخدت كاس العالم
المرة الاولى علشان اشتراك القطار
والتانية عشان استمارة المدينة الجامعية
بس كانت معاملة سامحونى زبالة
ناهيك عن التاخيييييييييييييييييييير

[متلمس الطريق]

تسلم ايدك ع الموضوع الرائع

وربنا يكون ف عون كل اللى اخدو الدبلومه

واللى لسه مش خدوها

انت فكرتنى بايا م الضنك ف كليه تربيه

[زكريا مختار]

انا تخرجت من هذه الكلية في 2006

والكلام سليم ويرجع ذلك لاسباب منها زيادة اعداد الطلاب

وهناك اقسام من المفترض ان يكون لهم مبني مخصص
مثل التربية الرياضية والتنظيم والادارة وتكنولوجيا المعلومات

والكلية نفسها تحتاج لمبني اخر

[Observer]

المشاركة الأصلية كتبت بواسطة الفتى الزهرى

,ياه انت فكرتنى بايام
يا على الشئون كانت حاجة صعبة
انا كنت باقف عليها مرتين بس فى السنة بس هما المرتين
لما باخلصهم كانى اخدت كاس العالم
المرة الاولى علشان اشتراك القطار
والتانية عشان استمارة المدينة الجامعية
بس كانت معاملة سامحونى زبالة
ناهيك عن التاخيييييييييييييييييييير

يبقى كدة نسيت المرة التالتة
استلام الكارنيه
طب فاكر استاذ مجاهد بتاع التربية العملى
ولا عم مشحوط بتاع البوفيه
كانت ايام

[ewas]

انا تخرجت منها عام 1987 وزرتها بعد عشرين سنة لاتسلم الشهادة الكرتونية وهى كما هى لا تجديد ولا تغيير فسامح الله الجميع

[سالم حسين]

سلمت يداك ابن النيل , وايه اخرة الاهمال والتسيب في ادارات الازهر والى متى ستستمر ؟ نحن في القرن 21 والفوضى والعشوائية والرجوع للخلف هو الشعار القائم الا يستحيي هؤلاء القائمون على العمل الاداري , ادارات الازهر والاوقاف في كل مكان نموذج سيء للادارة , ما المانع من اخذ دورات في الادارة من الاخوة في التعليم العام ؟ او ارسال الافراد لمعايشتهم لفنرة معينة والاخذ عنهم , ولماذا لايطور الموظف من ادائه ؟ اصلا لايوجد متابعة لأن المتابع اجهل من الموظف , والله الواحد محبط جدا من ادارات الازهر المختلفة وماذا يفعل شيخ الازهر في هذه التركة الثقيلة , القماشة المتاحة مهلهلة ولا تصلح

[مستر / طاهر أبو خزيم]

تسلم ايدك يابن النيل كل اللىى قلته صح 100% انا كمان تخرجت منها 2003 فكرتونى بالذى مضى مع انه اللى يتخرج من تربية لا يمكن ان ينسى تلك الأيام الخوالى والشؤن والكارنيه واستمارة المدينه و.... و..... و...... و....... وانتو عارفين الباقى يا بتوع تربيه والمعاملة الزفت اللى كنا بنشوفها وقال ايه تربية والأستاذ مجاهد اللى كله تربية بتاع التربية العملى وسلملى عالتربية

[ام علاء]

كل كلامكم صح-----------حسبنا الله ونعم الوكيل

[** محمد علي **]

انا كنت فى كلية زراعة وكنت بسمع عن شئون تربيه
كان صيتها مسمع الكليه كلها
لا لحسنها ولكن لقبحها
الله يكون فى عون طلاب تربيه
ويكون فى عون المعلمين امثالنا
اللى مش عارفين ياخدو شهادة الدبلون هذة هههههههههههههههههه
هى فعلا دبلون وليست دبلومة

[monty_888]

[حنا فى زمن الكوسة والمحسوبية
واللى حضرتك قولته حاجه بسيطة جداااااااااااااااااااااااااا
كليات الازهر أكبر دليل على كده انا درست ف لغات وترجمة دراسات انسانيه بنفهنا الاشراف
والموظفين هناك ورونى ايام سودة عشان اخد شهادتى و اوراقى

اما بالنسبه لاصول دين
لو تفتكر اللى حصلنا يوم امتحان المناهج اللى كان بيدرسها لنا (خلف)
كان يوم كله مهزلة
ايام سودددددددددددددددة
يارب تكون اخر الاحزان

[البرهان الرياضى]

برغم كل الإنتقادات
أشكر كل من علّمنى حرفا ً
داخل مبنى كلية التربية
فهى بالرغم من سوء مدرجاتها وسوء حماماتها
لكن بعد التعيين فى الأزهر الشريف نسيت كل هذا العناء
وأفخر أننى من خريجى الأزهر
**********

[إبن النيل والتاريخ]

البرهان الرياضى :
أنا لم ولن أشكك فى كل من علمنى حرفا .
وهذه الانتقادات لم تمس شخصا بسوء بل هى سياسة عامة نتمنى تغييرها للأفضل حرصا على أزهرنا الشريف . وعلى نهضة مصر الإسلامية .
وأنت تتحدث عن نفسك فقط بقولك " وبعد التعيين نسيت كل هذا العناء ؟!!!
وما ذنب الأجيال القادمة والتى ستلاقى هذا العناء .
وما ذنب المتعاقدين الذين لا تكفى مرتباتهم حتى ما يعينهم على شراء الطعام .
وإلى متى ستظل هذه المدرجات ودورات النظافة بهذا الحال السيئ .
إننى أدعوا شيخ الأزهر إلى الإرتقاء بأحوال المدرسين المتعاقدين .
وأدعوا عميد كلية التربية إلى مخاطبة الجهات المختصة للإرتقاء بكليته .
وأدعوا النائب العام لمحاسبة الإداريين المستهترين الذين قاموا بجمع المبالغ المالية بدون إيصالات وهى جريمة لا تسقط بالتقادم .
وأدعوا كل من يهمه أمر الأزهر إلى دعمه بالمال وبكافة أشكال الدعم للإرتقاء به فى وجه التيارات الهدامة وحرصا على مصرنا الحبيبة .

[إبن النيل والتاريخ]

شكرا لكل الزملاء على تعليقاتهم وردودهم الطيبة . وتمنياتى للجميع ولأزهرنا الحبيب بالرقى وبمزيد من النهوض والتقدم .
وحفظ الله لنا أزهرنا ومصرنا الحبيبة من كل سوء .

[أ/ مكرم النبراوي]

ياااااااااه و الله كنت نسيت ......... الأستاذ مجاهد بتاع التربية العملي ..... و عم مشحوط بتاع البوفيه كان بياخد فلوس الكتب و نحجز معاه و بالمره نشرب واحد شاي بالفيتامينات........ و استلام الكارنيه ..... و استمارة المدينة الجامعية .... و المشوار من المدينة الجامعية حتى الكلية في الصباح بعد تناول وجبة الفول المدمس المشحون بالزيت المدمر لخلايا المخ يخليك بدل ما تروح المحاضرة ترجع تاني على السرير في المدينة ........... يااااااه و الله حسيت إني عايز أنام

بس يا جماعة برضه سلوكيات الواقفين على الشباك مش مضبوطة ... كل واحد عايز يخلص قبل التاني و مفيش نظام ... انا كنت فاكر إن ده بسبب الفول ... بس الظاهر إني كنت غلطان ... اكيد الغلط في السيستم ... أه النظام يعني ... بس علشان لغات و كده ... و يجعله عامر