نعمل ايه فى البرهان

[حسين الدوانسى]

افضل حل هى دراسة القواعد والنظريات من 1ع وكتابة برهان مصغر على القواعد وانا بشرحها كده وبتجيب نتيجه هايله
اولا زاوية مستقيمة لو اتقسمت يبقى كل الزوايا مجموعه 180 يبقى لو فى مجهول اعرف اجيبة
بما ان ابج زاوية مستقيمة مثلا اذا الزاوية المطلوبة = 180 - ( مجموع المعطى ) وهكذا
بعد كده راجع التطابق كويس اوى
راجع التوازى وكتابته فى البرهان
راجع الزوايا المتجمعه حول نقطة
راجع فيثاغورس واقليدس راجع المقابل ل 30 نص طول الوتر
راجع المتوسط فى المثلث
راجع المثلث المتساوى الساقين
راجع مجموع زوايا اى شكل رباعى او خماسى او سداسى
راجع التقابل بالرأس
لازم فى البرهان تبقى فى دماغك معلومات كتير واستنتاجات من المعطيات نص الحل
وتقدر تستخدم المعطيات وتستنتج منها حاجات تفيدك فى الوصول الى المطلوب
لازم وانت فى الحصه تسأل مدرسك لو فى قاعده بيشرحها نكتبها ازاى فى البرهان
كمان خلى بالك بما ان تيجى بعدها دليل واذا تجيبلك استنتاج
ادرس الدايرة كويس وخلى بالك من كل قاعدة او حقيقة او نتائج
متسيبش مسألة غير لما تحاول تجيبها لوحدك الاول او بمساعدة المدرس
نصيحة لو انت فى تالته تراجع وتطلب من مدرسك حصة او حصتين للبرهانات السابقه وتجميع للقواعد المطلوبة فى البرهان اخيرا ارجو ان أكون وفقت